Euskara haur saharar eta bretoien integrazio iturri Lizarran

Euskara haur saharar eta bretoien integrazio iturri Lizarran

Abuztuko lehen igandearen aurreko ostiralean hasten dira jaiak Lizarran, eta beraz, festetan buru belarri murgilduta izan dira herenegun arte. Jaien bezperan, euskara ikasteko beta ere izan du bertaratutako bisitari talde batek ekimen esanguratsu batean, Lizarraldeko edota Itzarbeibarreko euskarazko jardueraren berri ematen duen Bizi Lizarbeibar ataritik jaso dugunez.

Kultura aniztasunean, euskara integrazio iturri Lizarran: euskara klasea haur saharar eta bretoiei

Lizarrako jaien bezperan, ostegunean, ekimen txiki bezain ederra gauzatu zen Gure Hizkuntza elkartean: ordu bete pasako ikastordu arina eskaini zitzaien bost haur sahararri eta familia bretoi bati. Dena den, ez dezala inork bila albiste honen lerro buru arranditsuan, “integrazio iturri”, sekulako ekimena, ekimen txiki bezain polita baizik.
.
Euskara haur saharar eta bretoien integrazio iturri Lizarran
Euskara ikasi nahi zuen haur saharaui baten eskariz beste haur sahararrak, lagun batzuk eta Bretainiako familia bisitari bat elkartu ginen. Azken hauek bretoieraren berreskuratzean buru belarri dabiltza, aita bretoiera irakaslea baikenuen. Ostegun horretan baina euskarazko zenbakiak, agurrak eta oinarrizko esamoldeak ikasteko aukera izan zuten.
Haien ohiko integrazio hizkuntza gaztelania, frantsesa eta ingelesa izan dira Ega ondoko hirian, oraingo honetan baina euskara izan genuen. Ikastorduaren ondotik askaria eta Foru enparantzan Garean euskaldunon elkartearen Jai Bezperako jolasetan parte hartzeko aukera izan zuten.
Kultura talka ederra bizi izan genuen, bai generoaren aldetik eta baita jatorriaren aldetik ere. Bestalde, astean zehar, lerro hauek idazten dituenak haur sahararrekin maiz topo egin du eta bertatik bertara ikusi ahal izan du haurren hizkuntz-jarrera: euskaraz niregana hurbildu eta klaseko agur-jolasak errepikatu ditugu aldiro. Ederra! Euskal Herrian hamaika kolore ditugu!
Euskara haur saharar eta bretoien integrazio iturri Lizarran
bretoiak, euskara, integrazioa, lizarra, sahararrak

ZuZeu-ko editoreek sarean aurkitzen dituzten artikulu interesgarriak, CC-BY-SA 3.0 lizentziapean.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude