Eremu mistoak Euskararen Ordenantza behar du

Eremu mistoak Euskararen Ordenantza behar du –

2017ko ekainaren 9an 44 udalerri sartu ziren Nafarroako eremu mistoan. Urte batzuk lehenago beste hiru sartu ziren. Denak euren borondatez sartu ziren. Hala ere, lehengo dinamikari jarraitu diote, oro har, oraindik eremu “ez euskaldunean” izanen balira bezala.

Eremu mistoak Euskararen Ordenantza behar du
Eremu mistoak euskararen ordenantza eskatzen du.

Nafarroako erakunde publikoetan euskararen erabilera arautzen duen 103/2017 Foru Dekretuak helburu hauek dauzka eremu mistorako: “Eremu mistoan, gauzagarri egitea herritarrek duten eskubidea euskaraz nahiz gaztelaniaz zuzentzeko Nafarroako administrazio publikoengana, beren erakunde publikoengana eta menpeko dituzten zuzenbide publikoko entitateengana, bai eta beharrezkoak diren tresnak zehaztea ere ahalbidetzeko euskara eta gaztelania erabil daitezen herritarrei zerbitzua emateko; betiere, eremu horretako udalerrien errealitate soziolinguistikoarekin bat”.

Dekretu horrek ezartzen du eremu mistoko toki entitateek beren jarduketa-esparruaren barnean beren planak prestatuko dituztela helburu horiek erdiesteko.

Euskararen ordenantzen bidez gauzatu daitezke plan horiek, eta gure ustez Antsoaingo Udaleko Euskararen Ordenantza izan daiteke eredu egokia, nahiz eta hori zenbait arlotan hobegarria den.

47 udalek Euskararen Ordenantza egokia egiteak nabarmen hobetuko luke euskararen egoera Nafarroan, eta akuilu izanen litzateke beste erakundeentzat.

Eremu mistoak Euskararen Ordenantza behar du Eremu mistoak Euskararen Ordenantza behar du
euskara, nafarroa
Joseba Otano

Administrazioan Euskaraz Taldea

2 pentsamendu “Eremu mistoak Euskararen Ordenantza behar du”-ri buruz

  • Otano: oso beharrezkoa zait diozuna ez baita aski hartu zuten erabaki hura. Euskara eguneroko lanek eta borrokek aterako baitute aurrera.

  • Ordenantza behar du eremu mistoak, baina ikuspegi osoko ordenantza. Bilduk gobernatzen duen Gipuzkoako herri batean bizi naiz eta kultur programazio ia dena gazteleraz da

Utzi erantzuna

Zure e-posta helbidea ez da argitaratuko. Beharrezko eremuak * markatuta daude