“Ziega baten zintzilikatzen duen azken egutegia izan dadila”

Ehunka euskal herritar dira gabonak espetxeetan gatibu bizi beharko dituztenak. Horien artean da Arnaldo Otegi. Bere webgunean idatzi duen “Gabonak hona ere heltzen dira” hitzez-hitz ekarri dut ZuZeura.
Gurari bat eskatu du Otegik, eta ziur beste kartzelaratuek hala egingo dutela: “Ziega baten zintzilikatzen duen azken egutegia izan dadila”

otegi gabonak

Gabonak hona ere heltzen dira

Errekontuarekin esnatu da, betikolez, irratia piztu du goizero bezala errutinaz… Gaur beste egun bat besterik ez da izango Abenduak 24 ez balitz… Arrunta ez den beste egun arrunta dela pentsatu dezakegu.
Hortzak garbitzen dituen bitartean haurtzaroko gabonen oroimena irudikatu du, plastikozko espiluan, bisigu errearen usaina, lehen zigarretak, txanpan botilak…eta bapatean jadanik gurekin ez direnen  aurpegiak. Ez du honek tristetu…aspalditxo du eraikina serenitatearen ziklo bitala.
Azken paketean sartutako udalak ateratako egutegia mahai gainean jarri du, gauean ohiko lez zaharra kendu eta berria txintxilikatuko du, gauza txikiek kartzelan  merezi duten solemnidadea gordez. Denboraren poderioz lasaitzen joan den asmoa

Eta sentimendua bada ere euskaldunen Jainkosa  ezonarriari zera eskatu dio: ziega baten zintzilikatzen duen azken egutegia izan dadila.

Lehioa irekitzean elurra ari dela ikusteak poztu du (eta kezkatu aldi berean, bisitara datoztenek errepideak gaizki eukiko dituztelako),
Baina elurpean korrika egitea maite du…eta asko eskatzea ez bada, gauean euria egitea nahiko du…euri- mazmarrak askatasun nahietarako musika egokiena delako. URTE BERRI ON ETA ASKEA DENENTZAT!
Arnaldo Otegi Mondragon, Logroñoko espetxetik.
Arnaldo otegi, Gabonak

Utzi erantzuna

Zure e-posta helbidea ez da argitaratuko. Beharrezko eremuak * markatuta daude