[Barretartia] Zerk jartzen gaitu bero-bero?

[Barretartia] Zerk jartzen gaitu bero-bero? –

[Barretartia] Zerk jartzen gaitu bero-bero?

«Umorea, euskara eta sormenarekin batera, beti izan da nire bizitzan zutabe garrantzitsua, eta hori dela eta 2012an Barretartia bloga ireki nuen, umorezko eta umoreari buruzko euskarazko gunea».

Idoia Torregarai Martija (Usurbil, 1974)

.

Gaur sexuaz hitz egingo dut, zehazki, galdera honi erantzuten saiatuko naiz: zerk jartzen gaitu bero-bero?

Izan ere, pasa den astean puzkerrei buruz aritu ginen eta saio horretan gauza asko ikasigenituen, tartean, zer zen Eproktofilia: puzkerrekin eszitatu egiten diren pertsonak sentitzen dutena (usaina naiz soinuarekin).

Beno, ba Zenbat buru hainbat aburu esaten du esaera zaharrak eta eszitazio kontuetaneta horrela dela esan behar dugu. Hau da, oso gauza desberdinek jartzen gaituzte bero-bero. Adibidez:

.

Alosgarmia

Zure bikotea ez den beste norbaitengan pentsatzeak sortzen dizun beroaldiari deitzen zaio. Nik uste dut ia guztiok noizbait izan garela alorgasmikoak, ezta? Nik adibidez, izena aipatuko ez dudan kantari bibotedun batengan behin baino gehiago pentsatu izan dut!

.

Autagonistafilia

Beste norbaitek zu biluzik ikusteko egoerak sortzea. Adibidez, etxeko gortinak zabalik uztea bizilagunak larrubizirik ikus zaitzan. Hau nahi gabe asko egiten da, adibidez logelako leihoa irekita uzten duzunean aireztatzeko, eta dutxatu ondoren ahaztu egiten zaizunean denek ikus zaitzaketela.

[Barretartia] Zerk jartzen gaitu bero-bero?

.

Axilismoa

Bikotearen besazpian masturbatzea. Hemen, benetan, ez dakit zer nolako iruzkinik egin. Galdera bat otutzen zait: belaunatze-aldearekin ere balioko du edo beste izen bat edukiko du?

.

Txoreofilia

Dantzan egiten dugunean kitzikatzea. Txoreofilia hitza, argi dago, koreografiatik dator, edo txoreografiatik. Zer nahi duzue esatea, ni soltean fandango eta arin-arina hasten naizenean halako zirrara sartzen zait…

.

Klastomania

Bikotearen barruko arropa kendu eta puskatzeak sorrarazten dizun eszitazioa. Hau batzuetan naturalki gertatzen da bularretakoa ezin duzuenean askatu, adibidez. Banku mundialera sartzea baino zailagoa izaten da askotan! Hau aberatsen kapritxoa dela iruditzen zait: kreditu lerroa ireki behar duzulako mertzerian hainbeste kulero eta galtzontzilo erosteko.

.

Dendrofilia

Zuhaitzen kontra igurzteak sorrarazten duen plazera. Lizarra eta urkiarekin izan daiteke, baina kontuz, pinua eta batez ere eukaliptoarekin!

.

Falofilia

Zakil handiekiko erakarpena sentitzea. Ez dut aurkitu bulbarentzat baliokiderik. Nola da posible? Horrekin batera, mikrogenitalismoa ere existitzen da: hau da, genital txikiak gustatzen zaizkien pertsonak.

.

Ginotikolobomasofilia

Belarri-gingilak txoratzen dutenek pairatzen dute hau.

.

Ipsofilia

Norbere buruarekin bakarrik eszitatzen dena. Gotzon Garateren atsotitzen bildumatik esaera zahar hauxe: Ardi bakarrak, nonahi belarra.

.

Misofilia

Arropa zikinak erakartzen duena. Ez dadila sartu nire etxera, bestela gainetik kendu ezinda egongo naiz-eta.

.

Politerofilia

Orgasmora iristeko bikote sexual jarraituak behar izaten dituena. Maratoilari sexuala, alegia!

.

Sitofilia

Masturbatzeko janaria erabiltzea. Adibidez, luzokerra (pepinoa), platanoa, meloia, sandia… Ez duzue berdin ikusiko fruta-denda hemendik aurrera, ezetz!

.

Otsailaren 14an, Balendin deunaren egunez (maitasunaren eguna) Euskadi Irratiko FAKTORIA saiorako egindako kolaboraziotik.
[Barretartia] Zerk jartzen gaitu bero-bero? [Barretartia] Zerk jartzen gaitu bero-bero? [Barretartia] Zerk jartzen gaitu bero-bero?
Barretartia, kitzikatu, sexua

Utzi erantzuna

Zure e-posta helbidea ez da argitaratuko. Beharrezko eremuak * markatuta daude