Zehaztasuna eta ardura hondakinekin

Proposatzen ari direna ikusita, mesede gutxi egiten diote batzuk hain beharrezko dugun hondakin hiritar zurrunen eztabaidari. Ez gara gu izango, ez mugimendu ekologista ezta Eguzki ere, norberak bere ideiak babesteko berezkotasuna edo legitimitatea kenduko diogunik, ez baitzaigu burutik pasatzen, ez kasurik okerrenean ere, zentsuarenekin zerikusirik izan dezakeen jokabiderik, baina era berean  zorroztasunez arituko gara zehaztasuna eta ardura eskatzerakoan, ideia horiek adierazteko erabiltzen diren era eta bitartekoetan. Ideia oro azaltzeko erabateko errespetua baina zorrotzak zehaztasuna eta formekiko ardura eskatzerakoan.

Deigarria da indar Ateaz Ateko (AA) hondakin bilketa sistema laidoztatzen eta entzutea kentzen ahalegin handiagoa egitea, babesten duten sistema eta zaborren errauskailua babesten eta ezagutarazten baino. Aipatutakoa, talde ekologista honen Interpretazio subjektiboa ez dela  aise egiztatu daiteke. AAkoaren aurkako alderdi politikoak egindako deskalifikazio gogorrak, hain dira larriak, Autonomi Erkidego honetatik kanpo dauden udal erakundeak parte hartzeko beharra sentitu dutela, zeharka, beraien izen ona galtzen ari zirelakoan.

Zehazki esateko, AAko Bilketarako Udal Catalunyarren Elkarteak (ASSOCIACIÓ DE MUNICIPIS CATALANS PER A LA RECOLLIDA PORTA A PORTA ), bertan kolore guztietako udalerriak daudela, ezkerretik eskuinera eta abertzaletatik konstituzionalistetara doan udalerriz osatuta dagoela dioen manifestu bat onartu dute. Bere esanetan, akats larria da hondakinen kudeaketa alderdi polítiko bakar batekin lotzea.

AAkoa sistema zikin, eraginkortasun gutxiko, osasungaitz, garesti eta hiritarrak zaborraren gatibu bihurtzen dituenaren Gipuzkoan egindako adierazpenak eragin dute elkarte horren erantzuna, beraietaz ari zirela sentitu dutelako. Duela 12 urte abian jarri zen sistema  baten inguruan nola era horretan izena galarazi daiteken galdetzen dute. Esperientzia horretan oinarrituta bilketa sistema  hau, beraiek ezagutzen dituztenen artean, eraginkor, jasangarri eta birziklapenaren emaitza hoberenak lortzen dituena dela baieztatzen dute.

Elkarte honen esanetan, alderaketa alderdikoietatik  ihes egin behar da eta beharrezkoa dela hondakinen inguruan ganorazkoa eta lasaia izango den eztabaida , sistema hoberenaz hornitzeko eta helburu horretarako AAkoak elkarte horretako udalerrietan daramatzan hamar urtetan oso emaitza baikorrak eman dituela gogorarazi nahi dute. Ondoko helbide elektronikoan   (http://www.portaaporta.cat/es/document.php?idDocument=134) elkarteko Zuzendaritza Batzordeak eta Lantalde Teknikoak aurtengo maiatzaren 17an onartutako akordioa bere osotasunean irakur daiteke.

Eguzki talde ekologista eta antinuklearrak herri mugimenduak eta alderdi politikoak, denak,  hondakinen kudeaketaren inguruko hausnarketa lasai eta arduratsua egitera gonbidatzen ditu, interes alderdikoiak eta oinarririk gabeko topikoak baztertuz hala nola interes orokorra, jasangarritasuna, ingurumena eta herritarren osasuna lehenetsiz.

Aitxitxa Kasimiro ala ni?
Arima urratu arte

11 pentsamendu “Zehaztasuna eta ardura hondakinekin”-ri buruz