Uztaritze aitzinsolasa –

Lehenagoko aitzinsolasean, Pierre Hourmat[1] Société des Sciences, Lettres et Arts de Bayonne elkartearen Presidentak zioenez, Michel Duhart[2] Uztaritzeren eta haren historiaren maitale bat dugu.

Baieztapen hau frogatu behar balitz, aldi honetan aipatuko dugun liburuaz aparte, gure idazleak Dominique Joseph Garaten[3] biografia bat eta Uztaritzeko etxeei buruzko bi liburu eder idatzi ditu

Uztaritze Lapurdiko Biltzarraren azken egoitza izanez geroz, Michel Duhart konbentzitua zegoen untsa, 1789ko Iraultza garaian bertan gertatutakoa erabakigarria izan zitekeela gure Iparraldearen gaurko egoera konprenitzeko.

Horrengatik egunak eta egunak Uztaritzeko Herriko etxeko artxiboak arakatzen pasatu ondoren, «Ustaritz au temps de la Revolution» liburua 1989an argitaratu zuen. Herrikide zituen Eugene Goyhenetche[4] historialari famatuaren eta Louis Dassance[5] auzapez euskalzainaren kontseiluetaz baliatu ahal izan zen eta preseski Michel Duhartek liburua hitz hauetan haiei eskaini zien :

«A la mémoire de Louis Dassance et Eugene Goyhenetche qui savait si bien parler d’Ustaritz et de son passé»

Alabainan liburua erdaraz idatzia izan zen eta orai biblioteka bakar batzuetan baizik ez da aurkitzen.

Horrengatik, laster ohartuko zareten bezala euskararen eta itzulgintzaren profesionala ez naizen arren, ausartu naiz «Ustaritz au temps de la Revolution» Michel Duharten liburua euskaraz itzultzera.

Eskertzen dugun gure erredakzioari esker, datozen asteetan barna, testua Zuzeun atalka irakurtzen ahalko da.

---

[1] BC Pierre Hourmatek zuen egin jatorrizko aintzinsolasa.  Baionako historialari gaskoia bat da, Histoire de Bayonne des origines à la Revolution de 1789  liburuaren egilea,  Societé des sciences, Arts et Lettres de Bayonne  elkartearen lehendakari izana

[2] BC : Michel Duhart Normandian sortu zen eta bankari izan ondoren  jubilatu zen familiako Sosa etxean. Txilen ibilitako familia batekoa da. Lota gaztelua orain Euskal Kultur Etxea dena haren familiarena zen. Izan ere Lota Txileko hiri baten izena da.

[3] BC : Uztaritzeko familia batekoa eta Herriari atxikia  izan arren, politikari frantziar inportantea izan zen iraultza garaian.

[4] BC : Historialari uztariztarra hau ere, Jelzalea,  Le Pays basqueliburu gotorraren egilea.

[5] BC : Euskalzaina eta luzaz auzapez izana, Michel Duhartek erran ohi du gutisko idatzi zuela zeren eta asko baitzekien.

[Uztaritze iraultza garaian I] Uztaritze, 1789ko iraultza frantsesaren garaian

Uztaritze aitzinsolasa