Urkulluren maitasun mezua Kataluniari… eta txiste gehiago

Urkulluren maitasun mezua Kataluniari… eta txiste gehiago –

Urkulluren maitasun mezua Kataluniari... eta txiste gehiagoJakin badakigu Eusko Jaurlaritzak oro har eta bere lehendakari Iñigo Urkulluk ez dutela liluraz bizi Kataluniaren bide orria. Onenean, Joseba Egibar bidali dute Bilboko Kafe Antzokira independentista plantak egitera. Normalean, aho txikiarekin babestu dituzte betiko bazkideen pausoak, errespetu instituzionalaren diskrezioaz. Zenbaitetan, Urkulluk bitartekari papera hartu du bere gain, batzuei eta besteei “elkarrizketa eta akordioa” eskatuz, Espainiako Errege batek behar lukeen paperean, eta ez indar abertzale baten posizio argiarekin. Independentzia XIX. mendeko kontua da, aldebikotasuna behar dugu, Nazio Forala, gauzak behar bezala legez egin behar dira… makina bat boutade eta politika fantasiaren munduko adierazpen. Espainiak arerioa zatitzeko aukera erraza baliatu du politikaren gidalerro oinarrizkoa segiz. Edozein kasutan, Kataluniako alderdiek ezikusiarena egin dute bakearen izenean –katalan independentistek ez bezala– eta berean segi dute “euskal aliatuen” epelkeriak etorkizunerako kontu eskeen apalean utzita.

Erreferendumaren Legearen onarpenak Espainiako estatuko politikariak eta hedabideak erbiditu dituen egunean Urkulluk ez zuen hitzik egin. Nahikoa zalaparta eragin zuelakoan Radio Euskadin, astelehenean. Ez alde ez kontra. Ponentzia parlamentarioz erantzun du, denbora pasatzen utziz. Diotenez, Uxue Barkos Nafarroako lehendakariak ere gaitz bera du. Halako batean, baina, Alonsotegikoa xaxatu du inguruko norbaitek. “Iñigo, denak aztoratuta zeudek eta zeozer esan beharko diagu. Ez duk zertan prentsaurreko berezi bat deitu. Nahikoa duk txio bat. Ez hadi asaldatu. Zerbait polita. Azalekoa. Zehatza bezain difusoa. Gora bihotzak”.

XXI. mendeko antologia politikoen liburuan sartzeko modukoa bota dute Urkulluren kontutik. “Nik maite dut Katalunia” bat, emotikonoz, Google-n topatutako senyeraz –egun unionistek gehien aldarrikatzen dutena– eta kosmopaletismoaren mandatuei jarraituz ingelesezko itxuraz idatzia. Hori gutxi ez eta “Cat” jarri du, SMStan bezala karaktereak Twitterren kobratuko dizkiotelakoan. “Cat”, ingelesez katua denez gero, eta mezuaren ponpoxotasun hutsala ikusirik, Twitterrek, nola ez ba, umore garratzez erantzun du.


Urkulluren maitasun mezua Kataluniari… eta txiste gehiago
Katalunia, urkullu

Utzi erantzuna

Zure e-posta helbidea ez da argitaratuko. Beharrezko eremuak * markatuta daude