Alter dixit.

– Txikire beste lau…
– Txo, ostabe! Handire lau ta txikire beste lau? Zer guzu ba, txakurrek be dupliek dakozuzela jakitxie?
– Nongo dupliek! Patxi difuntuek, Carmenenak, hauri eitxen ezan dauen bakotxien 3 zazpiko okintxen ezan dauelakon ezaten ezan dan. Nik barritz aguanta, emongotsagu arpi. Oin, jokora kontuz, ondo ornite ibilko da ta!
– Ape, dana dakizuie zuek! Ba iñok ezer esan orduko, paritara be enbido, bakizuie zer dakoten eta.
– Hara, horrek neuk gudotez, artez esateko.
– Elegante… Jokorik ez.
– Txarridxe! Auntxek be ha dala, bestie dala, enreda gaitxuz honek…. Nik bai: danak!
– Ez hartun gero, endxe daku te… Handidxe zeuona; txikiko laurek, paritako bidxek, neure bi ta zeure bategaz, justo-justo. Hiru ta bi! Ala, gozan Madalenenera…
– Hau dok eh! Suabe gero: geuze bat da irebaztie, baie irebazten be jakin enbide, lagune… Oin ganera neuk paga bihar zeure ardaue. Bidxar enabil: neu be haunelez, begire baño enai etorko.
– Tire… atzo zeu be majo harrotu zañen eta! Gaur galtzie toka da, ta kitxu…
– Benga, listo… akaba berton! Andrie be begire dakot eguerdireko biberak noiz erungo ta.
– Bai, dale aurrera, bihar baño gehidxau ernega orduko.
– Bestiok be bakuz enbiharrak, eh… Pentsa barik gero, zeu zarala hamen okupeta dabilen bakarra.
– Atzo gauien non diñosten neuriek ez idatso gustaten holan, danan bisten, karta-jokuen ibiltzie… Txokue idaku horretako geuzetako.
– Esango zantsazun zeuzer…
– Eh, ia ba! Esantsat, neuri be etsastela gustaten astin-astien uliek arreglaten pelukeire jun biharra, baie horreitxik juten dala bera…
– Ondo esanda!
– Bai bertan momentuen… baie zertzuk entzun nauzen gero ba! Damutu jasten ixi-ixilik ez otie…
– Gizonak, espabile ba! Oñez zuziela be engo zuie enbiharreko berbak…
– Bai, bai… Errozoie dakozu, baie egun santo dana iñori errozie emoten onbiharra be, gogorra da gero!

Ego dixi.