Soinujolearen semea taulagainean

Duela urte batzuk Atxagak Soinujolearen semea bere eleberriaren zinemarako gidoia idatzita zuela esan zuen Euskadi Irratian egin zioten elkarrizketa batean. Finantziazio faltagatik edo batek daki beste zein arrazoigatik azkenean baina (oraindik) ez da film hori grabatu. Dena den, asteon Bilboko Arriaga Antzokian Ttanttaka teatroak, Bilboko Arriaga Antzokia, Victoria Eugenia eta Gasteizko Principal antzokiekin elkarlanean egin duen antzerkirako egokitzapena estreinatu da.

Patxo Telleria aktore eta gidoigileak egokitu du asteasuarraren lana. Eleberriko pasarte batzuk kanpoan utzi behar izan baditu ere ordu eta erdiko lan txukuna atondu du. Soinuaren hauspoa gogora ekartzen duen José Ibarrolaren eszenografia eta Iñaki Salvadorren musika lagun Fernando Bernuések haibat euskal aktore izan ditu bere esanetan. Denek ala denek lan zoragarria egin dute. Erdiko belaunaldiko Aitor Beltran eta Iñaki Rikarte aktoreak bikain aritu dira. Denek ala denek Atxagaren unibertsoaren interpretazio onirikoa osatu dute. Eskusoinuen etengabeko presentziarekin eszenaratze txundigarria lortu dute. Euskarazko bertsioan, gaztelerazkoan ezinezkoa den hizkuntza joko bat egiten da eta neurri handi batean horrek egiten du aberats antzezlana.

FITXA ARTISTIKOA

Egilea  BERNARDO ATXAGA

Antzerkirako moldaketa PATXO TELLERIA

Zuzendaritza FERNANDO BERNUÉS

Musika IÑAKI SALVADOR

Eszenografia JOSÉ IBARROLA

Argiztapena XABIER LOZANO

Jantziak ANA TURRILLAS

Atrezzoa eta jantzitegi laguntzailea  LUIS M. DEL OLMO

Off ahotsak:

Juan IÑAKI BERAETXE

Esataria FORKI
AKTOREAK:

David:

(Haurra) MATTIN APAOLAZA (Gaztea) AITOR BELTRAN (Heldua)JOSEBA APAOLAZA

Mary Ann: (Gaztea) VITO ROGADO  (Heldua) ANKE MOLL

Joseba: (Haurra) MIKEL TELLERIA (Gaztea) IÑAKI RIKARTE

(Heldua) PATXO TELLERIA

Agustín: MIKEL LOSADA

Lubis:  ASIER HERNÁNDEZ

Teresa: AMANCAY GAZTAÑAGA

Ángel: DAVID PINILLA

Carmen: MIREIA GABILONDO

Soinujolea: IÑAKI SALVADOR

EKOIZPENA: ARRIAGA ANTZOKIA, GASTEIZKO PRINCIPAL ANTZOKIA, DONOSTIAKO VICTORIA EUGENIA ANTZOKIA ETA TANTTAKA TEATROA

antzerkia
Ander Barinaga-Rementeria

IZAN ALA EZ IZAN