Iruñeko peñen Sanferminetarako pankartak –

Bihar eguerdian, ohi bezala udaletxetik txupina botata, 2018ko Sanferminak abiatuko dira, eta girotze aldera Iruñeko peñen aurtengo pankartak dakartzagu leiho honetara.

Guztira hamasei dira, betiko moduan zirikatzaile bezain aldarrikatzaileak. Eta marrazketa estiloaren aldetik oso ezberdinak diren arren, askok dute elementuren bat amankomunean. Guzti-guztiek hartzen dituzte gogoan 78ko Sanferminak, 40 urte bete diren honetan, baita eraso matxisten aurkako borroka feminista ere.

Gainontzeko gaiei dagokionez, askok presente dituzte La Manada eta Altsasukoen auziak, baita euskara eta Katalunia ere. Eta marraztutako lagunei erreparatuz gero, ezagunak egingo zaizkizu asko: Bel Pozueta, Joseba Asiron, Asun Casasola, Carles Puigdemont, Amaia OT edo Donald Trump, besteak beste.

Zein pankarta duzu gustukoen?

Iruñeko peñen Sanferminetarako pankartak