Renfeko zerbitzariak euskara ezagutzera behartuta?

5640748900_e450d5b923_zRenfeko zerbitzariek estatuko lau hizkuntzak jakin behar izateko eskariak bazterrak nahastu ditu Espainian. Madrilgo Gobernuak CiUko Pere Macias eledunari agindu dio Renfe trenetako kafetegiko langileek euskaraz, katalanez, galizieraz, ingelesez eta, noski, gaztelaniaz hitz egingo dutela. Portugalera edo Frantziara sartzen diren trenetakoek ere portugesa edo frantzesa hitz egin beharko dute. 

Figueres (Girona) herritik igarotzen zen trenean bidaiari batek zerbitzariari katalanez eskatu zion edaria, eta hark modu txarrez erantzun. Salaketa horren baitan CiUk Espainiako Gobernuari azalpenak eskatu zizkion. Madrilek zera erantzun dio: “zerbitzu ematen duten langileei jariotasuna eskatuko zaie gaztelaniaz eta ingelesez, eta baita zerbitzua igarotzen den erkidego autonomokoetako hizkuntza koofizialetan”. Hau da, Europa Press agentziak jasotako informazioaren arabera, jada gaur egun Renfeko zerbitzariei baldintza hori eskatzen zaie. Hala izan edo ez, ez da inondik inora betetzen. Informazioaren eta errealitatearen arteko hutsunea nabarmena da.

“Renfek zabalduko dituen kontratu berrietan, zeinak laster izenpetuko diren, enpresei eskatuko zaie langileek gaztelaniaren, ingelesearen eta hizkuntza koofizialen ezagutza altua eta jariotasuna izatea”. ¬†Hori da, informazio agentziaren arabera, Espainiako Gobernuak CiUri esandakoa.

Egia izango ote da? Ezta urrik eman ere; ez gara jaioberriak. Hor nonbait gezurra edo trikimailua dago. Asko jota gutxiengo ezagutza eskatuko zaie. Ez behintzat “ezagutza altua eta jariotasuna”. Adarra jo dio Madrilek Bartzelonari. Dena den, harrigarria da Espainiak horrelakoak agintzea EAEko erakunde publikoetan euskarazko arreta jasotzeko dauden arazoak kontuan izanda; eta zer esanik ez Nafarroan edo Iparraldean.

Espainiak urrats batzuk eman ditu instituzio publikoen informazioa hizkuntz koofizialetan emate aldera. Renfe-ren webguneak euskarazko bertsioa du, baita Errege etxeak ere.

Zer iruditzen zaizu Renfeko zerbitzariek euskara, katalana, galiziera, gaztelania eta ingelesa ezagutu behar izatea? Errealista da? Bidezkoa da? Noiz frogatuko duzu egia ote den?

 

 

euskara, galiziera, gaztelania, hizkuntza, katalana, renfe, trena, zerbitzua

Zer duzu buruan “Renfeko zerbitzariak euskara ezagutzera behartuta?”-ri buruz

Utzi erantzuna

Zure e-posta helbidea ez da argitaratuko. Beharrezko eremuak * markatuta daude