“Arratsian sagar bat jaten dunak, medikue etxetik ateratzen du”

Arratsian sagar bat jaten dunak –

Zientzialariek aurkitu dute sagarren pektina eta polifenolak osasun kardiobaskularra babesten laguntzen dutela, kolesterol “txarraren” maila eta odoleko beste zenbait osagai kaltegarri gutxitzen laguntzen baitute.

Ikerketaren zuzendaria Bahram Arjmandi izan da, Floridako Estatuko Unibertsitateko Elikadura, Elikagai eta Ariketa Departamentuko irakaslea. Ikerketa 45 eta 65 urte bitarteko 160 emakumerekin egin dute; erdiak egunero 75 gramo sagar lehor jan behar zituen urtebetez eta beste erdiak, aranpasak.

3, 6, eta 12garren hilabeteetan odol laginak hartzen zizkieten eta Arjmandi doktorearen hitzetan, emaitzak “harrigarriak” izan ziren:  “Sagarrak egunero jaten zituen emakume taldeak aldaketa ikaragarriak izan zituen sei hilabete ondoren. %23 murriztu zuten LDL kolesterola (dentsitate baxuko lipoproteina), hau da, kolesterol txarra delakoa, eta HDL kolesterola (kolesterol ona) %4 altuago zuten”.

Horrez gainera, emakumeek egunero hartzen zituzten sagar lehorren 240 kaloriek ez zuten eraginik izan haien pisu igoeran; izan ere, batez beste 1,5 kilo galdu zuten. Arjmandik uste du pektina dela pisu galera horren arduraduna, asetasun sentsazioa sortzen duen osagaia baita.

Orain, zientzialari taldeak ikerketa zabalagoa egiteko planak egiten ari dira AEBetan zehar ikerketaren emaitzak sendotzeko.

Irudia | Sagarra | esSos.de | Creative Commons By SA
“Arratsian sagar bat jaten dunak, medikue etxetik ateratzen du”
ikerketa, osasuna, sagarrak, zientzia

2 pentsamendu ““Arratsian sagar bat jaten dunak, medikue etxetik ateratzen du””-ri buruz

Utzi erantzuna

Zure e-posta helbidea ez da argitaratuko. Beharrezko eremuak * markatuta daude