Pedro Sanchez, zer eginen duzu ETB3 eta Gaztea Irratiarekin?

Pedro Sanchez, zer eginen duzu ETB3 eta Gaztea Irratiarekin? –

2009. urtean, ETB3 sortu zenean, Nafarroako haur gehienak euskarazko marrazki bizidunik gabe gelditu ziren, eta gaur egun berdin segitzen dugu. ETB3, euskarazko marrazki bizidunak ematen dituen katea, ez dago ikusterik Iruñerrian eta Nafarroako beste hainbat tokitan. Espainiako Gobernuak, ETB3 ikusi ahal izateko lizentziak eman ordez, isunak jarri eta mehatxuak egin dizkie telebista kate hori Nafarroan hedatzen saiatu diren erakunde eta elkarteei. Eta Espainiak sinatutako Eskualdeetako eta Eremu Urriko Hizkuntzen Europako Gutunak ezin du argiago esan: Espainiak bermatuko du hizkuntza horietako “irrati- eta telebista-emisioak modu zuzenean jasotzeko askatasuna”, eta hitzematen du “EZ duela irrati- eta telebista-emisioen aurka eginen” (11.2 artikulua).

Gauza bera gertatzen da gazteentzako euskarazko irrati bakarrarekin, Gaztea irratiarekin: Espainiako Gobernuak uko egiten dio Nafarroarako lizentzia emateari. PPren Gobernuak (hain zuzen ere, Hizkuntzen Europako Gutuna sinatu zuena Espainiaren izenean) ahal zuen guztia egin zuen euskarazko telebista eta irratien emisioa galarazteko Nafarroan. Orain, Pedro Sánchezek bide beretik joko du?

Pedro Sanchez, zer eginen duzu ETB3 eta Gaztea Irratiarekin

Pedro Sanchez, zer eginen duzu ETB3 eta Gaztea Irratiarekin? –
Joseba Otano

Administrazioan Euskaraz Taldea

Zer duzu buruan “Pedro Sanchez, zer eginen duzu ETB3 eta Gaztea Irratiarekin?”-ri buruz

  • euskaldun bat 2018-07-01 23:45

    Bai, bide beretik joko du aitzakiak sumatuz. Kontua ez da eskuina ala ezkerra. kontua da guzti horiek tribu berekoak direla eta Nafarroaren konkista eta asimilazioa martxan dagoela, ea sartzen zaigun gaztan. Demokraziaren izenean tribukoek euren aurkako neurriak hartuko dituztela uste al duzue? Losintxa batzuk bota dituztela eta buztantxoa astinduz jartzen gara botoa eta guzti emateraino.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude