Norteko Ferrokarrillak 20 urte

Norteko Ferrokarrillak 20 urte

Saio berezia, hilaren 26an, 15:00etan, Euskadi Irratian

Datorren larunbatean, 15:00etan, Norteko Ferrokarrillaren 20.urteurreneko saio berezia emango du Euskadi Irratiak. Hain zuzen, duela 20 urte, Carl Sagan hil eta Dolly ardia jaio ziren garai berean, sortu zuen Elhuyarrek zientziari buruzko irratsaioa, Euskadi Irratiaren laguntzarekin.

Norteko Ferrokarrillak 20 urte
Norteko Ferrokarillaren 20. urteurreneko saioaren mahai-inguruan. ARG: EITB

20. urteurreneko saio berezian, zientzia-munduak 20 urteotan izandako bilakaeraz gogoeta egingo dute Javi Duoandikoetxea Zuazo matematikariak, Itziar Laka Mugarza hizkuntzalariak, Marian Iriarte Ormazabal kimikariak eta Fernando Plazaola Muguruza fisikariak, Elhuyarreko Guillermo Roaren gidaritzapean.

Horrez gain, aspaldiko eta gaurko kolaboratzaile batzuen ahotsa entzuteko aukera egongo da, baita saioaren sortzaile, laguntzaile eta lekukoena ere.

Bide batez, irratsaioaren entzuleei eskerrak eman eta entzuten jarraitzera gonbidatu nahi ditu Norteko Ferrokarrillak. Eskerrik asko guztioi!

20. urteurreneko saio berezian, zientzia-munduak 20 urteotan izandako bilakaeraz gogoeta egingo dute Javi Duoandikoetxea Zuazo matematikariak, Itziar Laka Mugarza hizkuntzalariak, Marian Iriarte Ormazabal kimikariak eta Fernando Plazaola Muguruza fisikariak, Elhuyarreko Guillermo Roaren gidaritzapean.

Horrez gain, aspaldiko eta gaurko kolaboratzaile batzuen ahotsa entzuteko aukera egongo da, baita saioaren sortzaile, laguntzaile eta lekukoena ere.

Bide batez, irratsaioaren entzuleei eskerrak eman eta entzuten jarraitzera gonbidatu nahi ditu Norteko Ferrokarrillak. Eskerrik asko guztioi!

Norteko Ferrokarrillak 20 urte

Elhuyar 1972an jaio zen zientzia eta euskara uztartzeko asmoz. Elhuyarrek Kultur Elkarte bezala egin zituen lehen urratsak eta 2002an Fundazio bihurtu zen. Ordutik, Elhuyar Fundazioak etengabe dihardu lanean zientzia eta teknologia gizarteratzeko eta euskararen garapena bultzatzeko. Elhuyar Fundazioa irabazi asmorik gabeko erakundea da eta hainbat diru-iturriri esker dirau lanean: bazkideen ekarpenak, diru-laguntza publikoak eta Elhuyarrek ekoizten dituen produktuetatik lortutako mozkina. Elhuyarren xedea hauxe da: Euskara zientzian, teknologian eta gizartean sendotzen eta harentzako arlo berriak eraikitzen egiten dugu lan, euskal komunitate aktiboa eta kritikoa helburu.