Munduko Osasun Erakundeak artea osasun sisteman txertatzea gomendatu du

Munsadduko Osasun Erakundeak artea osasun sisteman txertatzea gomendatu du –

Osadantzanek dantzan.eus atarian.

Munduko Osasun Erakundeak artea osasun sisteman txertatzea gomendatu duArtea, osasuna eta ongizatea lotzen dituen eskala handiko ikerketa egin du lehen aldiz Munduko Osasun Erakundeak (MOE) eta gobernuei osasun eta arte sektorearen arteko elkarlana bultzatzeko politikak aplikatzeko eskatu die. Ikusi dugu itxialdi egoera honetan arteak asperdura akabatzeaz gain antsietatea edo estresa bezalako gaitzei aurre egiten lagun dezakeela. Adituek ere adierazi dute arteak eragin positiboak dituela gure osasunean.

MOEak mundu osoko 900 argitalpen zientifiko aztertu ditu eta atera duten ondorio nagusiena da arteak osasun fisiko eta mentalean lagun dezakeela.

Piroska Östlin MOEko kideak dionez, erakundeak argitaratu duen txosteneko adibideen bidez diabetea, obesitatea edo osasun mentaleko arazoei artearen bidez aurre egiteko moduak erakusten dira, “osasuna eta ongizatea testuinguru sozial eta komunitario zabalagoan ulertzen dute eta orain arte ohiko mediku praktikek eman izan ez dituzten konponbideak eskaintzen dituzte”.

Txostenak nabarmentzen du artea erabiltzeak emaitza onak emateaz gain, ohiko tratamendu biomedikoak baino errentagarriagoak izan daitezkeela zenbait praktika. Ez dira aurkikuntza berriak, izan ere musikoterapia bezalako diziplinak gero eta gehiago ari dira garatzen eta kimioterapia bezalako tratamendu gogorrak zertxobait goxatzeko artea erabiltzea nahiko zabalduta dago.

Berria da MOEk lehen aldiz ikertu dituela artea, osasuna eta ongizatea modu global eta eskala handian eta autoritateei artea osasun sisteman txertatzeko dei egin diela. Txostenaren egileek ondorioztatu dute ikuspuntu eta metodologia ugari aurkitu direla oinarrizko osasun mugei aurre egiteko arteek duten balio potentzialari buruz eta MOEan parte hartzen duten herrialdeei artearen eta osasun-sektorearen arteko lankidetza hobetuko duten epe luzeko estrategiak eta politikak garatzeko deia luzatu die.

.

Iturria: La OMS recomienda por primera vez incluir el arte y la cultura en los sistemas sanitarios (Euronews, 2020-04-15)

MOEaren Txostena: What is the evidence on the role of the arts in improving health and well-being? (MOE, 2019)

Munduko Osasun Erakundeak artea osasun sisteman txertatzea gomendatu du

Salabardoa

Sarean, han eta hemen argitaratzen direnak harrapatzen ditut, gure interesekoak direlakoan.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude