Lurralde Kolektibitatea eta Udalbiltza

Lurralde Kolektibitatea eta UdalbiltzaArgi gelditu da Frantziako Gobernuak ez duela onartuko Ipar Euskal Herriarentzat Lurralde Kolektibitatea sortzea. Azkenaldian indarra hartu duen soka-tirak segitzen badu, eduki dezakegu itxaropen pixka bat, baina heldu den legegintzaldirako. Orain lor daitekeena da 2017ko Frantziako lehendakarigaiek babestea lurralde kolektibitatea. Baina babes horrek berak ere ez luke bermatuko gero hitza beteko dutenik. Frantziako Gobernuaren beha baldin bagaude, oraino hamarkada luzetan egonen gara ezagupen instituzionalik gabe.

Erantzunik gabeko eskaerei aterabideak atxeman edo/eta eraiki
Frantziak euskarazko irakaskuntza sortzearen beha egon bagina, oraino ikastolarik ez zen izanen Ipar Euskal Herrian, ez eta eskola elebidun publikorik ere. Ez zen sortuko euskarazko irratirik. Euskara orain baino are egoera larriagoan izanen zen. Laborantza Ganberaren aldarrikapenarekin zer egin ongi ulertu zuen ELBk, memento batetik aitzina. Eskaera, ekintza eta manifestazioen estrategia agor zitekeelako arriskua ikusirik, beste bide bat urratzea pentsatu zuten: Frantziak ez badio eskaera horri erantzuten, guk sortuko dugu Laborantza Ganbera. Hala egin zuten, eta gaur egun Euskal Herriko Laborantza Ganberak funtzionatzen du. Frantziako Gobernuaren ofizialtasuna falta du, beharbada eskuratuko du; baina, bitartean, funtzionatzen du, eta nehork ez du gehiago dudan ezartzen, nahiz eta hastapenean zenbait auzi jasan behar izan.

Udalbiltza eta nazio eraikuntza
Gisa bereko proiektu bat sortu zen Lizarra-Garaziko bake prozesu garaian. « Nazio eraikuntza » garatu zen, eta horren ikur nagusi izan zen Udalbiltza. Azkenaldian berriz aktibatzen hasi dira, baina ez dauka, nehondik ere, garai hartan zeukan oihartzuna. Orduko apustu estrategikoa erakunde nazionalak sortzea baldin bazen, gaur egun, bigarren planoan dagoela dirudi. Gogora ekar dezagun nolako itxaropenak piztu zituen proiektu hark Ipar Euskal Herrian: Euskal Herri osoko herriak erakunde bakarrean bildurik, proiektu anitz garatzeko aukera piztu zen. Adibide gisa daukagu « Zuberoa garatzen » ekimena, Udalbiltzaren kontrako auzibidearen ondorioz garatu gabe gelditu zena.

Frantziak onartzen ez duena, guk eraikiko dugu
Udalbiltza zen zinezko erakunde nazional bat, aurrekontu batekin, ekintza konkretuak bultzatzeko gaitasunarekin. Euskal Herria zazpi herrialdeko herri gisa egituratzeko instituzio bat zen. Nazio eraikuntzaren estrategia hartan urrats gehiago pentsatuak ziren, parlamentu nazionala sortzeraino. Ez ziren egin urrats haiek. Ezker abertzaleak EAJri leporatu zion prozesu hura geldotzea; ETAk su-etena hausteak Udalbiltza zatitzea eta prozesu guztia gelditzea eragin zuen.
Gaur egun, indar handiz berreskuratu behar litzateke tresna nazional horiek sortzeko estrategia. Lehen planora ekarri behar litzateke, Ipar Euskal Herriari begira, Lurralde Kolektibitatearen aldarrikapenak indarra galdu baino lehen. Frantziak onartzen ez duena, guk eraikiko dugu. Sor daitezke ere Euskal Herri osoko laborantza erakundea, industria erakundea eta abar. Izan daiteke hainbat solairutako etxea: Ipar Euskal Herriko erakundea batetik, Udabiltza bestetik, eta epe luzera, Euskal Herriko legebiltzarra. Hego Euskal Herriari begira ere, badakigu Espainiako Gobernuak ez duela onartuko ez independentzia, ez autodeterminazio eskubidea. Beraz beste bide horiek jorratzea ez litzateke ideia txarra.

Erakunde nazionalak lortzeko, abertzaleen arteko akordio sendo bat baitezpadakoa
Azken hamarkadan handitu da EAEren, Nafarroaren eta Ipar Euskal Herriaren arteko distantzia. Distantzia hori murriztu behar da, eta horretarako tresnak sortu behar dira, erakunde nazionalak. Helburu horri begira, baitezpadakoa da abertzaleen arteko akordio sendo bat. Zorigaitzez, orain arteko seinaleak ez doaz bide horretatik. Oraino bada zer egin.

Udalbiltzaren eratze batzarra Udalbiltzak eratze biltzarra egin zuen, 2013ko martxoaren 2an, Donostiako Victoria Eugenia antzokian. Zuzendaritza zehaztearekin batera, ondoko helburuak definitu zituzten.

Jatorrizkoa, Eneko Bidegainek (@enekobidegain), Enbatan.

Iparraldea, kolektibitatea, udalbiltza

ZuZeu-ko editoreek sarean aurkitzen dituzten artikulu interesgarriak, CC-BY-SA 3.0 lizentziapean.

4 pentsamendu “Lurralde Kolektibitatea eta Udalbiltza”-ri buruz

  • Frantziak ez du ezer emango, ez orain ezta 2017an ere, badirudi oraindik ez direla ohartu hauteskundetan alderdi Frantsesak denetarik promesten dietela eta gero ez dutela ezer betetzen.
    Frantziak ez du estatu zentralista jakobinoa izateari utziko, indarrak haunditu beharko lirateke horretarako, gauza da nola, zerbait lortzeko behar ez badituzte (abertzaleak errepresentazio gehio lortzen ez badute) ez diete ezer emango. Legeak ateratzeko, presidentea aukeratzeko…. giltza izango bazian, agian lagatuko lukete zerbait, bitartean, promes asko bigarren itzuliko bozak BEREGANATZEKO, bainan gero Alzeimerra datorkie burura.

  • Andoni Errazkin Beratzadi 2013-07-08 09:47

    111 UDALBILTZAk ethorkizuneko Estatua irudikatu behar du.

    222 ethorkizuna irudikatzeak ethorkizuneko errealitatea sortzea erran nahi du.

    333 orain irudikatzen ez den ethorkizuna ez da inoiz ere gauzatuko.

    444 UDALBILTZAk bi ikur ditu: izena bera eta colonial armarria.

    555 Seirak Bat den horretan herrialdetako armarria eta estatal armarria maila berean irudikatzen dira.

    666 EAEak hiru herrialdetako armarri ditu. NFEak bortz. PADak lau. Guztira 12, Biarnoa barne.

    777 Hiruineko Foruen Monumentuak NFEko bortz armarriak jasotzen ditu.

    888 EAEzentrismoak NFEaren eta PADaren izaera distortsionatzen du.

    999 hiru colonial administratione daude. Udalbiltza bakarra eta estatal armarri bakarra.

  • Andoni Errazkin Beratzadi 2013-07-08 11:02

    M mugimendua da.
    M mugimendua da.
    M mugimendua da.
    Arazoa ez da goiti igotzea. Arazoa bertzea zapaltzea da.
    Arazoa ez da goiti igotzea. Arazoa bertzea zapaltzea da.
    Arazoa ez da goiti igotzea. Arazoa bertzea zapaltzea da.
    M mugimendua da.
    M mugimendua da.
    M mugimendua da.
    Zer meritu duzu bertzea zapaltzen baduzu, zu igo zaitezen?
    Zer meritu duzu bertzea zapaltzen baduzu, zu igo zaitezen?
    Zer meritu duzu bertzea zapaltzen baduzu, zu igo zaitezen?
    Psykhopata bat al zara?
    Psykhopata bat al zara?
    Psykhopata bat al zara?
    M meritua da.
    M meritua da.
    M meritua da.

  • Andoni Errazkin Beratzadi 2013-07-08 11:30

    Nabarroko Euskal Hiriaren Lehen Politeia.
    Constitutionea Platon’en Politeia.
    Edo arrazona diruaren menpeko hiria.
    Edo dirua arrazonaren menpeko hiria.
    GLOBAL IRAULTZA. NABAR IRAULTZA.
    GLOBAL IRAULTZA. NABAR IRAULTZA.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude