LABIko Aholku Batzordeak lurralde historikoen perimetroa berriro mugatu du –

Euskadi lurraldeko eta udalerri gorrien konfinamendu perimetralera itzuliko da

…

LABIko Aholku Batzordeak lurralde historikoen perimetroa berriro mugatzea erabaki du astelehen honetan, baita 14 egunetan 100.000 biztanleko 500 kasu baino gehiago dituzten udalerrientzat ere, Gabonetako jaien ostean, mugikortasuna mugatzeko eta koronabirusaren kutsatzeak geldiarazteko.

Gaur egun, Euskadiko perimetroa itxita zegoen, baina udalerrien eta probintzien arteko mugikortasuna baimentzen zen. Orain erkidegoaren itxiera mantentzea eta lurraldeen arteko mugimendu hori mugatzea adostu dute. Gainera, eremu gorrian dauden udalerriak mugatzea erabaki dute, mugakide den udalerrirako desplazamendua alde batera utzi gabe. Gaur egun, bederatzi udalerri daude “eremu gorrian”.

Era berean, indarrean jarraitzen dute Euskadiko konfinamendu perimetrala, gaueko mugikortasunaren mugak 22:00etatik 06:00etara, sei pertsonako taldeen mugak, eta 21:00etarako jardueren eteteak, bai eta merkataritza-establezimenduetako edukiera mugatzeak ere.

Gotzone Sagardui Osasun sailburuak eman du neurri berrien berri, Iñigo Urkullu lehendakaria buru duen Euskadiko Babes Zibileko Planaren (LABI) aholku-batzordearen bileraren ostean. Erakundeen arteko foro hori mahai teknikoaren bileraren ostean bildu da covid-19aren egoera aztertzeko. Autonomia Erkidegoa alerta laranjan sartu da, 560 kasu berri erregistratu (51 gehiago) eta positibotasuna % 5,2ra igo ostean (hamarren bat gehiago).

Era berean, ostalaritzaren itxiera-ordutegia 20:00etatik 06:00etara mantenduko da, eta establezimendu horiek itxi egingo dira 14 egunetan 100.000 biztanleko 500 kasutik gorako tasa duten udalerrietan.

LABIk argi berdea eman dio kultu-aretoen gehieneko edukiera % 35ean mugatzeari eta musika-ahotsen entseguak eta jarduerak eteteari. Halaber, 150 metro karratu baino gehiagoko merkataritza-establezimenduetako edukiera % 40ra murrizten da, eta 150 metro karraturainoko edukiera duten establezimenduetan edukiera % 60koa izan beharko da.

Gorriz ez dauden udalerrietan eskola-kirolari berrekitea baimenduko da, soilik entrenamenduetan. Entrenamendu horiek gehienez ere sei pertsonako taldeetan antolatu beharko dira, osaera aldatu gabe, eta ezin izango dira aldagelak erabili.

Gainera, 100.000 biztanleko 500 kasu baino gutxiagoko intzidentzia-tasa duten udalerriei dagokienez, jokoaren eta apustuen sektorea berriro irekitzeko baimena emango da, edukiera, ordutegiak eta ostalaritza-sektoreari aplikatzen zaizkion antzeko prebentzio-neurriak betez.

LABIk ondorioztatu duenez, egoera epidemiologikoa “kezkagarria da eta mehatxu-egoera eragiten du”. “Ziurgabetasun handiko testuinguru batean goranzko joera dagoela baieztatu da”, esan du Sagarduik.

Ildo horretan, sailburuak azpimarratu du azaroaren erdialdetik lortutako beheranzko joera gelditu egin dela Euskadin, eta azken egunetan goranzko joera izan duela, “Gabonetako faktorearen eraginez areagotu daitekeena”.

Halaber, gure inguruko beste autonomia-erkidego eta herrialde batzuetako intzidentzia-tasen igoera azkarra nabarmendu du, baita Erresuma Batuan mutatutako aldaeraren zenbait kasu Euskadin detektatu izana ere.

Sailburuak gogorarazi duenez, bigarren olatuari emandako erantzunari esker, azaroaren 11n 845 kasu izan ziren 100.000 biztanleko, eta abenduaren 29an 235. Orduan hartutako neurriek “eraginkortasun handia erakutsi zuten“, eta horregatik, LABIren Batzorde Teknikoaren gomendioa antzeko neurri-bloke bat aplikatzea izan da, eta intzidentzia-datuak baxuagoak direnean aplikatzea, prebentzio-gaitasuna areagotzeko.

LABIren Batzorde Teknikoaren ustez, tokiko ezohiko alarma-egoeraren adierazlea 500 kasu 100.000 biztanletan kokatzea esku-hartze selektiboa ahalbidetzen duen neurri eraginkorra da, beharrezkoa den lekuetan. Era berean, herritarren kontzientziazioa eta prebentzio-ekintza oro har indartzen laguntzen duela uste du.

….

Hauek dira LABIk onartutako neurri murriztaile berriak

…

LABIren Aholku Batzordeak bilera egin du gaur goizean Gabonen ostean EAEn pandemiak izan duen hedapena aztertzeko, egoerak okerrera egin baitu, eta neurri murriztaile berriak onartu ditu, besteak beste, lurraldeen eta kolore gorrian dauden udalerrien itxiera perimetrala.

Gogoeten testuinguru horretan, LABIren Aholku Batzordeak argi berdea eman dio egungo egoerari erantzuteko neurrien proposamen honi:

Aurretik zeuden neurri hauek mantentzen dira:

—Euskadiren itxiera perimetrala.

—Gehienez 6 pertsonako taldeak.

—Gaueko mugigarritasuna 22:00etatik 06:00etara mugatzea.

—Merkataritza eta kultura-jarduerak bertan behera uzteko gehieneko ordutegia, 21:00etan.

—Kultu-aretoetako gehieneko edukiera % 35ean mugatzea.

—Musika eta ahots-entseguak eta emanaldiak bertan behera uztea.

—Ostalaritza eta jatetxea ixteko ordutegia, 20:00etatik 06:00etara.

—Intzidentzia-tasa 100.000 biztanleko 500 baino gehiagoko udalerrietan dauden ostalaritza eta jatetxe-establezimenduak eta joko eta apustu-establezimenduak ixtea, azaroaren 6ko Dekretuan ezarritako baldintza berberetan.

Prebentzio-neurri berriak:

—Bizilekua dagoen Lurralde Historikoko pertsonen sarrera eta irteera-murrizketa ezartzen da.

—150m2-tik gorako merkataritza-establezimenduetako edukierak % 40ra murrizten dira, eta 150m2-rainoko azalera duten establezimenduetako edukierak % 60koa izan beharko du.

Intzidentzia-tasa 100.000 biztanleko 500 edo gehiagoko duten herrietan:

—Udalerriko konfinamendu perimetrala, alboko udalerrirako igarobidea salbuetsi gabe.

—Taldeko kirol-jarduera etetea.

Intzidentzia-tasa 100.000 biztanleko 500 baino gutxiago duten herrietan soilik:

—Eskola-kirola berrekiteko baimena ematea, soilik entrenamenduetan. Entrenamendu horiek gehienez ere sei pertsonako taldetan antolatu beharko dira, osaera aldatu gabe, eta aldagelak ezin izango dira erabili.

—Profesionalak ez diren dantza-taldeen entseguak baimentzea, eta antzerki-jarduerarako indarrean dauden baldintzekin lotzea.

—Jokoaren eta apustuen sektorea berriz irekitzeko aukera ematea, edukiera, ordutegiak eta ostalaritza-sektoreari aplikatzen zaizkion antzeko prebentzio-neurriekin.

LABIren Batzorde Teknikoak uste du tokiko ezohiko alarma-egoeraren adierazlea 500/100.000 biztanletan kokatzea esku-hartze selektiboa ahalbidetzen duen neurri eraginkorra dela, beharrezkoa den lekuetan. Era berean, herritarren kontzientziazioa eta prebentzio-ekintza oro har indartzen laguntzen du.

LABIk neurri murriztaile berriak onartu ditu, besteak beste, lurraldeen eta gorriz dauden udalerrien itxiera perimetrala.

EAE alerta laranjan: 560 kasu berri izan ditu, %5,2ko positibotasunarekin

Euskadi “eremu laranjara” itzuli da, 100.000 biztanleko 305,4 kasuko intzidentzia-tasa pilatu baitu 14 egunetan.

Covid-19aren kasu berriek eta egindako PCR proben positibotasun tasak gorakada txiki bat izan dute igandean Euskadin: 560 kutsatu berri (aurreko egunean baino 51 gehiago) eta % 5,2ko positibotasuna (aurreko lanaldikoa % 5,1 zen). Datu horiekin, Euskal Autonomia Erkidegoa alerta laranjan sartu da, 100.000 biztanleko 14 eguneko intzidentzia-tasa Euskadin 305,40ra igo ostean.

Igandean 10.760 proba diagnostiko egin zituzten (larunbatean baino 655 gehiago), horietatik 8.722 PCR probak eta 1.629 antigeno test, Eusko Jaurlaritzak astelehen honetan jakitera eman duen aldizkari epidemiologikoaren arabera.

Positibo berri gehienak Bizkaian erregistratu zitzten, 322 (larunbatean baino 61 gehiago), Gipuzkoan 166 (aurreko egunean baino hiru gutxiago) eta Araban 67 (larunbatean 73 izan ziren).

Positibotasun tasa apenas igo den arren, igoerarik handiena 14 eguneko intzidentzia-tasa metatuan ikusten da; izan ere, Euskadi “eremu laranja” deiturikoan dago igande honetatik, hau da, 300 kasu baino gehiago daude 100.000 biztanleko aldi horretan, zehazki, 305,4an.

Adierazle horrek gora egin du: ostegunean, 261; ostiralean, 280,6; larunbatean, 293,4; eta igandean, 100.000 biztanleko, 305,4 kasu.

Lurraldez lurralde aztertuta, Bizkaiak bakarrik jarraitzen du “eremu horian”, 291,8 kasu pilatuta. Araban 306,4 dira, eta Gipuzkoan 315,3.

R0 zenbakiak ere, gaixo batek zenbat pertsona kutsa ditzakeen adierazten duenak, gora egiten jarraitzen du eta atzo 1,21era iritsi zen. Ostegunean 1,08 izatetik, ostiralean 1,17 izatera eta larunbatean 1,19 izatera igaro zen.

Beste datu negatibo bat ospitaleko presioarena da; izan ere, dagoeneko 400 paziente baino gehiago ospitaleratu dituzte, zehazki, 410. Horietatik 76 zainketa intentsiboetako unitateetan daude, bezperako berberak, baina gela arruntetan 334 daude, larunbatean baino 25 gehiago.

Udalerriei dagokienez, bederatzi daude “gune gorrian”, hau da, 100.000 biztanleko 500 kasu baino gehiago dituzte 14 egunetan, joan den ostegunean baino 5 gehiago.

Araban, Agurain zerrendan sartu da. Bizkaian, Amorebieta-Etxanok bat egiten du Bermeorekin eta Lekeitiorekin; Gipuzkoan, berriz, Beasainek eta Zumaiak ez ezik, Andoainek eta Villabonak ere eragin handia dute, baita Lazkaok ere.

Euskadiko intzidentzia epidemiologikoaren bilakaera kontsulta daiteke. Azken orduetan herriz herri zenbatutako positibo berriak azter daitezke, eta pandemia hasieratik atzemandako kasu guztiak eta adin-taldeen araberako datuak ageri dira bertan.

…

Andoain, Lazkao, Villabona, Zornotza eta Agurain, eremu gorrira

Horrez gain, Eibar eta Hondarribia (Gipuzkoan) eta Abanto, Bilbo, Durango eta Elorrio (Bizkaian) horitik laranjara igaro dira azken orduetan.

Bederatzi udalerri daude eremu gorrian Euskal Autonomia Erkidegoan, covid-19ak Euskadin herriz herri izandako eragina aztertzen duen Eusko Jaurlaritzako Osasun Sailaren semaforoaren arabera. Azken orduetan, okerrera egin du egoerak Andoainen, Villabonan, Lazkaon, Zornotzan eta Agurainen, eta gorriz margotu dituzte.

Gipuzkoan, Beasainekin eta Zumaiarekin batera, Andoain, Lazkao eta Villabona daude gorrian.

Eremu laranjan daude Aretxabaleta, Arrasate, Azpeitia, Deba, Eibar, Elgoibar, Errenteria, Hondarribia, Ordizia eta Tolosa.

Azkoitia, Astigarraga, Bergara, Donostia, Hernani, Irun, Lasarte-Oria, Legazpi, Lezo, Mutriku, Oiartzun, Oñati, Orio, Pasaia, Urnieta, Urretxu, Zarautz eta Zumarraga, berriz, gune horian kokatu dira. Hainbat egunez berdez egon ostean, Usurbil eremu horia sartu da.

Eremu berdean, beraz, ez dago udalerririk.

Bizkaian, Bermeok eta Lekeitiok eremu gorrian jarraitzen dute, eta Zornotza batu zaie azken orduetan.

Bigarren mailan daude orain Abanto, Bilbo, Durango, Elorrio, Gernika-Lumo eta Ondarroa.

Abadiño, Arrigorriaga, Balmaseda, Barakaldo, Basauri, Berango, Derio, Erandio, Ermua, Etxebarri, Galdakao, Getxo, Gorliz, Gueñes, Leioa, Mungia, Muskiz, Ortuella, Portugalete, Santurtzi, Sestao, Sopela, Trapagaran eta Zalla eremu horian daude.

Udalerri bakar bat ere ez dago eremu berdean.

Arabako datuei dagokienez, Agurain eremu gorrian sartu da.

Gasteizek laranjaz margotuta jarraitzen du.

Amurriok eta Laudiok kolore horia dute.

…

Nafarroan

…

Positibo berrien kopuruak behera egin du berriro Foru Erkidegoan, 133 kasuraino, Nafarroako Gobernuak emandako behin-behineko datuen arabera. Dena dela, positiboen tasak gorantz egiten jarraitzen du, eta % 10etik gertu kokatu da.

Positibo berriek behera egin dute Nafarroan, baina tasa %10etik gertu dago

Zehazki, 133 kutsatze atzeman dituzte igandean, eta positibotasun tasa % 9,7ra igo da.

Positibo berrien kopuruak behera egin du berriro Nafarroan, 133 kasuraino, Foru Gobernuak emandako behin-behineko datuen arabera. Dena dela, positiboen tasak gorantz egiten jarraitzen du, eta % 10etik gertu kokatu da.

Bezperako datuekin alderatuta, 21 kasu gutxiago zenbatu dira. 1.369 proba diagnostiko (PCR eta antigeno) egin dituzte eta horietatik 133 positibo izan dira. Horrenbestez, hirugarren egunez jarraian egin du behera positiboen kopuruak; izan ere, 154 kasu positibo zenbatu zituzten larunbatean, 160 ostiralean eta 182 ostegunean. Dena dela, 100etik gora daude oraindik. Gainera, positibotasun tasa % 9,7ra igo da.

Kasu gehien pilatu dituzten gune edo udalerriei dagokienez, Iruñeko Mendillorri auzoa dago zerrendan buru, 11 kasu positibo atzeman baitituzte bertan. Burlata (9 kasu) eta Erriberri, Arrotxapea (Iruñea) eta Mutiloa (8 kasu) daude jarraian.

…

EITB MEDIA

LABIko Aholku Batzordeak lurralde historikoen perimetroa berriro mugatzea erabaki du

LABIko Aholku Batzordeak