Joseba Agirretxea: “EAJren esku baldin badago eskuinak ez du gobernatuko”

Joseba Agirretxea – elkarrizketa –

Kazetaria eta EiTBko aurkezle ohia da Joseba Agirretxea (Ondarru, 1966). Gipuzkoako EAJren hautagaia da Espainiar Estatuko Kongresurako aurreikusten den legegintzaldirik bihurrienean. Ultraeskuinaren balizko gorakadak eta kanpaina inguratzen duten galdera ikurrek eskenatoki oso beldurgarriak uzten dituzte euskal autogobernuarentzat. Eta telebista espainiarretako platoetatik kanpo hitz egiten du Agirretxeak: “Zoritxarrez oraindik asko dago jokoan Madrilen”.

Joseba Agirretxea

Sentsazioa eman dit Madrildik kanpaina errazten ari zaizkizuela, bai zuei, bai EHBilduri. Etengabe aipatzen zaituztete elkarri harrika ari direnean.

Horrek egin dezakeena da bozkatzailea desaktibatu. Konplazentziak ez dira onak hauteskunde garai batean, eta nik uste dut hauteskunde tentsioa mantendu behar dugula, inkestek diotena diotela. Nik ez daukat beldurrik, fio naiz gure alderdiaz, fio naiz egiten ari garen kanpainaz eta gizarteaz, baina, ezin dugu erlaxatu. Izan ere, autokonplazentzian erortzea beti da txarra. Orain alderdi sozialistaren mezua zera da: “edo ni, edo kaosa. Oso ondo dago zuek inportanteak izatea Euskadin, baina orain jokatzen ari garena Espainia da. Ez baduzue nahi ultraeskuinak irabaztea, gurea da aukera bakarra”. Hori ekidin behar dugu, diskurtso horren kontra ari gara.

Inkestek diote lehia izango dela Euskal Autonomi Elkartean (EAE) EAJ eta PSE-EEren artean.

Inkesta batzuk gehiago eta besteek gutxiago.

Galdera ikur asko daude, baina, badirudi lehia hor egongo dela. Madrilera begirako hauteskundeetan behintzat.

Euskal gizartea mezu politikoei oso permeablea da. Esan nahi dut, erantzun dezake era batera ala bestera. Adierazgarria izan zen duela lau urte Podemosek irabazi izana. Baina aldaera horiek guztietan batzuk joan etorrikoak dira, eta beste batzuk ez. Eta joan etorririk ez daukagunok, guk adibidez, hauteslego bat mantentzen dugu. Eta egunez egun igotzen doan hauteslego bat da. Alderdi Sozialistak egin dezake gora, eta ziurrenik egingo du. Badirudi, inkesta guztiek diotenez, Podemosek jipoi handia hartuko duela. Podemosera joan zirenak zer helduleku daukate? Nora joango dira? Askok esaten dute alderdi sozialistara, beste batzuk itzuliko dira ezker abertzalera, beste batzuk gurera ere bai eta beste batzuk ziur etxean geratuko direla.

Zer jokatzen da Madrilen?

Bi futbol partida jokatzen dira. Alde batetik, Madrilgo gobernagarritasuna. Hori ezinbestean. Baina bestalde, jokatzen da baita ere, gu nork ordezkatzen gaituen hobeto. Eta gure interesak nork defendatuko dituen Madrilen. Zoritxarrez oraindik asko dago jokoan Madrilen, nahiko nuke noizbait ezer ez egotea. Baina badago. Espainiako gobernuak kudeatzen dituen eskumenak daudelako, eta beste batzuk, gureak izanagatik oraindik ez dizkigutelako pasatu. Muturreko eskuina geldituko dugu, era berean gure interesak defendatuz. Euskaldunen ahotsa hara eramanaz.

“Mugarri bat da orain arteko autogobernua,
eta mugarri horren gainean eraiki behar da”

“Ibarretxeri min handia egin zion ETAren biolentziak”


Transferentzien aroa ez al dago dagoeneko agortuta?

Ez dago agortuta, amaitu gabe dagoelako. Agortuta egon daitekeena akaso batzuren pazientzia da. Oraindik bizirik dagoen bide bat da hori. Daukaguna hori da oraingoz. Eta nik uste hori defendatzea garrantzitsua dela. Falta dena erreklamatzea ere bai, baina, era berean, bidea hor ez dela bukatu baieztatzea. Ez da bateraezina dagokigunaren defentsa egitea eta gehiago eskatzea. Mugarri bat da orain artekoa, eta mugarri horren gainean eraiki behar da hemendik aurrerakoa ere. Mugarri horretatik at eraikitzea jada ezker abertzaleak berak ere ez du onartzen. Eta hori bada, guk 40 urtetan egin dugun bideari arrazoi ematea.

Gehiago nioen, hurrengo legegintzaldiari begira jada gauza oso gutxi geratzen direlako transferitzeko. Autopista zati bat… trena… eta gizarte segurantza ez dirudi transferitzeko asmorik dutenik.

Alde batetik dago han egin beharrekoa, baina, era berean jada martxan jarri da dagokion lekuan, Eusko legebiltzarrean, estatus berrirako bidea. Orain adituen talde bat dabil kontuarekin. Eta hortik ez dakigu zer aterako den baina, hori izan behar da oinarria eta ez Madrilgoa. Hortik etorri beharko da zer defendatu behar dugun. Batzuk uste zuten arazoa biolentzia zela, baina, biolentziarik jada ez daukagu eta arazoak hor segitzen du. Arazo politiko bat daukagulako. Inoiz demokratikoki funtzionatu behar badu Espainiar Estatuak, erreferendum bat egin beharko da. Hala eskatzen duelako gure gizarteak. Eta hor erabakiko da zer nahi dugun. Nik beti diot tonu ironikoan: ez digute utzi inoiz espainiarrak izan nahi dugula erabakitzen ere.

Nola ikusten duzu Espainiar Estatuan sortu den ultraeskuinaren igoera? Eta nola uste duzu baldintzatu dezakeela hurrengo legegintzaldia?

Esan dezakegu loretzea erreaktiboa izan dela. Kataluniako mugimenduaren erreakzio gisa sortu da. Baina erreakzioak ere bazuen larbatutako egoera bat. Frankismoa oso luzea izan zen Espainian, eta oso erro luzeak bota zituen. Isilean egon da, nahi baduzu, beste alderdien barruan. Eta horiek demokratenak ziren. Badira beste batzuk inongo printzipio demokratarik ez dutenak. Hor badago analogia bat Europako beste leku batzuetan eman diren mugimendu ultraeskuindarrekin. Austrian, Hungarian edo Italian bertan.

Eta bigarren galderari dagokionez, ba ez dakigu. Ikusi beharko da zenbateko emaitzak lortzen dituzten. Nahiago nuke bluff bat izango balitz, baina, ez dut uste.

Joseba Agirretxea

Andaluzian gertatzen dena gertatzen bada, nola kudeatu legegintzaldi hori?

Argi dago, EAJren esku baldin badago eskuinak ez du gobernatuko. Nor egongo den, edo nola egongo den hori beste kontu bat da.

Non geratzen da Ibarretxeren legatua?

Ibarretxeren legatua aktibo bat da. Gure alderdian eta euskal gizartean ere bai. Denborak aldatu doaz, mundua aldatzen doan hein berean. Politika azkenean da denboren, erritmoen joku bat, ezta? Ibarretxe alderdi hontako kide izateaz gain, lehendakaria izan zen, proposamen bat egin zuen, legebiltzarraren depositarioa dena. Ez zen posible izan, Madrilek eman zuen erantzuna medio. Nik uste dut, orain beste momentu batean gaudela. Oso gogorra izan zen Ibarretxerentzat. Orain batzuk nahi dute aldarrikatu beraiena ere balitz bezalaxe. Baina Ibarretxeri min handia egin zion ETAren biolentziak. Ezker Abertzaleak orain nahi duena esango du, baina, aukera izan zuen babes osoa emateko eta ez zion eman. Jokatu zuen boto batzuk bai, eta beste batzuk ez…

Kongresua horma izan zen orduan. Eta orain ere horma izaten jarraitzen du. Zein da horma gurutzatzeko bide eraginkorrena?

Xabier Arzalluzek esaten zuen mendia bueltan bueltan igo behar dela. Bestela ito egin zaitezkeela eta bide erdian geratu. Nik uste saiakera demokratikoaren aldarrikapena izan behar duela inondik inora ere. Edozein kasutan ere, lortzen ez bada ere nahi duzuna, gutxienez, hautatu duzuna bide zuzena eta egokia dela jakin eta adieraztea. Bestea izan dadila ez dizuna utzi. Bestea izan dadila demokratikoa ez den bide bat erabili duena. Orain dela gutxi arte batzuk uste zuten tiroka lortzen zela emaitza. Eta demostratu da alde batetik etikoki ez duela inongo biderik, eta pragmatikoki ere ez. Gizarte aktibo bat baldin badago… tira, gizartea aktibatzeko ere ilusioa sortu behar da. Eta ez dakit Euskal Herrian momentu honetan gizarte aktibo bat ote daukagun horrelako bide bat hasteko tenorean dagoena.

“Zenbat eta Estatuaren presentzia gutxiago,
orduan eta burujabeago izango gara”


Proiektuak egon direnean jendeari piztu zaio ilusioa. Proiektu falta sumatzen da. Edo bideorriena.

Katalunian, dudarik gabe, badago sentimendu identitario bat. Badago izakera abertzale bat. Baina hortik independentista izatera eman den saltoa, eraso baten ostean gertatu da. Estatutarekin gertatu zena, ekonomikoki itotzea…. Zer geratzen zaigu? Ba gure bidea egingo dugu. Euskadin aldiz, gizarteak ez dauka “behar” hori, ez da sentitzen “erasotua”. Jendeak bere arazotxoak ditu, baina, biolentziarik ez dago, eta badago horrelako egoera lasai bat. Beste batzuk pentsatzen dute, asko sufritu dugu, ondo gaude eta lasai jarraitu dezagun. Horrek eramaten zaitu anestesiatutako gizarte batera ere bai…

Legebiltzarrean onartutako hainbat lege inpugnatu dira, edo Espainiar Estatutik atzera bota nahi izan dituzte. Horiek ere badira erasoak.

Bai. Noski. Baina kontua da gizarteak nola jasotzen dituen eraso horiek. Ea guk politikariok bakarrik nabari ditugun. Gertatzen dena da Estatuak uste duela, edo ulertzen duela, ez dela harreman bilateral bat. Desberdintasuna da, gure autogobernua gure soberaniaren zati gisa ulertzen dugula. Eta estatuak uste du bereak diren eskumenak guri kudeatzen uzten dizkigula. Talka hortik dator.

Legegintzaldi honetan Gipuzkoarentzat lorpen bat?

Estatuak bere gain dituen eskumen horiek bete ditzala Gipuzkoari dagokionean. Azpiegituren alorrean… Abiadura Handiko Trenaren obra guztia bukatu eta jada etorri dadila hori. Gustatuko litzaidake hurbileko trenbide sarea euskal erakundeen esku geratzea. Gustatuko litzaidake Pasaiako portua eta aireportuak ere gure esku geratzea. Hau da, zenbat eta Estatuaren presentzia gutxiago, orduan eta burujabeago.

Joseba Agirretxea

AHTaren obrak noiz bukatzeko asmoa dago?

Ez daukat egutegia eskura baina hainbat fase daude. Bata da bidea amaitzea, gero da elektrifikatzea… badirudi 2023an operatibo egon daitekeela. Badakit milaka atzerapen izan dituela… batzutan izan da borondate politiko faltaren ondorioz izandako atzerapen teknikoa, dirurik ez inbertitzearen ondorioz, eta abar…

Euskal alderdien arteko elkarlana aurreikusten duzue Kongresuan?

Arazoa ez da elkarlana. Kontua da zertarako? Zer programarekin? Eta zeren arabera. Gu orain arte han izan gara eta orain beste batzuk dira joango direla esaten dutenak. Ba etorri zaitezte. Baldin bada gure erakundeak eta autogobernua babesteko eta horrelakoetarako, topatuko gaituzte. Ez bakarrik lau proklama egiteko. Elkarlana zerekin eta zertarako? Eusko Legebiltzarrean aurrekontuak aprobatzeko zergatik ez da egon elkarlan hori? Badirudi kanpoan egin behar dugula etxean egiten ez duguna.

Joseba Agirretxea: “EAJren esku baldin badago eskuinak ez du gobernatuko”

Joseba Agirretxea  Joseba Agirretxea

ZuZeu

ZuZeuko erredakzioko kazetariak eta editoreak gara.

2 pentsamendu “Joseba Agirretxea: “EAJren esku baldin badago eskuinak ez du gobernatuko””-ri buruz

  • Iñaki Bret 2019-04-24 21:58

    Kaixo Joseba

    Zer da boterea?
    Tradizio webertarrean, aktore batek harreman sozial batean haren borondatea nagusitzeko eta horren aurreko erresistentzia gainditzeko lukeen ahalmena litzateke boterea. Eta hiru botere-mota bereizten dira: (1) eragiteko ahalmena —manipulazioa barne—, (2) autoritatea —tradizioa, karisma…—, eta (3) indarra —zigor materialak…—
    Nork dauka gure bizitzak bizitzeko eragiteko ahalmen handiena?
    Diruaren kudeaketaren boterea eta enerjia kudeaketaren poterea. Hau da ,sistema finantzieroa eta sistema enerjetiko fosilista, funtsean. Kapitalaren sistema filosofiko materiala estatuetatik sustatua dena orokorrean. Transnazional korporazio handien konzentrazioak areagotzen ari dena aberastaasunaren pilatzea eta pobreziaren zabaltzea munduan. Munduko aberastasunaren % 82a(monetario- patrimoniala) munduko %1 aberatsenaren esku dago (OXFMAN 2017-2018).Aberastasunaren konzentrazioa eta pobreziaren zabaltzea areagotzen ari da tendentzia orokorrean. 821 milioi pertsona gosetearen mugan(ONU 2018) , 5.500 milioi pertsona oinarrizko beharrak ez dituztenak asetzen erabat. Eta munduko jakintsu askoren arabera , ezberdinatasun eta behar larri hauen tendentziekin ( mundu aberatsetan bizi garenak sostengagaitz egiten dugun kontsumo eta ekizpena , aztarna ekolojikoari kasu) kolapso ekolojikora goaz, hondamendira. 35 gerra daude gaur egun irekiak eta deklaratuak ( kontuan eduki gabe Estatu islamikoak praktikatzen duena, adibidez, noski)
    Nola definitu dezakegu kolonialismoa edo inperialismoa hitz gutxitan gaur egun ?
    Nere ustez “herri” batek bestea menperatzen duenean gertatzen da inperialismo edo kolonialismoa. Nere ustez euskal herria bagera herri bat eta kolonizatuak gaude “herri” (kakkotxen artean)askoren eraginez. Alemania , estatu batuak , Txina( beraien aparataje finantzierio enpresarialen bitartez)…eta historikoki eta hurbil, barrukoan eta era berezian espainiako eresumarengatik eta frantziako errepublikarengatik.
    Non dago arazo nagusia egoera injustu, inhumano , kriminal hau gertatzeko?
    Nere ustez arazo sistemiko mundiala da . Hau da kapitalismoa. 8 kritika inportanteenak kapitalismoari, nere ustez.
    1- Klaseko harreman kapitalistak betikotzen ditu gainditu daitezkeen pertsonen sufrimendu egoerak.
    2- Kapitalismoak pertsonen osotasun humanoaren unibertsalizazioa oztopatzen du.
    3 -Kapitalismoak justizia sozialaren hastapen liberal berdinzaleak kontraesanean jartzen ditu.
    4 – Kapitasmoak ezaugarri sistemiko bat dauka kontsumismora bultzatzen gaituena.
    5 – Kapitalismoa ingurugiroa suntsitzen du.
    6 -Estatu nazioen mundu batean kapitalismoak militarismoa eta inperialismoa sustatzen du.
    7 – Kapitalismoak komunitatea jaten du.
    8 – Kapitalismoak demokrazia mugatzen du.
    Gaur egungo datu gordin batzuk gure Euskal – Herri Aberats honetan.
    1.- Suizidioak Hego EHn 2017(INE) 220 pertsona ( errejistratuak ofizialki). Trafiko istripuak eragindakoak(104pertsona) bikoiztuaz.
    2.- Laneko istripuez hildakoak 2018 (Hego EH) 68 pertsona. %20 gehiago 2017 baino ( OSALAN-ELA)
    3.- Droga eta psikofarmakoen gaindoziez hilakoak 2017(INE)67 pertsona.
    4.- Biolentzia matxista. Hego EH (2018) 6 pertsona(Emakunde)
    5.- Euskararen erabileraren jaitsitze orokorra.Euskal herriaren osotasunean %12,6(2017) ari zirela euskaraz. 1997tik izandako portzentajerik txikiena da hori.Soziolinguistika klusterra
    Dauzkagun datu estatistiko ofizialen arabera sisteman errotzen diren biolentzien ondoriozko hildako pertsonak Hego Euskal Herian2017 an 361 pertsona datoa utzi zigun. Siuzidioak,Laneko istripuak, Droga eta psikofarmakoen gaindoziez hilakoak, bioentzia matxista .361 pertsona. urtebeteko ratioan eta tendentziak gora jotzen dute . Hau da besteak beste sistema kapitalistaren zoru etikoak uzten digun arrasto kirminala.
    Ni pozik naiz euskal herrian bukatu berri den ziklo armatua bukatu delako . Arrazoi politiko-etikoak asko zeudela uste dut aspalditik. Baina aberrantea iruditzen zait nola desnfokatzen eta manipulatzen diren gertakariak ( nere ustez dena baita politika) sufrimendu humanoak eta beraien zergatiak aztertzen direnean.Iraganekoak eta oraingoak . Harduragabekeri handia somatzen dut( beste arazo sistemiko larri bat , noski)
    Gutxi gora behera arazoi hauengatik uste dut euskal herriaren burujabetzatik eman ahal diogula munduko arazo larriari euskal erantzun eraginkor bat . Humanista.Ez biolentziatik. Kapitalismoaren kontrakoa. Horregatik uste dut abertzaletasunak ekarpen handia egin dezakeela bizi dugun itolarrizko egoera honi.
    Nik horregatik ez det jokatzen loteriara . Ez “Loteria nazionalera” ez besteetara. Uste dudalako ludikotasuna manipulatzen dela jokoaren dinamikaz , boltsaren eta ekonomia kapitalistaren jokoaren “ilusioa” sustatzeko .
    Ta Lenin baino nahiago det oroitzea orain dela lau urte utzi gintuen Eduardo Galeano handiaren hitzak . ” Bozkatzeak zerbait aldatuko balu jada debekatua egongo litzateke”
    Eta Eduardo asko miresten baneun ere , nik bozkatuko dut . ta orain bereziki gogo handiagorekin . Ilusioak ez ditut asko egiten bozkatzen dudanean normalean . Nik nahiago egunez egun gauza txikietan aritzea. Euskaraz bizitzen saiatzea. Saiatzea ulertzen eta saiatzea laguntzen.
    Uste dut hauteskunde bereziak direla . Begira nola dauden katalandarrak eta oso kaltegarria iruditzen baizait PP,Ciudadanos edo VOXek espainiako gobernuan egoteko aukera egotea( gertatubaitaieke).
    Uste dut era guztietako menpekotasun , zapalketa eta inperialismoak astintzeko noski administrazioen poterea disputatu behar dela baina ohartuaz non dauden gure egoera baldintzatzen duten potere zapaltzaile handienak.
    Horra hor nere arrazoi abertzale ta burujabetzazaleak hateskunde hauetan bozkatzeko( eta ez da EAJ izango , noski)

  • Iñaki Bret 2019-04-24 22:10

    Barkatu eragozpenak , baina transkipzio arazo batengatik testua dena pilatua editatu da .

    Hemen dago testua irakurgarriago .

    Kaixo Joseba

    Zer da boterea?

    Tradizio webertarrean, aktore batek harreman sozial batean haren borondatea nagusitzeko eta horren aurreko erresistentzia gainditzeko lukeen ahalmena litzateke boterea. Eta hiru botere-mota bereizten dira: (1) eragiteko ahalmena —manipulazioa barne—, (2) autoritatea —tradizioa, karisma…—, eta (3) indarra —zigor materialak…—

    Nork dauka gure bizitzak bizitzeko eragiteko ahalmen handiena?

    Diruaren kudeaketaren boterea eta enerjia kudeaketaren poterea. Hau da ,sistema finantzieroa eta sistema enerjetiko fosilista, funtsean. Kapitalaren sistema filosofiko materiala estatuetatik sustatua dena orokorrean. Transnazional korporazio handien konzentrazioak areagotzen ari dena aberastaasunaren pilatzea eta pobreziaren zabaltzea munduan. Munduko aberastasunaren % 82a(monetario- patrimoniala) munduko %1 aberatsenaren esku dago (OXFMAN 2017-2018).Aberastasunaren konzentrazioa eta pobreziaren zabaltzea areagotzen ari da tendentzia orokorrean. 821 milioi pertsona gosetearen mugan(ONU 2018) , 5.500 milioi pertsona oinarrizko beharrak ez dituztenak asetzen erabat. Eta munduko jakintsu askoren arabera , ezberdinatasun eta behar larri hauen tendentziekin ( mundu aberatsetan bizi garenak sostengagaitz egiten dugun kontsumo eta ekoizpena , aztarna ekolojikoari kasu) kolapso ekolojikora goaz, hondamendira. 35 gerra daude gaur egun irekiak eta deklaratuak ( kontuan eduki gabe Estatu islamikoak praktikatzen duena, adibidez, noski)

    Nola definitu dezakegu kolonialismoa edo inperialismoa hitz gutxitan gaur egun ?

    Nere ustez “herri” batek bestea menperatzen duenean gertatzen da inperialismo edo kolonialismoa. Nere ustez euskal herria bagera herri bat eta kolonizatuak gaude “herri” (kakotxen artean)askoren eraginez. Alemania , estatu batuak , Txina( beraien aparataje finantzierio enpresarialen bitartez)…eta historikoki eta hurbil, barrukoan eta era berezian espainiako eresumarengatik eta frantziako errepublikarengatik.

    Non dago arazo nagusia egoera injustu, inhumano , kriminal hau gertatzeko?

    Nere ustez arazo sistemiko mundiala da . Hau da kapitalismoa. 8 kritika inportanteenak kapitalismoari, nere ustez.
    1- Klaseko harreman kapitalistak betikotzen ditu gainditu daitezkeen pertsonen sufrimendu egoerak.
    2- Kapitalismoak pertsonen osotasun humanoaren unibertsalizazioa oztopatzen du.
    3 -Kapitalismoak justizia sozialaren hastapen liberal berdinzaleak kontraesanean jartzen ditu.
    4 – Kapitasmoak ezaugarri sistemiko bat dauka kontsumismora bultzatzen gaituena.
    5 – Kapitalismoa ingurugiroa suntsitzen du.
    6 -Estatu nazioen mundu batean kapitalismoak militarismoa eta inperialismoa sustatzen du.
    7 – Kapitalismoak komunitatea jaten du.
    8 – Kapitalismoak demokrazia mugatzen du.

    Gaur egungo datu gordin batzuk gure Euskal – Herri Aberats honetan.

    1.- Suizidioak Hego EHn 2017(INE) 220 pertsona ( errejistratuak ofizialki). Trafiko istripuak eragindakoak(104pertsona) bikoiztuaz.
    2.- Laneko istripuez hildakoak 2018 (Hego EH) 68 pertsona. %20 gehiago 2017 baino ( OSALAN-ELA)
    3.- Droga eta psikofarmakoen gaindoziez hilakoak 2017(INE)67 pertsona.
    4.- Biolentzia matxista. Hego EH (2018) 6 pertsona(Emakunde)
    5.- Euskararen erabileraren jaitsitze orokorra.Euskal herriaren osotasunean %12,6(2017) ari zirela euskaraz. 1997tik izandako portzentajerik txikiena da hori.Soziolinguistika klusterra

    Dauzkagun datu estatistiko ofizialen arabera sisteman errotzen diren biolentzien ondoriozko hildako pertsonak Hego Euskal Herian2017 an 361 pertsona datoa utzi zigun. Suizidioak,Laneko istripuak, Droga eta psikofarmakoen gaindoziez hilakoak, bioentzia matxista .361 pertsona. urtebeteko ratioan eta tendentziak gora jotzen dute . Hau da besteak beste sistema kapitalistaren zoru etikoak uzten digun arrasto kriminala.

    Ni pozik naiz euskal herrian bukatu berri den ziklo armatua bukatu delako . Arrazoi politiko-etikoak asko zeudela uste dut aspalditik. Baina aberrantea iruditzen zait nola desnfokatzen eta manipulatzen diren gertakariak ( nere ustez dena baita politika) sufrimendu humanoak eta beraien zergatiak aztertzen direnean.Iraganekoak eta oraingoak . Harduragabekeri handia somatzen dut( beste arazo sistemiko larri bat , noski)

    Gutxi gora behera arrazoi hauengatik uste dut euskal herriaren burujabetzatik eman ahal diogula munduko arazo larriari euskal erantzun eraginkor bat . Humanista.Ez biolentziatik. Kapitalismoaren kontrakoa. Horregatik uste dut abertzaletasunak ekarpen handia egin dezakeela bizi dugun itolarrizko egoera honi.

    Nik horregatik, adibidez, ez det jokatzen loteriara . Ez “Loteria nazionalera” ez besteetara. Uste dudalako ludikotasuna manipulatzen dela jokoaren dinamikaz , boltsaren eta ekonomia kapitalistaren jokoaren “ilusioa” sustatzeko .

    Ta Lenin baino nahiago det oroitzea orain dela lau urte utzi gintuen Eduardo Galeano handiaren hitzak . ” Bozkatzeak zerbait aldatuko balu jada debekatua egongo litzateke”

    Eta Eduardo asko miresten baneun ere , nik bozkatuko dut . ta orain bereziki gogo handiagorekin . Ilusioak ez ditut asko egiten bozkatzen dudanean normalean . Nik nahiago egunez egun gauza txikietan aritzea. Euskaraz bizitzen saiatzea. Saiatzea ulertzen eta saiatzea laguntzen.
    Uste dut hauteskunde bereziak direla . Begira nola dauden katalandarrak eta oso kaltegarria iruditzen baizait PP,Ciudadanos edo VOXek espainiako gobernuan egoteko aukera egotea( gertatubaitaieke).

    Uste dut era guztietako menpekotasun , zapalketa eta inperialismoak astintzeko noski administrazioen poterea disputatu behar dela baina ohartuaz non dauden gure egoera baldintzatzen duten potere zapaltzaile handienak.

    Horra hor nere arrazoi abertzale ta burujabetzazaleak hateskunde hauetan bozkatzeko( eta ez da EAJ izango , noski)

Utzi erantzuna

Zure e-posta helbidea ez da argitaratuko. Beharrezko eremuak * markatuta daude