Indalezio

Indalezio Bizkarrondo Bilintx

Estimu eta begirune handia izan diot beti Indalezio Bizkarrondo Bilintx jaunari. Hainbeste, non askotan hari buruzko egia ez direnak edo gezur-erdiak ere sinetsi izan ditudan. Urteen joan-etorrian, handitzen joan zaidan pertsonaia maitea gertatu zait.

Hark idatzitako poemekin eginiko kantuak, gutxi edo asko, denok ditugu ezagutzen, baina behin baino gehiagotan erabili izan dut nik haren testu ia ezezagun bat, nolako  izaeraren jabe zen eta nolako garaia suertatu zitzaion ezagutzeko balio dezakeelakoan. Hala idatzi zion beretzat nahi zuen  emakumeari:

 

Indalezio Bizkarrondo BilintxNoiz iritxiko ote da eguna nerea izango zaitutana! A zer kuidaduakin gobernatuko zaitutan! A zer bizi-modutxua eman biar dizutan! A zer alegiñak egingo ditutan zu kontentu irukitzeko! Mayian zu izango zera lenbizi serbitua. Zuretzako izango da gauzik onen guziya. Esnea degunean zuretzako tela, mamiya degunean zuretzako gaña, eta sagarrak, udariak, muxikak edo zerbait orlako degunean, zuretzuko piñenak, zuretzako aundiyenak, zuretzako ederrenak. Eta intxaurrak ditugunean, nik puskatuko ditut, eta azalak atera ta mamiyak jarriko dizkizut aldamenean; eta gaztañak ditugunean, nik txurituko ditut zuk jan bear dituzunak.

Ez esan niri ez denik zoragarria!

Dena den, gaur beste kontu bategatik dakart hona Bilintx : lagun batek haren argazki bat eman dit eta ikusi gabekoa nuen. Sarean ibili naiz bila, agian egongo da, baina argazki honen zati bat baizik ez dut aurkitu Armiarmaren klasikoetan Bilintxen bertso guztiak biltzen dituen artxiboa erakusteko. Baina diodan bezala, osorik, ez dut aurkitu. Agian norbaiti ondo etorriko zaio ZuZeun zabaltzea.

Bilintxen zatar fama iritsi zaigu, baina dandi bat, begirada sakon bezain sentibeherako gizonezko bat, horixe ikusten dut nik estudioan eginiko argazki zoragarri honetan. Egiozu klik handitzeko, eta zerorrek ere ikusiko duzu.

Indalezio Bizkarrondo Bilintx

argazkia, bilintx, indalezio
Hasier Etxeberria

ALUA MUNDUA ! Idazlea, kazetaria, gidoigilea, blogaria... Euskaldunon Egunkaria eta ZuZeuren sortzaileetakoa. ETBn hamaika saio zuzendu eta aurkeztutakoa. (Argitaratutako Liburuak)

4 pentsamendu “Indalezio”-ri buruz

Utzi erantzuna

Zure e-posta helbidea ez da argitaratuko. Beharrezko eremuak * markatuta daude