Hitza

Orain dela bost urte idatzitako poema bat da beheko hau, koaderno marroia kuxkuxeatzen aurkitua, eta azken bost esaldiak osotua. On egin ;)

Martius-i flickerretik hartua

Hitza izan nahiko nuke

zuk ni ahoskatzeko,

hitza, zure burmuinetik hasi eta

mihiraino bidaiatzeko,

hitza, zuk nigan pentsatzeko,

hitza, zuk noizbait ni idazteko,

hitza, zuk ni irakurtzeko,

hitza, bai, zuk ni entzuteko,

hitza, zuk ni ikasi eta betirako zugan irauteko,

zure hitzik gogokoena zuk ni azalean tatuatzeko,

hitza, nahi duzuna adierazten duen hori iradokitzeko,

hitza, berba, hizki multzoa,

zuk nirekin jolasteko,

hitza, zure abesti gogokoena belarri bateri abesteko…

Iraitz Madariaga

TXO !! - Kazetaria ikasketaz eta sare sozialetan espezializatua pasioz. Ez dut arrain gehiagorik izan, denak hiltzen zaizkit, orain jatera mugatzen naiz.