Hekimenek alardearen berri ematen ari ziren kazetarien aurkako erasoak salatu ditu

Hekimenek alardearen berri ematen ari ziren kazetarien aurkako erasoak salatzen ditu –

Hekimen Euskal Hedabideen Elkarteak larunbatean Hondarribiko alardearen berri ematen ari zirela hainbat kazetarik jasandako erasoak salatu nahi ditu eta, bide batez, elkartasun eta babes osoa adierazi nahi die beraien lana egiten ari zirela erasotuak izan ziren kazetari horiei denei.

Hekimenentzat onartezinak dira hainbat hedabidetako langileek pairatu behar izan zituzten oztopo eta erasoak (bultzadak, irainak, lanerako tresnak kentzeko saiakerak…), eraso horiekin kazetari horiei ez ezik, herritar orok informaziorako eta adierazpen askatasunerako dituen eskubideei ere eraso egiten zaielako.

Erasotutako hainbat euskarazko hedabideetan diharduten kazetariak izaki (Antxeta irratia, Berria…), informazioa euskaraz jasotzeko eskubidea bera ere erasotua gertatu zen larunbatean eta hori ere salatu nahi du Hekimenek, euskaraz diharduten hedabideen elkartea den aldetik.

Era berean, Hekimeni oso larria iruditzen zaio aipatutako erasoak une horretan ordena publikoaren ardura bere gain zuten ertzainen aurrean gertatu arren, hauek kazetariak babesteko edota erasotzaileak geldiarazteko inolako neurririk hartu ez izana.

Berriro ere honelakorik gerta ez dadin eta kazetariek beren lana berme guztiekin egiteko aukera izan dezaten hartu beharreko neurriak hartzeko eskatzen die Hekimenek dagokien erakunde publikoei.

Andoainen, 2018ko irailaren 11n

hekimenhekimen-logoak
Hekimenek alardearen berri ematen ari ziren kazetarien aurkako erasoak salatzen ditu
zuzeu | Azaleko irudia 2009ko alardea artxiboa
ZuZeu

ZuZeuko erredakzioko kazetariak eta editoreak gara.

Zer duzu buruan “Hekimenek alardearen berri ematen ari ziren kazetarien aurkako erasoak salatu ditu”-ri buruz

Utzi erantzuna

Zure e-posta helbidea ez da argitaratuko. Beharrezko eremuak * markatuta daude