Gora San FerVIP!

Gora San FerVIP! –

Gora San FerVIP!

Zentzuak ez du beste aukerarik eskaintzen: aurten ezin izanen da sanferminik ospatu. Maria Txibite lehendakariak ere bota zuen, eta bete ezineko itxaropena piztea “arduragabekeria” litzatekeela gaineratu. Haserre erantzun zuen Enrique Maiak. Beretzat nahi zuen Arias Navarro momentua sanferminen iragarritako heriotzaren berri emateko.

Kasketa hartu du, eta zapi gorria astintzeari ekin dio, hori baita hobekien egiten dakiena: sanferminei buruz hitz egitea, alegia. Iradoki du uztailaren 7an zezenketak egon litezkeela, noski, bera buru. Hala, iazkoa sanfermin esklusiboen entsegua baino ez zen izan. Gustua hartu zion protagonismoari, itzalpera kondenatu zezakeen besta zuri-gorririk gabe, kameren aurrean inoiz ez bezala egin zuelako dir-dir alkatearen irudiak uztailaren 6an eta 7an.

Sanferminak neurrira eta neurrian. Pertsona normalentzat, batzuentzat. Meza eta zezenketak, zertarako gehiago? Gora San FerVIP! Edo gora San FerCOVID?

[Euskalerria Irratiko Metropoli Forala saioa, ‘Minutu bateko manifestua’, 2021ko otsailaren 5ekoa]

BARDO GORRI NAFARRA

Utzi erantzuna

Zure e-posta helbidea ez da argitaratuko. Beharrezko eremuak * markatuta daude