Film hau askotan ikusi dugu

Film hau askotan ikusi dugu –

Film hau askotan ikusi dugu
Arg: JAGOBA MANTEROLA / FOKU / BERRIA

 

Gazteak dira. Disidentzia politikoan aktiboki parte hartzen dute. Poliziak hilabeteak daramatza haien atzetik, sakelakoaetako solasaldiak ere zelatatu dizkiete:
-Joango gara frontoira
-Ez, hotza egiten du.
Solasaldi kriminalak, ezbairik gabe.
Kartelak paratu dituzte, bertso saioak antolatu, pegatinak gorde, manifestazioetan parte hartu…
eta atxilotu dituzte. Orain, haietako batzuk talde kriminaleko kide dira poliziaren hitzei jarraitzen dieten komunikabideentzat.
Film hau ikusia dudala iduritu zait. Déjà vu? Zoritxarrez gaizki bukatu izan dira halakoak, orain arte: gazte batzuk zigortuta besteak geldituko dituztelakoan. Zoritxarrez beldurra kontrola ezina da, eta bai, geldiarazi zaitzake. Kalera atera dira, hala ere, kalean ziren gazte batzuk.
Kriminalizazioa, muntaia, kartzela, sufrimendua. Nahiko genuke gidoi bira bortitz bat film honetan. Nahiko genuke askotan bizi izan duguna ez errepikatzerik. Baina ez gara inozoak: film hau askotan ikusi dugu; azkenengoz, Altsasun.
[Euskalerria Irratiko Metropoli Forala saioa, ‘Minutu bateko manifestua’, 2021ko apirilaren 30ekoa]

BARDO GORRI NAFARRA

Utzi erantzuna

Zure e-posta helbidea ez da argitaratuko. Beharrezko eremuak * markatuta daude