Hemen jartzen dizkizut zuzeulari agurgarri 10 sintoma bilbotarra zaren ala ez jakiteko. Ez baita borondate kontua, izan egin behar baita eta baldintza batzuk bete.

1- Ez baduzu etxebizitza berme gisa jarri Kafe Antzokian bi zerbeza hartzeko, soilik euskaldun anbientea eta 4 Berria dituztelako barraren ertzean.
2- Ez bazara TZ hizkiekin amaitzen den tabernaren batera sartu Iturribide kalean, parrandan zoazela ligoteoan, edo mozkorraldi betean… edo bidean.
3- Ez baduzu Jardines de Albia plazan dagoen Sabino Aranaren estatuan bibote arrosa bat marraztuta ikusi, edo kono bat buruan, edo athletiken bufanda lepoan
4- Ez bazara pasa Euskadi Plazatik, gora begiratu, zure idealak jan eta esan: “Iberdrola dorreaz nahi dutena esango dute… baina begira zeinen handi eta ederra”
5- Ez baduzu inoiz entzun “Azkuna, nahiz eta nik ez dudan bat egiten ideologikoki, gauzak ondo egiten ditu eta zerbaitengatik eman diote Munduko Alkate Onenaren saria”
6- Ez bazara sartu Somera eta inguruetan topa daitezkeen 1001 denda jipijoetarik batean gutxienez. Eta ez bazara beldurtu prezioekin.
7- Ez bazara konturatu Unamuno plazako metroko sarreran jotzen duen akordeoilariak play backa egiten duela, era lotsagarriki argi batean.
8- Ez bazara inoiz San Mamesetik marmarka atera, etxera buelta eginaz.
9- Ez baduzu ikusi Deiako gaurko agenda kulturalean Bidebarrietako liburutegian antolatutako literatur eztabaida bat Harkaitz Cano, Beñat Sarasola, Bernardo Atxaga… edo halakoren bat tarteko, eta ez baduzu pentsatu: Joango naiz… baina gaur ez. Bihar, sieso.
10- Ez baduzu @Athletic_eus kontua jarraitzen kontzientzia lasaitzeko, nahiz eta, gero zure txio guztiak gaztelaniaz idatzi

Eta zu Bilbotarra zara, ala #EzZaraBilbotarra?