Euskaldunok giza eskubide gabe Donostiako Giza eskubideen zinemaldian

Euskaldunok giza eskubide gabe Donostiako Giza eskubideen zinemaldian –

Donostiako Giza eskubideen zinemaldiak 15. edizioz ere ez ditu errespetatzen gu bertako euskaldunon giza eskubideak. Uso…, baina otso. Ez ote ditugu? Gu ez ote gara giza? Kontuak oker egin ez baditugu, 51 film dira katalogoan, eta horietako 15, euskarazkoak (3) edo euskaraz azpititulatuak (12). Aldiz, 38 espainolezkoak (13) edo espainolez azpititulatuak (25) –gaztelania diote hemen ere, ez dakigun espainola horren gordina gertatu-. Biktoria Eugenian ekitaldi ofizialeko 19 saioetako 3, euskarazko azpitituluekin. 16 (behintzat) espainolezkoekin. Hala moduz ere aurkezpen eta solasaldiak.

Euskaldunok giza eskubide gabe Donostiako Giza eskubideen zinemaldianGuztion giza eskubideen defentsan ordea, zinemaldiak 19 saio horietako 10etan eskaini ditu -antolatzaileen hitzetan-: Pertsona gorrentzat azpititulu egokituak dituzten filmak eta zeinu hizkuntza zerbitzua duten solasaldiak. Txalotzekoa ahalegina -horietako saio 1 gainera euskaraz, dirudienez-.

Baina, ze giza eskubide kalifikazio merezi du mundu osoko giza eskubideen urraketak salatu, baina bertako euskaldunoi espainola ezin gordinago irentsarazten jarraitzen duen zinemaldiak? Dirutzak gastatzen dira filmak biltzeko, aurkezleak prestatzeko, solasaldiak adituz hornitzeko, film denak -gehienak- espainolez ulergarri eskaintzeko, are ekitaldi ofizialen erdiak baino gehiago gorrentzako egokitzeko. Baina aurkezpenak, solasaldiak, azpitituluak… euskaldunoi euskaraz emateko garairako, zoritxarrez bukatua da jada dirua. Eta hori diskriminazioa da. Euskaldunon giza eskubideen errespetu falta. Bertako euskaldunon trataera lotsagarria. Espainolaren inposizioa…, zergatik bai!

Ez dut / ez dugu sikiera eskatzen espainola hainbat baztertzea (nahiz azkenean hori den bide bakarra, herri honetan euskara -behintzat- ulertzeko ahalegina egin ez dutenek, behingoz egin dezaten -guk espainola ulertzen diegun bezala-). Konformatuko gara, eskubide berdintasunean, gutxienez euskaraz (ere) ematen badiguzue, orain espainol hutsez irentsarazten diguzuen guztia. Ala euskaldunok ez dugu giza eskubiderik merezi Donostian, Euskal Herrian? Soilik espainolek dituzte hizkuntza eskubideak Donostian, Euskal Herrian? Are alkate, lehendakari… abertzale euskaltzaleekin? Ezta giza eskubideen zinemaldia batean ere?

Iaz uste dut Gasko zela euskaldunok baztertzen gaituen zinemaldi -muinean ‘espainol’- honetan, espainol garbi hutsean, Donostiaren rol aitzindaria aldarrikatzen ziguna giza eskubideen defentsan. Aurten Goia alkateak aldarrikatuko du euskaldunok baztertzen jarraitzen duen zinemaldi -muinean ‘espainol’- honetan Donostiaren giza eskubideen defentsarako rol aitzindaria aldarrikatuko duena?

Dagokizuenon azalpen zain…

Euskaldunok giza eskubide gabe Donostiako Giza eskubideen zinemaldian
euskara, Giza Eskubideen Zinemaldia

2 pentsamendu “Euskaldunok giza eskubide gabe Donostiako Giza eskubideen zinemaldian”-ri buruz

  • Bittor Hidalgo
    Bittor Hidalgo 2017-04-08 09:59

    Gero gogoratu dut Eneko Goia Korrikako lekukoa eramanez. Hori bai! Baina programazio nagusiak, Donostia Kulturan, Tabakaleran, Zinemaldietan.., …aldi guztietan espainolez nagusiki. Noiz arte?

  • Euskaraz ere ez badago genozidioaren alde egiten du. Eta euskaraz egina ez badago ez da euskalduna. Frantsesez lan egiten duen enpresa frantsesa izaten jarraituko du arreta zerbitzua eta webgunea euskaraz eduki arren. Berdina unibertsitateko ikerketaz eta haien euskarazko publikazioaz.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude