Etxeratek Gipuzkoako ahaldun nagusi Martin Garitanoren babesa jaso du Azpeitian

Garitano etxeratUrteroko Azpeitiako San Inazioetako mezaren atarian ehundaka pertsonak Espainiar Estatuaren dispertsio politika salatu dute. Hona hemen hedabideetan agertu dena.

Gaurkoan ere San Inazioko festen harira Azpeitian ospatu mezan izan dira Etxerat euskal preso politikoen aldeko kolektiboko ehundaka kide, Espainiar Estatuaren sakabanaketa politika salatzen. Kolektiboak Isabel Celaá behin behineko lehendakariari, Martin Garitano Gipuzkoako ahaldun nagusiari eta Azpeitiako alkate Eneko Etxeberriari, presoen eta senitartekoen egoeraren berri ematen duen txostena helarazi diete.

Garitano eta Etxeberria izan dira Josune Dorrondoro eta Izaskun Abaigar Etxerat kolektiboko bozeramaleengana hurbildu diren politikari bakarrak. “Euskal presoen zein hauen senitartekoen bizitza arriskuan jartzen duen sakabanaketa politika honekin amaitu behar da”, adierazi dute hedabideen aurrean. Euskal jendartearen “gehiengoaren nahiaren” aurka egindako espetxe politika dela salatu dute.

Erlazionatutako albisteak:

EiTB: http://www.eitb.com/noticias/politica/detalle/712606/munilla-dice-reconciliacion-debe-partir-arrepentimiento/

Berria: http://berria.info/albisteak/53591/loiolako_basilika_beteta_eta_ataria_ere_bai.htm

Gara: http://www.gara.net/azkenak/08/282393/eu/Etxerat-recuerda-autoridades-Loiola-situacion-presos-

Deia: http://deia.com/2011/08/01/politica/euskadi/munilla-la-verdadera-paz-no-puede-nacer-de-meros-calculos-politicos-sino-del-autentico-arrepentimiento-

El Mundo: http://www.elmundo.es/elmundo/2011/08/01/paisvasco/1312191014.html

El País: http://www.elpais.com/articulo/espana/Garitano/suma/reivindicaciones/presos/ETA/elpepuespvas/20110801elpepunac_6/Tes

La Razón: http://larazon.es/noticia/6857-garitano-aprovecha-la-fiesta-de-loyola-para-defender-a-los-presos-de-eta

Diario Vasco: http://www.diariovasco.com/20110801/mas-actualidad/politica/garitano-pide-dispersion-presos-201108011218.html

ABC: http://www.abc.es/20110801/espana/abci-garitano-presos-201108011340.html

Rtve: http://www.rtve.es/noticias/20110801/garitano-bildu-aprovecha-fiesta-loyola-para-defender-presos-eta/451505.shtml

azpeitia, garitano, Gipuzkoa, meza, Munilla, presoak

Bandorik gabeko gerrak ditut maite

14 pentsamendu “Etxeratek Gipuzkoako ahaldun nagusi Martin Garitanoren babesa jaso du Azpeitian”-ri buruz

  • Eta zer egiten zuen Gipuzkoako Ahaldun Nagusiak Loiolan? Ez ginen ba laikoak? Nor ordezkatzen zuen han? Ez dut inon kritika bat ere irakurri “ezkerreko” politikariaren presentzia dela eta

  • Amonamantangorri 2011-08-02 16:44

    Egia. Hala ere, elizara ez omen zen sartu. Agintari publikoak ospakizun erlijiosoetara -agintari publiko gisa- ez joateak zer esan nahi du, ez direla San Ferminetako, Santamasetako, San Martzialetako, Santioetako, Amabirjinetako jaien ekitaldi ofizialetara azaldu behar?

  • Ez da gauza bera Santu baten izena duten festetara joatea (San Fermin), edota jai horien baitango ospakizun erlijiosoetara joatea.

    Transizio garaian elizak eta aurreko errejimenekoek eliza katolikoaren estatus pribilejiatua mantentzea lortu zuten. Laikotasuna izan zen galtzaile. Ordutik hona, ziria sartu besterik ez digute egin elizakoek (Errenta aitorpenean elizak ateratzen duen dirua, eta abar).

    Lehengoan, Gara egunkarian musulman batek (Etxeberria izenekoa) pareko tratua eskatzen zuen, eta, estatuak igerileku, ospitale eta abarrak ordaintzen zituen argudio berdinaz, fededunen tenpluak ere sustatu behar zituela zioen. Noski, eliza katolikoarekiko zuten “diskriminazioa” salatuz.

    Harrigarria, Garak argitaratzea, izan ere, kontua ez da eliza katolikoak beste fedeekiko duen nagusitasuna salatzea, baizik eta estatuak ezein fede sustatu behar ez duela defendatzea (laikotasuna), bestela, fedegabeak (jainkoan) gara diskriminatuak.

    Fedea, norberarena, norberak ordaindua (ez hemengo estatuak, ez eta kanpoko ezein estatuk ordaindutakoa ere, eta ataka horren atarian gaude, musulmanek ez baitute estatu eta erlijioren arteko ezberdintasuna ulertzen), pribatua.

    Ondo, BIldu.

  • Amonamantangorri 2011-08-02 21:28

    Hain juxtu, Bilduko hautetsiak Gipuzkoako Eguna ospatzeko ekitaldi ZIBILEAN egon zituan, ez hala elizkizunean. Gainerako autoritate guztiek, aldiz, txintxo meza entzun zuten, tartean, probintziko ahaldun nagusi ohiak. Hire kritikari ez zioat funtsik aurkitzen. Abuztua hasia delarik, gero eta maizago irakurri eta adituko tiagu “la misa mayor, a la que el/la/los alcalde/concejal(es)/diputado(s) de Bildu no asistió/asistieron” bezalako esaldiak. Gure arteko euskaldun fededunak haserrarazteko, beharbada. Ikusiko duk.

  • Ez dut ezagutzen San Inazio festaren programa. Bakarrik dakit bertan ikusi dudala gure lurraldeko ordezkari nagusia. Horrelako festa batean, non bukatzen da ekitaldi erlijiosoa?. Noiz hasten da atal edo gune laikoa? Santu eta soldadu kristau baten ohorez eginiko festan, zer pintatzen dute agintariek?. Beharrezkoa ikusten al da beraien presentzia? Zein helburuekin?. Nire zalantzak ditut.

  • Ez dakit ba Kain. Nik ere, zuk bezala, pentsatzen dut alderdi edo koalizio politiko LAIKO baten hautetsiek ezin dutela inolaz ere parte hartu fede erlijioso batek antolatutako ezein ekitalditan. Alabaina, iruditzen zait kasu partikular honetan, Garitanoren eta Txarolaren jokabidea oso ona izan zela. Batetik bazuten ez joatea, xinpleki. Bestetik baina, bazuten , euskal errepresaliatu politikoen senide eta lagunek aspaldi-aspalditik urtero egiten duten bezala, fede erlijioso batek antolatzen duen ekitaldi batetara agertzea, baina hain juxtu “desplante” bat egiteko. Nire ustez oso ona izan da. Munilla ohiko lerde eskuindarrak botatzen pulpitutik, eta ahaldun nagusia bere hitzei adi, otzan, burumakur? Ez: Ahaldun nagusiari BOST eliza katolikoaren ordezkari nagusi horrek esateko duenak (eta ikus dadila, nabaritu dadila, ager dadila ezaxola erraldoi hori: Gu ez goaz mezetara). Ahaldun nagusiak bat egiten du senide eta lagun guzti horien aldarrikapenekin, (Munilla horrek ez bezala), eta hori adieraztera geratu da, hitzez zein keinuz. Ikustea besterik ez dago, espainiar komunikabideek emandako ikuspegia, horiek berehala harrapatu dute Bilduko hautetsien jarreraren zioa. Badago hor jarrera intsumiso bat elizarekiko, bere botere-nahiarekiko, bere diskurtsoarekiko. Pentsatzekoa da eliza katolikoak ez duela inondik ere kontsideratuko hautetsi hauek euren ekitaldian parte hartu zutenik. Ekitaldiaren deialdia aprobetxatzea, bertara norbere aldarrikapenak aditzera ematera joateko, ez da bertan parte hartzen ari zarenaren seinale zertan izan behar. Ni izan naiz Borboien edota espainiar ultraeskuindarren ekitaldietan, baina ez euren txorakeriak aditzeko txintxo-txintxo. Nire ahotsa eta iritzia gera zitezen joan naiz. Nik uste hori dela Garitanok eta Txarolak egin dutena, eta nire aldetik txalo handi bat bientzat.

  • Aitzol Azurtza 2011-08-04 17:08

    Ni ere herri-agintaritza laiko baten aldekoa naiz baina kontuan izanik euskalherritarrek beren ohitura eta usadioetan erlijioa hain barneraturik izan dutela, agintariek kontu handia izan behar lukete ohitura erlijiosoetatik laikoetarako aldaketa lehun-lehun egiteko, eta hemen Garitano eta Txarola oso txukun aritu zirela iruditzen zait. Orain herri-agintariek, pixkanaka, ohitura eta usadio laikoak sortu eta garatzeari ekin behar liokete gure herri eta lurraldeen jaiak agintariek (erakundeek) era laikoan ospa ditzaten.

  • Aitzolentzat: Ohitura erlijiosoetatik laikoetarako aldaketa ezin da lehun-lehun egin: Bada ala ez da. Laizismoa bat eta bakarra da: Estatu eta erlijioen arteko banaketa. Transizioan ederki sartu ziguten ziria (PSOE eta PCEren jarrera lotsagarriak lagunduta), eta orduz geroztik, eta “se tendrán en cuenta” penagarri hartan oinarrituta, mesedeak besterik ez ditu lortu eleiz katolikoak, elizen ordainketa, zerga bidezko finantzaketa eta beste.
    Nire ustez Loiolara joan izana ez da ezein “lehuntasun”-aren ondorio; agintarien “paseillo”-a egin dute, eta eleiz atarian geratu dira. Kitto. Ondo egina, berriz diot, lotsagarria baitzen orain artekoa, eta are lotsagarriagoa, Vaticano-Roucok ezarritako artzapezpikoaren hitz politikoak entzuten ikustea, herri agintariak. Lotsaren lotsa osoa, en fin.

  • Amonamantangorri 2011-08-04 21:03

    Copy-Paste ttiki bat:

    http://bildu.info/gipuzkoa/programa/

    5. Erlijioaren aurrean administrazioaren inpartzialtasunari eutsiko diogu.
    6. Ez dugu parte hartuko izaera erlijiosoa duen ekintza edo ekitalditan.
    7. Ez dugu inongo sinesmen erlijiosoren alde egingo, ezta finantzatuko ere; ez zuzenean ez zeharka.
    8. Eliza katolikoak dituen pribilegio fiskalak ezabatzearen alde egingo dugu.
    9. Ez dugu sinesmen erlijiosoen alde egingo beren tenpluak (guneak) eraikitzeko.
    10. Foru administrazioaren espazio publikoetan dauden erlijio sinboloak kendu egingo ditugu.

    Hemengo batzuek nahi dutena esanen dute. Ez zait iruditzen, lehengoan, Bilduko hautetsiek programan agindutakoari huts egin ziotenik. Gipuzkoaren Eguna Loiolan ospatzen da, eta jaieguna eta protokolo guztia ofizialki aldatzen ez den bitartean behintzat, horrela eginen da. Ez dut uste aldatuko denik. Meza, prozesio, “momentico” eta horrelakoetara ez joanda (berriz diot: ordezkari publiko gisa), nahikoa.

  • Aitzol Azurtza 2011-08-05 02:09

    Nosk-entzat: Ba niri iruditzen zait, Garitano eta Txarola Loiolako Saindutegiko prozesiora joan izanak eta gero eliz-atarian gelditu izanak laikotasunerako “aldaketa lehuna” adierazten duela. Zuk diozun aldaketa bat-batekoa, bortitza, ebaki zuzenekoa, Gipuzkoako Ahaldun Nagusia (Garitano) eta Batzar Nagusietako Batzarburua (Txarola) Loiolako Saindutegian ez agertzea izango zatekeen, eta ez zuten horrelakorik egin. Noski Espainiako PSOEk huts egin duela Espainian laikotasuna ezartzen, beti ere espainiar eskuinari beldur izan bait dio, baina horrek ez du esan nahi Euskal Herrian laikotasuna kolpe batez ezartzearren herrietako jaiak hankaz gora jarri behar ditugunik. Donostian “Salve”-rako prozesiora joateari utzi zion udalbatzak orain hamabost urte inguru eta orain inork ez luke onartuko udal agintariak, hiriaren ordezkari gisa, Santa Maria basilikako elizkizunetara joaterik (hiritar soil gisa joateko askatasun eta eskubide osoa izaten jarraitzen dute alkate eta zinegotziek, hala nahi badute). Horrela jokatu behar dela iruditzen zait, agintaritza eta erlijioa (dena delakoa) inor aztoratu gabe bereiziz.

  • Aitzolentzat: Nire iruzkina etzijoan hortik; ekitaldiaren xehetasunez ari gintezke (alegia, prozesioa erlijiosoa da elizara sartuko direlako; elizara sartu ziren autoritateak izan, izan zirenez, esan genezake Garitanok ekitaldi erlijioso batetan parte hartu zuela). Baina hori ez da garrantzitsua, asmoa nabarmena denean. Laizismo “lehunari” erantzun diot, hain zuzen ere, transizio garaitik hona eliza katolikoaren kontura ziria sartzeko kontzeptu hori erabili dutelako: “laizismo irekia”, “laizismo modernoa”, eta beste.

    Laizismoa, berriz diot, bat eta bakarra delako.

    Elizak ezein laguntza, babes edota sustapen ofizialik jasoko ez balu (urruti gaude hortik “Espainian”), arras garrantzi gabekoa litzateke, adibidez, jai egun ofizialek jatorri kristaua izatea. Adibidez, besteak beste, hainbat jai (gero kristau)-k jatorri paganoa (beste fede bat) dute, eta sinismen galdu haiekin arazorik ez dugunez jada, ez ditugulako haien hondarrak erasotzat.

    Beharbada baikortasunagatik edo, nik gehiago erreparatu diot elizara sartu ez izanari, promenadea egin izanari baino…..bale, datorren urtean, espaloitik eta Lopez errepidean bakarrik utzita. Garbiago!

  • Ba, bide batez esatearren, nahiago nuke mila bider, bai! Espaloitik edo hobe: Zuzenean kontzentraziora, eliza katolikoaren EZEIN zirkutan parte hartu gabe (eliza horri belarrondoko on bat emateko izanik ere, zaplatekoek sortzen diguten errebantxa-pozarekin ere).
    Konfesionalitatetik laizismorako bidea zuzen-zuzenean eta erdi biderik gabe. Horretarako ematen diegu boza, batzuk behintzat,–eta uzten digutenean noski– alderdi edo koalizio edo programa LAIKOEI. Zergatik izan beharko litzateke eskailera-maila leunekin batetik besterako jauzia? Eliza Katolikoaren balizko shock-a baretzeko? Nahikoa shock jasan dugu askok eta askok (eta jasaten jarraitzen dugu) eliza ultraeskuindar, misogino, homofobo, baztertzaile, inperialista, anakroniko eta faxista horren aldetik. Zertarako arraio nahi du eliza horrek eztabaida publikoan zeresanik izan? Akaso horrelako iritziak botatzeko? “No es moralmente aceptable la secesión, es decir la ruptura de la unidad política de España por medio de la llamada autodeterminación, que implicaría la negación unilateral de la soberanía de España. Los obispos españoles, al condenar moralmente la independencia de las diversas naciones incluidas en el Estado español -y no sólo el separatismo, sino incluso el peligro del mismo- afirman solemnemente de sí mismos que aportan al debate público los argumentos de un ejercicio autorizado de la razón moral iluminada y fortalecida por el Evangelio de Jesucristo.”(Orientaciones pastorales) Edo horrelakoak? :”El Parlamento Europeo aprobó el 18 de enero de este año la resolución P6-TA (2006)0018,
    “sobre la homofobia en Europa”, que condena la denominada “homofobia”,(…)Esta resolución, con el pretexto de evitar la discriminación de las personas homosexuales, lanza indirectamente la idea de que han de tratarse de la misma manera las uniones entre hombre y mujer que las uniones de personas homosexuales. Con esto se falsea la verdad fundada en la naturaleza del hombre, que es creado como hombre y mujer. En consecuencia, la resolución aprobada representa un serio peligro para la vida matrimonial y familiar y para toda la ordenación de la vida social en Europa.(…)(Esta resolución)pretende imponer a los ciudadanos de la Unión una concepción de la verdad antropológica contraria a los valores y principios de nuestra civilización.(…)Nos unimos a otras Conferencias Episcopales de Europa y a muchas personas que ya han expresado su protesta contra esta resolución que atenta contra el correcto funcionamiento de la Unión Europea y contra la misma conciencia de los ciudadanos. Al mismo tiempo, apelamos al Parlamento Europeo para que en el futuro evite acciones que ponen en peligro la libertad de conciencia en la Unión Europea.”
    Zirt-zart, eliza katoliko txit iluminatua: Jendarte zibil honek MORALKI jartzen zaitu bere eztabaida eta erabaki-gune guztietatik KANPO. Enteratu daitezela behingoz.

  • Aitzol Azurtza 2011-08-05 22:35

    Paki Perez eta Nosk: Erromako gotzaina buru duen eliza katolikoak egin eta esaten dituen zentzugabekeriak irakurrita, beharbada arrazoi duzuela onartu beharra dut… Agian gure agintariek Erromako Eliza Katolikoaren itzaletik lehen-bait-lehen irten beharko lukete, erdibideko jokamolde argilunak alde batean utziz.

  • Ez dakit Foru Aldundiak eskumenik duen (bilketatik haratago), baina urrats beharrezkoa da errenta aitorpenaren bitartez lortzen duten finantzaketa etetea. Inork eliza katolikoa finantzatu nahi badu, egin dezala zuzen-zuzenean. Lehen estatuak ematen zion dirua, zuzen zuzenean. Hain zen lotsagarria, ezen PSOek (ohikoa duen jukutria politiko gezurtia erabilian) errenta aitorpenean %0.7-a gorde baitzuen “fin social” edota “iglesia católica” ri eman geniezaion). Hasteko, kopuru hori etzuten besterik gabe aukeratu, duen esanahiagatik baizik. Mixerableak dira gero, gizarte aldarrikapena jukutria politikorako erabiltzea ere…..bere betiko estiloan. Gainera, eliza katolikoak horren bitartez hartzen duen dirua ez du zertan “gai humanitarioetarako” erabili. Beraz, katoliko batek ematen duen dirutik %0,7 eliza ordaintzeko den bitartean, ateoek %100 ematen dugu estatuaren gastuak ordaintzeko. Hau da, guztion artean finantzatzen dugu eliza, katolikoei zergen %0,7 “barkatzen” baitzaie, diru hori elizari ematearen truke. Errazago: Nik zerga gehiago ordaintzen dut ezein katolikok baino. Eta “errematatzeko”, estatuak elizak sistema mixerable horren truke kopuru jakin bat lortuko ez balu, kopurura iristeko dirua jartzeko konpromezua du. Epatant.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude