Roberto Moltalvillok, Informatiboetako buruak, email hotz eta zurrun baten bidez eman zien albistea ETBko gainerako kazetariei: “zenbait aldaketa egingo direla jakinarazi nahi dizuet”. Besterik ez. Eta gero kontatzen zuen nola eguerdiko eta gaueko albistegietako arduradunak ordezkatuko diztuzten Ana Azpirik eta Begoña Zubietak, Ana Ozalla-ren laguntzarekin.

Harrigarriena da kargugabetutakoekin, (Ane Miren Lizarralde, Marian Etxeberria) ez zela orain artean bilerarik egin , zer lortu nahi den, zein linea editorial hartu nahi den, alegia,  jakinarazi eta euren konplizitatea bilatzen saiatzeko.

Kargugabetzeen albistea zenbait egunkari eta hedabidetan nola kontatu den, ez da batere gustatu, antza. Iraileko datuek ere zerbait jartzen dute agerian: ETB ez dagoela sasoirik onenean. Normala kezkatuta egotea.

Esaterako,  Ester Udaondo, Informatiboetako zuzendari ordeak, beste mail bat bidali die kazetari guztiei, horretaz kexatu eta informazio horiek guztiek  “giroa txartzeko” beste helbururik ez dutela esan, eta bere karguari irmo eutsiko diola zehaztatzeko. Baina excusatio non petita, badakigu acusatio manifiesta izan ohi dela.

Itxura guztien arabera, ez da giro txoritxoaren erreinuan.