Eraso inperialistarik ez Sirian!

EEBB eta Frantzia buru direla, inguruko indar atzerakoien babesarekin (Turkia, Qatar, Saudi Arabia, Israel eta Jordania) eta estatu, nahiz instituzio kapitalista europarren laguntzarekin, eraso militarraren mehatsuen aurrean, Askapenak honakoa jakinarazi nahi luke:

Izan historikoki nahiz teorikoki, potentzia Kapitalista-Inperialistek inoiz ez dute esku hartze militarrik burutu, ez ongi izate, ez demokrazia eta ezta giza eskubideen alde ere. Inoiz ez dute egin eta inoiz ez dute egingo, hain zuzen, eurak baitira esplotazio eta zapalkuntzan oinarritzen den sistemaren onuradun nagusiak , hain justu, ustez defendatzera doazen balore justu horien guztiz aurkakoa direnak.

Inperialismoak bere behar izan eta indar korrelazioaren arabera darabiltza moldalitate desberdinak zein haietarako darabilen intentsitatea:

  • ekonomia mailan: Herrietako baliabideen lapurreta eta lan eskuaren gain esplotazio isila gauzatzen da transnazionalen bitartez.
  • maila politikoan: ezegonkortze saiakerak xantai eta presio bitartez, politikoki nahiz ideologikoki lerrokatu gabeko herrien aurka
  • maila militarrean: esku hartze militarrak zuzenean nahiz zeharka(intentsitate altu nahiz baxuko gerra inperialistak).
  • Kultura nahiz ideologia mailan: Herrien eta haien eskubideen aurkako diskurtso sistematikoa. Esku hartze humanitarioaren aldeko diskurtso zinikoa, komunikabide nagusien bitartez, gezurretan oinarrituriko propaganda makinaria izugarria lagun.

Siriako Errepublika Arabiarraren aurkako balizko erasoak ageriko helburu estrategiko bati erantzuten dio: Ekialde Hurbil Berria-ren birmoldaketari, alegia. Honela, hondamendi eta kaosaren bitartez inguruko herrien burujabetza oro ezereztatu nahi dute. Besteak beste, Inperialismoak berak esana du 2011ko irailean hain zuzen, Wesley Clark-ek (EEBB etako Jeneral ohia eta Kosoboko gudan NATO ko buru gorena) eginiko adierazpenen bitartez, zein herrialdetan leudeken datozen esku hartze militarrak: Irak, Libia, Siria, Libano, Somalia, Sudan eta Iran. Honela beraz, oraingoa, kontakizun makabro baten kapitulu berri bat litzateke.

Inperialismoak eta bere morroiek Siriaren aurka zuzenean egiteko arrazoi nagusiak honakoak lirateke: Batetik, ez dago lerrokatua sionismoaren ardatz inperialistarekin, eta Iran, Hizbula edo Palestinarekin ditu harremanak. Bestetik, gas erreserba garrantzitsuak ditu bere lurpean eta mendebalderantz gasaren garraiorako korridore estrategikoan kokatzen da Gainera, Asiako potentzien aurrean(Errusia, Txina) tokia hartzea dagokio mendebaldeari, balizko liskarrei begira. Ezin aipatu gabe utzi ordea, duela bi urte baino lehenagotik, gatazka piztu zen unetik, potentzia inperialistak eta euren aliatuak, zeharka bada ere, esku hartzen ari direla Sirian; aholkularitza, armak, mertzenarioak eta azpiegiturak eskainiz oposizioko sektore armatuko talde atzerakoienei, honela, hainbat hildako eraginez, baita kurduar lurraldean zein palestinar errefuxiatu guneetan ere.

Honela beraz, eraso inperialistaren mehatsuen aurrean Siriako herri langileari eta inguruko herri langileei egin diezaiekegun elkartasun ekarpenik onena hauxe litzateke:

Herri orok, eta beraz baita siriarrak ere, bere burujabetza eta barne arazo politikoak kanpoko esku hartzerik gabe konpontzeko duen eskubide ukaezina defendatzen dugu.

Irmoki salatzen dugu inperialismo espainiar, frantziar eta europarra bereziki, NATOren baitan egonik, ez hemen eta ezta han ere, ez baitituzte herri langileen oinarrizko eskubide kolektibo zein indibidualak errespetatzen.

Euskal Herri internazionalista eraikitze bidean gure ahalegina areagotzea dagokigu, sistema kapitalista inperialista salatuz, maila ekonomiko, politiko, militar zein paramilitarrean.

Honegatik guztiagatik dei egiten dugu mobilizazioetan parte hartzera eta kalera irtetzera eraso berri hau gera dezagun:

Eraso inperialistari ez!

Gora Siria!

askapena, Eraso, inperialista, siria

9 pentsamendu “Eraso inperialistarik ez Sirian!”-ri buruz

  • Badakit betikoen inperialismoak gorroto dituzuela (baita nik ere), eta ni ere ez nago ados betiko herrialdeen (Estatu Batuak, Erresuma Batua, Frantzia…) mutur-sartzeekin. Baina kontuz. Inperialismoen aurka izateak ez du esan nahi haien aurkari dena (honakoan Siriako Baxar eta honen laguntaldea alegia) zuzen dagoenik. Siriako gutxiengoa dago agintean orain, gehiengoaren aurka. Horrez gain, Iran eta Errusia bezalako gobernu gorrotogarriekin eta haien politikekin egiten duzue bat. Nire etsaiaren etsaia nire laguna omen dela esaten dute. Oraingoan ez baina. Erlijio-guda da hau. Xiak Sunien aurka. Ez dugu zertan muturra sartu behar haien kontuetan.

  • Zorionak Askapena.
    .
    Datu interesgarriak egoera ulertzeko.
    .
    Afganistan edo Iraken aurkako inbasioetan egin genuen bezala salaketa eta mobilizazioa bultzatu behar ditugu, haien gobernuan dagoena dagoela.
    .
    Utzi dezagun Ni-Nismoa Libiaren gainean NATOren bonbak erortzen ziren bitartean bere orrialdetan Mendebaleko gezur guztiak errepikatuz eta “Ez NATO-Ez Gadafi” esanez gure geldotasuna bilatzen zutenentzat.
    .
    Petrasek emandako datu interesgarri batzuk elkarrizketa honetan:
    .
    “EN SIRIA ESTÁ EN JUEGO UNA DECISIÓN SOBRE UNA CIVILIZACIÓN”
    .
    “…O vamos a la barbarie terrorista proocidental o hacia un resultado negociado y tal vez abriendo la perspectiva hacia una nueva democracia…”
    .
    http://www.lahaine.org/index.php?p=71425

  • Oxandabaratz 2013-09-04 13:52

    Guztiz ados I.Larrea jaunarekin… beste bahin komentario zorrotza eta zehatza.

  • Barkatu Aitor, baino ematen du inperialismoak zabaldu duen “informazio-kaka” dena inolako filtro eta kontrainformaziorik gabe irentsi duzula.
    Eman buelta pare bat asuntuari esan duzun guztia gezurra delako.
    I.Larrea guztiz ados zurekin, zorionak askapena!

    • hezbola, aitorreri ematen diozun erantzunak kiratsa dario. “Honela pentsatu behar duzu” baina argumentu bat bera ere ez.

  • Arrasaten elkarretaratzea.
    .
    “SIRIA: Askapena, Sortu, LAB, Ernai eta Gaztetxeak bilkurara dei egiten dute”
    .
    “Arrasateko Askapenak errefuxatzen ditu Estatu Batuen eta estatu europarren asmoak. Era berean, eraso inperialistaren ezkutuko arrazoiak salatzen ditu. Ostiral honetan, 19:00etan, Herriko plazan. ”
    .
    http://www.mondraberri.com/mondraberri/contenidos.item.action?id=2411055&menuId=5704599&onlypath=true

  • “EHUN BAT LAGUNEK SALATU DUTE ARRASATEN INPERIALISMOEN ERASO MILITARRA”
    .
    “Gaur, hilak 6 ostirala, ehun bat lagun bildu dira Arrasateko Herriko Plazan Siriak pairatzen duen eraso militarraren mehatxua eta interbentzio inperialistak salatzeko.”
    .
    http://askapena.org/eu/content/ehun-bat-lagunek-salatu-dute-arrasaten-inperialismoen-eraso-militarra

  • Hain urrutira joan behar al gara? Damascon, Nabar Estatu okupatuaren alde berririk ez?

  • ERASO INPERIALISTAREN AURKAKO KONZENTRAZIOAK BILBON ETA IRUNEN ASTEAZKEN ETA OSTIRALEAN.
    .

    Hilaren (Iraila) 11, asteazkenarekin 19:00etan Bilboko Plaza Biribilean (BBVA-ren aurrean) izango da lehenengo hitzordua Askapena, Komite Internazionalistak, Kakitzat eta MOC-ek deituta.
    .

    Hilaren 14, ostiralarekin eta 20:30etan, Irungo San Juan Plazan izango da eskualdeko deialdia.
    .

    http://askapena.org/eu/content/eraso-inperialistaren-aurkako-konzentrazioak-bilbon-eta-irunen-asteazken-eta-ostiralean

Utzi erantzuna

Zure e-posta helbidea ez da argitaratuko. Beharrezko eremuak * markatuta daude