EPPK euskal preso politikoen kolektiboak komunikatu bat argitaratu berri du, hautsak harrotuz nola Euskal Herrian, hala Espainian barrena. Hemen duzue albistea Espainiako hedabideen betaurrekoetatik begiratuta, eta EPPKren adierazpena osorik. Beste aldebakarreko pausu bat, aldebakarreko bake prozesuan.

Albistea Espainiar Estatuko komunikabideetan:

• El Mundo: EPPK: “Eragindako mina onartzen dugu”
• El País: EPPK-k eragindako mina onartu du
• La Razón: ETAko presoek eragindako mina onartu dute
• Público: ETAko presoen kolektiboak bere gain hartzen du egindakoren gaineko “ardura”

Deigarria da hain juxtu gaurtxe AVTk Euskal Herrian zehar bira egin izana “memoria” eskatuz. Bai komatxoekin, La Razonek argitaratu bezalaxe. Hedabide guztiek EPPK-ko komunikatuaren albistearekin batera dakarte biktimen elkarte espainiarraren tourraren inguruko notizia.

Berria TB bidez ikusteko klikatu hemen.

“Gure etxeratzea gauzatzeko, prozesu hori egitasmo orokor baten baitan, modu mailakatuan, konpromiso indibidualarekin eta denbora zuhur batean ere garatua izan dadin aztertu eta jorratzeko prestasuna dugu”.

“Gure jarduera politikoaren ondorioz gatazka politikoan izandako ondorioekiko erantzukizun osoa onartzen dugu. Gutako bakoitzaren erantzukizuna aztertzeko ere prestasuna badugu”.

EPPK: “Ontzat eman dezakegu gure etxeratze prozesua lege-baliabideak erabiliz gauzatzea”