Eitb.com-ek blogariak gonbidatu ditu hauteskunde gauerako

Euskal Irrati Telebistako webguneak, eitb.com-ek, hauteskunde gauerako gonbidapena luzatu nahi die Zuzeu orainkariaren bidez euskal blogariei, berriro ere, gau berezi hori elkarrekin pasatzeko.

Hitzordua aurreko hauteskunde autonomikoak zirela eta egin zen lehenengoz, duela hiru urte pasatxo; baita ondoren udal eta foru hauteskundeak eta 2011ko Hauteskunde Orokorrak elkarrekin igarotzeko ere.
Zita bakoitzean gero eta blogari gehiago bildu da: Dozena bat lehen aldian, hogeitik gora bigarrenean eta 30 hirugarrenean. Gonbidapen hau interesatuta dagoen pertsona orori bidaltzeko askatasun osoa duzuela jakinarazi dute.
Bertaratzeko asmoa baduzu, Lontzo Sainz eitb.comeko kidearekin harremanetan jarri eta zure datuak bidali helbide honetara: sainz_lontzo@eitb.com. Twiterreko erabiltzailea ere utzi beharko duzu.
Urriaren 21ean, 19:00etan EITBko Bilboko egoitzaren atean elkartuko dira bertaratutakoak..
blogariak, eitb, eitb.com, hauteskundeak, u21
ZuZeu

ZuZeuko erredakzioko kazetariak eta editoreak gara.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude