E eguna egutegian kokatzeko ahalegin bat

Pastorrentzat baikorregia da Egigurenek Batasunaz duen iritzia, baina Aizarnan jaiotako PSEko buruak La Sextan iragarri zuenez, urtea amaitu baino lehen ETAk adierazpen berri bat egingo du.

Urtea amaitzeko hiru aste besterik ez dira falta.

Egigurenen iragarpenak egia balira, denboraz urri dabil urtea amaitu baino lehen adierazpena egin nahi duena. Orain artean ia ohituraz egin izan duen bezala, asteburuan egingo du? Asteburuan iragarri nahi badu, bi asteburu geratzen zaizkio eskas. Datorren hau, abenduaren 18-19koa eta, hurrengoa, abenduaren 25-26koa. Prentsa idatziaren bidez egin nahi badu, gogoratu, abenduaren 25ean ez dela egunkaririk izaten.

Urrutikoetxeak atzoko zutabean honakoa zioen: “beste aldean, azken urrats bat gehiago ere komeniko litzateke. Aldebakarreko prozesuari ekin dio ezker abertzaleak, eta argi dago kalterako dela horrelakoetan epeak jartzen eta iragarpenak egiten hastea. Baina onartuko didazue umekeria puntua ere baduela egin beharreko urratsak atzeratzea, norbaitek egin beharrekoa iragarri duelako. Egitear zeunden, baina Urliak hori egitea eskatu dizunez, oraingoz ez egitea erabakitzen duzu. Eta gauzak doazenetan, baliteke hau idatzitakoaren gaurtik biharrera zentzurik gabe geratzea berbak.”

Egigurenek egindako iragarpena betetzeko hiru aste falta dira. Edo-eta hura zapuzteko atzeratuko da balizko adierazpena?

Estrategia eta komunikazio arrazoiak egongo dira alde batetik, baina jendearen pazientzia eta legeztapenerako denborak ere kontuan hartzekoak dira, eta Urtzik aipatu bezala, horiek alde baten aurka doaz.

 

NDAzMg==

Irudia | Urtea amaitu baino lehen? | Busturialdea | LGPL
adierazpena, e eguna, politika

5 pentsamendu “E eguna egutegian kokatzeko ahalegin bat”-ri buruz

Utzi erantzuna

Zure e-posta helbidea ez da argitaratuko. Beharrezko eremuak * markatuta daude