Covid pasaportea, apartheid, NAN europarra, diru digitala, kontrola eta esklabotza?

Covid pasaportea, apartheid, NAN europarra, diru digitala, kontrola eta esklabotza? – 

Covid pasaportea, apartheid, NAN europarra, diru digitala, kontrola eta esklabotza?

Joan den 2022ko otsailaren 5ean, Iñigo Urkullu buru zuen Eusko Jaurlaritzak indarrik gabe utzi zuen Europako apartheid pasaportea aurkezteko betebeharra, jarduera asko egiteko, eta bere asmoa otsailaren 13ra arte luzatzea bazen ere — oraingoz —, EAEko Justizia Auzitegi Nagusiak ez zien horretarako baimenik eman. Nabarran aste honetan kendu dute baina Iparraldean eta herrialde batzuetan indarrean jarraitzen du oraindik.

Atzerapauso horretan, zalantzarik gabe, eragina izan du herritarrak kontrol eta diskriminazio-neurri horren aurka agertu izanak. Protesta, elkarretaratze eta manifestazio ugari egin dira inposaketa horren aurka, besteak beste, Bizitza Plataformak Donostian abenduaren 18an eta Bilbon urtarrilaren 22an deitutakoak. Horietan milaka pertsonek bereizketaren, kontrolaren eta diskriminazioaren aurka egin zuten. Era berean, eskerrak eman behar zaizkie ez eskatzea erabaki duten saltoki ugariei eta erabaki hori bera hartu duten udalei. Eskerrik asko. Beraz, herri honen garaipentzat har daiteke.

Baina, era berean, ez ditugu ahaztuko jendea zatitzeko eta, batez ere, sendagai genetiko esperimental hau inokulatzera behartzeko neurria zela jakinda ere, pasaportea aplikatu duten udal guztiak: jendea kiroldegietatik ateratzeko poliziak bidaltzera ausartu diren udalak, milaka eta milaka lagun kirolik gabe, liburutegirik gabe…. utzi dituzten udalak.

Gainera, gogorarazi behar dugu inokulazio horien eraginkortasuna (ez dira txertoak) ez dela hutsaren hurrengoa, baizik eta oso negatiboa izan dela. Izan ere, covid-gatik kutsatu, ospitaleratu, ZIUko ingresu eta hildako gehiago egon direlako 2021ean 2020an baino. Kontuan izan behar da lehen beste edozein gaixotasunengatik hiltzen ziren pazienteak covid gisa zenbatzen zirela eta orain ez. Gainera, beste heriotza batzuk ere izan dira, batez ere miokarditisekin, bihotzekoekin eta abarrekin lotutakoak. Alemanian, adibidez, 700 pertsona gehiago hil dira egunero 2021ean inokulazioen ondoren, 2020an inokulaziorik gabe baino.

Agerian geratu da ez dela gai sanitarioa. Urkulluri pasaportea eremu gehiagotara zabaltzea ukatu zionean auzitegiak, Eusko Jaurlaritzak pasaportea kendu zuen indarrean zegoen sektoreetan, hau da, gaueko aisialdian eta 50 lagunetik gorako jatetxeetan. Benetan uste izango balu osasun egoerak hala eskatzen zuela, zergatik baliogabetu du baimenduta zegoena? Normala al da auzitegiari esatea ezinbestekoa dela zabaltzea eta handik egun batzuetara sektore guztietan kentzea? Nola alda daiteke hain arin iritziz?

Baina ez genuke gehiegizko euforia izan behar. Atzerapauso bat eman dute, bai, baina ezerk ez digu pentsarazten beren planei uko egiteko prest daudenik. Teknologia bat eta lege esparru bat sortu dira, egoki ikusten dutenean berriro martxan jarri ahal izateko.

Pasaportea agian ez da aldi baterako gauza bat eta bere helburua ez da soilik herritarrak presionatzea inor erantzule egiten ez den sendagai bat ziztatzea onar dezaten. Eta gainera orain arte 30.000 hildako baino gehiago eragin ditu, horien artean 17 urtetik beherako 190 eta bizi osorako milaka eta milaka kaltetu. Pasaportea Munduko Ekonomia Foroak edo Davoseko Foroak sortu du eta gobernuen esku jarri dute, biztanleria kontrolatzeko tresna gisa erabil dezaten. Kontrol hori gero eta handiagoa izango dela aurreikusten da, erabatekoa izatera iritsi arte. Davoseko Foroa munduko aberatsenen kluba da, eta, dirudienez, aberastasunak gizaki guztien etorkizuna erabakitzeko eskubidea ematen die. Gogora dezagun 2030erako egindako iragarpenak, Aukenek idatzitako artikuluan laburbiltzen zituela: “Ez dut ezer, ez dut pribatutasunik eta zoriontsu naiz.Adarra jo nahi guri?

Apartheid pasaportea gero eta gauza gehiagotarako ezarri nahi dute, hala nola erosteko, medikuarengana joateko, inokulazioak gorputzean sartu dituzun kontrolatzeko, maskara jartzen duzun ala ez, sare sozialetan bertsio ofizialen aurkako iritzia eman duzun, arau guztiak zorrotz betetzen dituzun (zentzua izan ala ez)… Horren adibidea Txinan aurkitzen dugu: Gizarte Kredituarekin 20.000.000 txinatar baino gehiagok ezin duten garraio publikoan bidaiatu, “nahiko punturik” ez dituztelako.

Gure bizitzak kontrolatzea erraza da; izan ere, 5G ezarrita, aurpegia ezagutzeko kamerak nonahi, errepideetan igarotzen diren auto guztien matrikulak grabatzen dituzten kamerak, ehunka satelite gure zelatan zerutik, droneak, telefono mugikorren kontrola, Interneteko jardueraren monitorizazio zehatza, txertoak, MK-Ultra programak… edota adimen artifizialaren garapena baliatuz, informazioa aztertzeko gaitasuna biderkatzen da, giza burmuinak baino milioika aldiz azkarrago eginez horrelako prozesuak.

Horixe da pasaportearen helburua: “ez duzu eskubiderik, baimenak baino ez dituzu”. Horregatik ez dute desagertzea nahiko. Saiatuko dira izen horrekin edo beste batekin itzul dadin. Dagoeneko aurreikusita dagoen urrats da“Europako Nortasun Agiria“ da”: EBk ezarri nahi duen nortasun agiria, pertsonari buruzko informazio zehatza eta kontu korronteari lotua duen txip batekin.

Gainera, eskudirua desagerrarazi nahi dute eta diru digitala bakarrik utzi. Horrela, erosten dugun guztiaren kontrola lortuko lukete: zer, non, noiz, nori… eta txorrota itxi ahal izango digute hala iruditzen zaienean. Eskudiruak, anonimoa denez eta etxean gorde daitekeenez, askatasun bat ematen digu, eta jauntxuek ez dute hori gustoko.

Beste helburu bat “karbono aztarna” deritzotena kontrolatzea da. Handikien iritziz arnasa hartzeagatik, jateagatik, bizitzeagatik, CO2 sortzen dugu eta euren planeta zikintzen ari gara eta hori txarra denez muga bat jarri nahiko digute. Uzten badiegu, laster xerra pare bat erosi eta ez digute ordaintzen utziko, eta mezu bat jasoko dugu: “Zuk jada kontsumitu duzu hilabete honetan baimenduta zenuen haragi guztia”. Edo autoa geldituko digute urrutiko kontrolez, baimendu beste gidatu dugulako.

Jendeak jakingo balu pasaportearen erabilerak ze helburu duen, aurkako jarrera zabaldu litzateke. Herriaren presioak atzerapauso bat emanarazi die eta herria jakitun bada ezingo dute euren planak gauzatu. Horregatik, ahalik eta jende gehiagori informazioa eman behar diogu. Ez gaituzte inongo kartzelatan sartuko engainuekin eta ezjakintasunagatik.

Zorionak, borroka bat irabazi dugu, baina gogor jarraitu behar dugu.

 

Erreferentziak:

No tienes nada y eres feliz: https://www.proyectum.com/sistema/blog/bienvenido-al-2030-no-tengo-nada-no-tengo-privacidad-y-la-vida-nunca-ha-sido-mejor/

 

DNI europeo: https://www.dnielectronico.es/PDFs/DNI_4.0.pdf

 

Gora bihotzak, gora bizitza!

Bizitza Plataforma
2022.02.16

Bizitza Plataforma osasunaren eta askatasunaren alde lan egiten dugun 32 talde eta elkartez osatuta dago, herri mailan eta sektore mailan.

6 pentsamendu “Covid pasaportea, apartheid, NAN europarra, diru digitala, kontrola eta esklabotza?”-ri buruz

  • josu naberan 2022-02-17 13:46

    ELITEAK zer nahi duen eta zer EZ, argi zegok, 2030eko AGENDAn

    Argi ez dagoena da, euskal herritarron jarrera, horri guztiari aurre egin ahal izateko.

    Orain bertoko jarrera, hemengo nahiz hango jendartearena, jarrera sumisoa eta obedientziakoa duk.

    Hau da, jendarte KOLONIZATUAREN JARRERA SUMISOA.

    Horretan lan itzela egin behar izan du Eliteak, esperimentu mundial bat jendea domestikatzeko, bezatzeko. Eta arrakasta izan zitek. mundu mailako arrakasta! Ostia!
    Gure jendartearen buruko garun-jana lortu baitute.

    Orain zeharo kolonizatu ditek populazioa oro har: orain, jada, EGIA GEZURTZET JOTZEN DIAGU,
    eta GEZURRA EGIATZAT.

    Adibidez, Eliteak ezarri dituen dogmak eta bertsio bakarrak (zentsura zorrotzari eta hedabide mertzenarioen laguntza “estimagarriari” esker) EGIAZKOTZAT jotzen ditiagu, eta horien kontrako mezu kritikoak, GEZUR NEGAZIONISTATZAT!

    Eta, gaur NAIZen Gotzon Fontanedak Iruña-Veleari buruz dioena GEZURTZAT edo BDAEZPADAJOTZAT jotzen diagu, eta, ostera, Iruña.Veliako euskal ondare monumentala bulldozerrarekin suntsitu zutenen GEZUR POLITIKO/EKONOMIKO/VATICANISTA, aitzitk, EGIATZAT hartzen diagu, EHUkoek, hedabide mertzenarioek edota isilik geratu den Euskaltzaidiak hala diotelako! Eta hortik gure herriaren porrot kulturala!

    Eta EGIATZAT hartzen diagu Gasteizko “Biktimarium” instituzional tranpatia, instituzionala delako-edo, eta ostera GEZURTZAT edo PARTIDISTATZAT Sare eta hauen EGIA;

    Eta EGIATZAT “Maixabel” bezalako bertsio espainolista tranpatiak, hunkiagarria omen delako-edo, eta, aitzitik, GEZURTZAT edo HANPATUTZAT, ordea, ETA desagertu eta handik hamar urtetara, oraindik injustuki preso daudenen herriratzearen alde borrokan dihardutenen EGIA.

    Tira, honek guztia horixe besterik ez duk erakusten argi eta garbiro: gure jendarte euskotarra zeharo kolonizatuta dagoela, ez solik kanpoko erasoagatik (Epaile-Obispo edota Obispo-Epaileena eta abar) baizik eta barru-barrutik eta barn-benetik KOLONIZATUTA, bertoko instituzio prbatu nahiz PUBLIKOEN eskutik. Hau lotsaria eta miseria!

  • Alpargatero 2022-02-17 13:57

    Eskerrik asko, Bizitza. Segi bizkor borrokan!

  • Naberan,

    Nire herria edota aberria baliz (ez baita), çuc aurkezten ohi deraucuçun panorama triste, hits, prejurasico eta desoladore hori, aspalditic ene vicitza amaitua liçate.
    Jaincoei esquer, çu eta bioc ez gara ez herquide ez eta aberquide ere. Eta ez gara seculan içanen.

    Gora Euscal Naffarroa!!!

  • josu naberan 2022-02-20 08:44

    Lavin jaun ahaltsu hori

    Badarraikik ekinean heure txotxolokeriekin,

    nik ez diat parorama hits, “triste eta desoladorea” aurkezten, aizak.

    Soil-soilik duk egoeraren analisia ezinbestekoa dela, zelan jokatu jakin ahal izateko.

    Ziur hik badaukaala prposapenik.

    Bada, jar itzak mahai gainean, motel!

  • Bizitza:

    Utzi gezurrak zabaltzeari.

    Utzi gauzak nahasteari.

    Utzi Trumpismoaren (eta gainontzeko mundu mailako eskuin muturren) mezuak zabaltzeari.

    Ez da kasualitatea, mundu mailan leku ezberdinetan batera aldarrikapen berdinak azaltzea.

    Eta ez da kasualitatea, leku guztietan erabiltzen dituzten argudio berdinen atzean ultra eskuina agertzea.

  • Bizitza: zuek ere Putin, LePen edo Abascalen diruen zain? https://youtu.be/yo5LVLA-Omw

Utzi erantzuna

Zure e-posta helbidea ez da argitaratuko. Beharrezko eremuak * markatuta daude