Bilboko haur zuriek ez dute ume beltzekin jolastu nahi (bideoa)

Bilboko haur zuriek ez dute ume beltzekin jolastu nahi (bideoa) –

Bilboko Prim Kaleko haur parkean (Begoña) grabatutako bideoa bolo-bolo dabil sare sozialetan, erakutsiz nola haur txiki batzuek beste baten aurka egiten duten desberdina –beltza– delako. Apirilean hedatu zen bideoa, ama-semeak, jatorri afrikarrekoak, haur parkera hurbiltzen dira eta txirristara igo nahi duenean gainontzeko umeek bidea oztopatzen diote, baita batek itxuraz jo ere. Ama bat hurbiltzen da bere semeak jarrera bertan behera utz dezan, are txirristatik izkin egiten dio. Jakina da haurren krudelkeria –nagusien bistara– ohiko gauza dela, baina geroko eszenan argiago gelditzen da zer asmo makur darabilten sei-zazpi urte izango dituzten ume bilbotarrek.

Txirristan ezin ibili dela ikusita, amak zinbili-zanbala moduko batera darama semea… haur baztertzaileak begira dituen bitartean: “¡Tú no eres blanco”, egozten dio neskatxa batek. Maltzurkeria handiagoa prestatzen ari dira, zer eta umearengana hurbildu eta haren ilea ukitzea… ezagun dugu zuriok beltzen ile kizkurrarekiko dugun miresmena batzuetan nola bihurtzen den ekintza umiliagarria.

Amak, haserre baina duin, eskutik heldu ume harritua eta parketik badarama. Zirkinik ez dute egin inguruan dauden nagusiek –haur baztertzaileen gurasoak?– are gutxiago amari barkamena eskatu.

Haurre heziketari buruz zer pentsatu emateko moduko bideoa da, Bilboko Prim kaleko parkean grabatutakoa.

Bilboko haur zuriek ez dute ume beltzekin jolastu nahi (bideoa)
arrazismoa, Bilbo, gizartea, gurasoak, haurrak, hezkuntza, parkea

16 pentsamendu “Bilboko haur zuriek ez dute ume beltzekin jolastu nahi (bideoa)”-ri buruz

  • “Bilboko haur zuriek” tituloan erabili izana, generalizazioa da. Kontutan izan ondorengo postetarako horrelakoekin.
    Esan liteke Bilborekin egiten dela beti “cliche” hori.
    Beste umerik ere badago Bilbon, ez denok poltsa berean sartu.
    Merci. Ta hurrengorarte.

  • Latzak irudiak. Jasanezina haur baztertzaile horien jarrera pasiboa.
    Arrazakeria giza talde guztietan dago baina.

  • Parketan beste haurrekin jolastu nahi ez duten haur asko daude, ez da arrazakeria kontua. Edonork izan daiteke haur agintzaileen biktima: haientzako ezaguna ez den umea, haiek baino txikiagoa diren umeak…

    Baina tira, neskato horien gurasoek ez dute egoera honen aurrean ezer egin eta hori gaitzesgarria da.

  • Juan Inazio Hartsuaga
    Juan Inazio Hartsuaga 2018-04-07 22:44

    Arrazakeriaren biktima moduan agertzen diren batzuen artean badira arrazista makurrak franko. Behin baino gehiagotan ikusita nago eta ez dakit ba oraingoan ere horrelako zerbait ez ote dagoen.

  • euskaldun bat 2018-04-09 11:55

    Iruzkinak ezabatu dituzte!

    • ZuZeu

      Ez, zurea bakarrik. Librea zara nahi duzuna esateko, baina iseka edota mehatxuentzat ez dago tokirik. Iruzkinari erantzunak ez ditu bistaratzen wordpressak eta horrexegatik dago gutxiago.

      • euskaldun bat 2018-04-09 13:17

        Nirea, “Sugaar” izeneko batena eta “Jon” izeneko batena ezabatu dituzue. Horrez gain, mezu kopuruaren kontagailua eta gero benetan dagoen mezu kopurua ez datoz bat. Datu horrekin soilik jakin daiteke zenbat mezu ezabatu dituzuen.

      • Oso ondo iruditzen zait, baina ea kasu guztietan aplikatzen duzuen neurri bertsua. Badira irainka aritu izan direnak inongo ondoriorik gabe.

    • Garbi dago hedabide honetan zurea bezalako iritzi arrazistak ez direla onargarriak

  • Beñat Hach Embarek, Zuzeuren gidaritza hartu berria duzula, arren eskatzen dizut, adierazpen askatasunaren izenean, ez ezabatzeko mezurik.
    Urteak dira Zuzeu irakurtzen dudala, eta badakit nahiz eta mezu askorekin ados ez egon, ez dela mehatxurik izaten (horrela balitz, ez izan dudarik epaitegietara joateko salatzera). Baina kazetariaren lana ez da inondik inora zentsuradorearena.

    Arren, ez ezazu Zuzeu izorratu.

    • euskaldun bat 2018-04-09 18:00

      Euskalduna, euskalduna salatzen epaitegian?! Euskal komunikabide guztiak ondo monitorizatuta edukiko dituzte kolonoek, ez iezaiezu lana erraztu Jainkoagatik! Oraindik entzun beharko ditugunak… nor garen ere ez dakigu jada!

Utzi erantzuna

Zure e-posta helbidea ez da argitaratuko. Beharrezko eremuak * markatuta daude