Bi aukera daude: Nafarroa bai ala Nafarroa ez

MTc3Mg==

Atzo Públicok argitaratzen zuen Nafarroa pendiente dagoela NaBai-ren etorkizunaz. Hala da, eztabaidaren, kezken, bai alde bateko zein bestekoen, erdigunean baitago alderdia. Aldaketaren sinbolo bihurtu da koalizioa, eta hedabideetan pisua irabazi du aukera serio bezala. PSNren zurikeriak ikusita, UPNrekin eskutik helduta, boz ugari irabaz ditzake Zabaletak; eta PPren sorrerarekin batera, boz horiek kruzialak izan daitezke Nafarroan lehen indarra izate aldera. Zalantzak dira nagusi ordea, zalantzak eta interes propioak.

Denek ozen diote apustu printzipal eta estrategikotzat dutela NaBai koalizioa, baina, barrenean liskarra nabari da, eta badirudi bakoitzak bere zilborrari soilik diola begiratzen. Nafar askoren ilusioa egun batetik bestera ezerezean gera daiteke UPN eta PSNren onurarako. Zabaletak hainbeste alditan aipatu duen aukera historikoa pikutara joan daiteke, eta batek daki berriz halako egoerarik errepikatuko den. Alderdikeriak alboratzea dagokie guztiei, herri baten hobe beharrez, euskaragatik, haien izate arrazoi guztiengatik… ez dezatela alperrik galdu aukera.

Irudia | Patxi Zabaleta | x | Creative Commons By SA
Aralar, EA, nabai, Patxi zabaleta

Bandorik gabeko gerrak ditut maite

Zer duzu buruan “Bi aukera daude: Nafarroa bai ala Nafarroa ez”-ri buruz

  • Nafarroa Bai ala Nafarroa Ez?

    Nafarroatik kanpo ari banaiz ere, aukera gehiago daudela esango nuke.

    Zabaletaren “aukera historikoa” aurreko hauteskundeen ondoren pikutaratu zen.

    Baietz esateko modu asko daude, bakoitzak aukeratu beharko du berea. Niri oso bitxia egiten zait Nafarroa Baik bai esateko dituen modu batzuk, baina tira…

Utzi erantzuna

Zure e-posta helbidea ez da argitaratuko. Beharrezko eremuak * markatuta daude