ARRANTZA SEKTOREA – Etengabeko galera ontziterian eta eskifaian

Euskal Herriko arrantza sektorea2004az geroztik, 173 itsasontzi eta 1.101 lanpostu galdu dira euskal kostan

Egun, 369 ontzik dihardute lanbide-arrantzan euskal kostalde osoan gaiaren inguruko azken datuen arabera (2012). Hauetatik guztietatik 273 baxurako arrantzakoak dira (%74), 70 alturakoak (%19) eta 26 altura handikoak (%7). Euskal arrantza ontziterian, guztira, 3.050 pertsonek lan egiten dute.

Azterketa epea azken zortzi urteak izanik (2004/12) kaltetuen izan den arrantza mota, ontziteriari dagokionean, baxurakoa izan da (-118 itsasontzi; -%30,2). Altura handiko arrantzak (atunontzi izoztaileak eta arraste-ontzi izoztaileak) ez du aldaketarik izan itsasontzi kopuruetan, guztira 26 dira (horietatik 23 Bermeon matrikulatuta), eta 600 pertsonari lana ematen die euskal kostetatik milaka kilometrotara.

Elantxobe bezalako portuetan azken hamarkadan ontziteri osoa galdu da eta beste batzuk bide beretik doazela dirudi. Arrantza ontziteri handienak dituzten portuak dira Bermeo (baxurako 40 itsasontzi eta 26 alturako), Hondarribia (baxurako 29), Getaria (baxurako 25) eta Pasaia (baxurako 15 eta alturako 5) , 2011ko datuen arabera. Bestalde, Ziburu-Donibane Lohitzuneko kofradian 142 itsasontzi daude izena emanda, hauek guztiak, Lapurdiko kostaldean banatuta, 2012ko datuei so. Horietatik 94 baxurako arrantzan dabiltza (%66,2), 46 alturako arrantzara (%32,4) eta 2 altura handiko arrantzan (%1,4).

Irakurri txosten osoa hemen.

ARRANTZA SEKTOREA
arrantza, arrantza sektorea, Euskal Herriko arrantza, Gaindegia, lehenengo sektorea

Utzi erantzuna

Zure e-posta helbidea ez da argitaratuko. Beharrezko eremuak * markatuta daude