Selektibitatearen defizita

Neska batek hamalau urterekin hilekoa estrenatzea bezalakoa, edo pitilinean lehen ileak ateratzen ikustea bezalakoa da selektibitatea… 17 urterekin ia denok pasa beharreko ez beharra. Urte guztikolanak ez du balio, selektibitatea ez bada gainditzen. Alperri(kaka)koa.Gaur izan da nere estrenoa. A ze xarma eduki duen, UPV/EHUren zigilua zuten kartulina horiek jasotzean. Momentu batez ez dut pentsatu zenbat zuhaitz bota behar izan dituzten, berau egiteko (aurrekoan bezala, Mundo deportivo bat zakarrontzi arruntera bota nuenean) eta urduritasunez bor-borka han hasi naiz idazten, axota alde batera eta bestera eskua nekatuaz, hiru ordu luzez. Gaztelera eta Historia egin ditut, momentu historikoa! Bihar Kimika, Biologia eta Matematikako azterketak egin beharko ditut. Ondo egin ezkero matematikoki selektibitatea gaindituta, zeren ehuneko batak bakarrik suspenditzen du…

Astelehena da egunik errazena, egun lasaiena… Euskara eta Ingelesa baititut. Euskarako esamina seguruenik Idaho-ko unibertsitatean euskara ematen dutenena baino errazagoa dela… Azeria, zakurraren familiako ugaztun haragijalea dela abisatzen baitigute, dudak argitzeko. Eta ingelesa euskara baino zailagoa dela esatearekin nahikoa da.

Selektibitatea? Zertarako?

O.Arantzabal

Oier Aranzabal

ZuZeuko erredakzioko koordinatzailea. Ekaitza bainuontzi batean.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude