NERE ZORITXARRAK DOAZ AMETSEKIN BATERA
Doinua: Nere zoritxarrak doaz…
Nere zoritxarrak doaz
ametsekin batera.(bis)
inork merezi ez duen
amaiera batera.
Ezin egin atzera,
amore ematera,
noizpait iritsiko al naiz
neroni izatera.(bis)
Neroni izate horrek
preziorik ba al du,(bis)
zeren oraindik ez det nahi
nere arima saldu,
begi biak itzaldu,
deabruen esklabu,
milla urtetako guda
bi egunetan galdu.(bis)
Milla urtetako gudak
bere fritua dakar(bis)
Odol asko isuri da
urte hoietan zehar
borrokan su eta gar,
ez al da sufritu lar,
fruitu txiki baten truke
milla urte ezbehar.(bis)
Fruitu horren beharra det
neroni izateko(bis)
urte askotako miƱa
nolabait ahazteko.
Emaitza onartzeko,
bakea izateko
Zazpi bizi, zazpi amets
herri bat bitarteko
irri bat ernaldu dadin
zoritxar bakoitzeko.
O.Arantzabal