Mundua eromenak hartua

Mundua eromenak hartua –

Hasteko, Ipar Amerikarren hatzaparretatik askatu den Afganistan bedeinkatuan agertu berri da Zazpigarren Zalduna, beti bertan egon den talibana. Hor dakusagu hedabideetan, hatz erakuslea gorantz jasota, Mahoma profetarentzat estrainio zatekeen Alah baten izenean.

Mundua eromenak hartua

Bien bitartean, planeta honek bere ardatzean biraka darrai, jada badakigu zehazki norantz, klima aldaketarantz eta abar. Eta horren aurrean, mundu osoko agintariak (geuk hautatuak?) “itsu, zor eta gor”, Joxe Iriartek dioen bezala, beren egitekoak egiteke eta hartu beharreko neurriak hartzeke; aitzitik, etengabeko “desarroilismo jasanezinean” tematuta.

Ezin ahaztu Brueghel Zaharrak margotu zuen eszena hura, non itsuen errenkada bat dakusagun, gidari itsu baten eskutik, denak noraezean. Hor goaz ilaran, populu, komunikabide nahiz agintari, “zazpi izurriteen” plaga pandemikoaren zergatiaz galdetu gabe, noraezean.

Izan ere, jendeak “zazpi plagen” izaerari buruz galdetzea ez baitzaio komeni, inolaz ere, hura sortu duenari: hots, “kapitalzenoa” (Bikila dixit) delako Aroan agintzen duen sistema suntsitzaileari, huraxe baita, egiatan, gure planetako bizidun oro pandemiara eta apokalipsiara daramana.

Katarra hor dago, guztion begien bistan. Adibidez, elektrizitatearen prezioa nahiera igotzen duen Iberdrola; eta ahalara gabiltzan jendea, dorre-goieneko lapur gorbatadunen erabaki deliktibo hori fenomeno natural ekidinezintzat hartzen dugula.

Eta hortxe gainontzeko katarrak, botere eta lur-gose den Petronor, zeinek “energia berdearen” izenean mendi tontorrak haizegailuz eta lur-azalerak eguzki panelez okupatzen dihardutenak. Energia Berdea aitzaki, bai horixe, egungo kapitalismo-ereduak diseinaturiko plan zehatz bat medio: “ekonomia reseteatzea”. Esan nahi baita, enpresa txiki eta ertainak suntsitzea eta horien kapitala/boterea korporazio handien eskuetara pasatzea.

“Zer egin?”, zioen Leninek. Zeinek jarri txilina kapitalismoaren katarrari, genioen. Populua ez baikara horretarako gai; deitu ere ez digu deitzen, ganoraz, Europako esker antolatuak. Izan ere, Kapitalismoari aurre egitea (ekintzaz, ez berba soilez) anti-popularra da gaur egun; ez du ematen botorik, kendu baizik.

Hala da, sistema kapitalistaren katarra geure barruan ere hortxe baitatza, zeharo daukagulako barneratua egungo euskal gizartean ere, nahiz eta “burujabetza eta independentzia” aldarrikatu.

Azkenez, ezin utzi aipatu gabe gure eguneroko pandemia plandemiko honetan, sasi-txertoei buruzko balorazioa. Nazioarteko zientzialariek arraposturik gabe eta populazioa kezkatuta dagoen honetan, Bloomberg adituak dioenez, hemengo hedabide salduenek (Cf. El País, 22/8/2021) “txertoen arrakastaz” predikatzen darraite. Zeini sinetsi?

Adibidez, Israelen kasua plazaratu da egunotan. Populazio osoa txertatua eta ustez inmunizatua zegoelarik, uste ustela. Halako txerto gehiago behar omen da. Israel, onerako nahiz gaizkirako berezia (herri hautatua), euri gehiago eskatzen ari da, urez ase eta blai dagoen zoruan. Laikoagoa zela uste nuen, hots, dogmari hain fede irmoz atxikitzeko baino laikoagoa. Hemen eta munduan ere, populua oro har fededun. Balizko Covid-19 birus fantasma horrekiko fededun irmo.

“Zer diok -erranen du baten batek-, Eroak hartuta ala?” Eta baluke arrazoi pixkat. Zer nabil ni, oinezko hau, egiazko apokalipsi baten sasi-profetarena egiten? Baina oraingoz inurri-memoria urria baino gehixeago daukagunok gogoan dugu nola sortu zuten Covid-19 delako “birus berri” hau, inongo laborategitan isolatu ez dutena.

“Gezurra -ihardetsiko lehengoak- CDC-k isolatu du eta!”

Zer esango dizu ba CDC (Center Disease Comp.) horrek, berau izan baitzen Covid-19sortu zuena, Wuhango antzokian, 2019ko urte hondarrean? Gogoratzen saguzarren istorioa Wuhango merkatuan? Bada, CDC iparramerikar horrexek sartu zuen eskua laborategi ospetsu hartan, birologo txinatar erosi baten kolaborazioarekin. Handik gutxira, birologo hori hilda edo erailda aurkitu zuten, tamalez.

Eta haginak aski berdinduta ditugunez, ez zaigu ahaztu, ezta ere, mundu osoa aztoratu zuen “pandemia alarma” ahaztezin hura zelan eta zeintzuek aldarrikatu zuten bapatean, hots, OMS (Osasunaren Mundu Erakundeak), Farmazeutika Konpainiak (aurrekoarekin estuki lotua betiere), eta Davos herrian, 2019 hondarrean, bildu zen Mundu mailako Ekonomia Foroaren Gailurrak. Bide batez, daten eta datuen memoriak hari mutur batzuk elkarlotzen lagun dezake.

Bada, “pandemia alarma” hura ilegala izan zen, hau da, pandemiaren aldarri-legearen kontrakoa, nahiz eta aipatu aldarrigile  haiek astebete aurrerago legea aldatu zuten euren komenientziara (ordurako erdi prest baitzeuzkaten euren txertoak eta).

“Berria” egunkariak (Berria, 2021/8/25) Juanjo Alvarez jauna, Zuzenbidean aditua, elkarrizketatu du, argi azaltzen duelarik erabaki hartaz geroztiko nahasmendua eta eromena Zuzentzaren eta epaileen eremuan. Ez ei zekiten zer egin, eta Estatu bakoitzean era desberdinez jokatu zuten.

Izan ere, giza eskubideak larriki murrizten zituen ilegalkeria harekin egin zuten topo, eta ilegaltasun hura arau bihurtu zen mundu mailan. Horrek esan nahi du “alarma” aldarrigileek den-dena zeukatela aurreikusita, baita kritikoei nola deitu ere (“negazionista eta terraplanista”). Geroztikoa badakigu, syndemia: interes politiko-ekonomiko eta geoestrategikoak (Sputnik txerto errusiarra merkaturatzean, hemengo Plizer, Moderna eta gainerakoak arrapaladan merkatura, protokolozko froga oro bertan behera utzita…)

Beraz, “negazionista” ez garenok badakigu gaixotasun bat, egon, badagoela; pneumonia edo dena delakoa, medikuei dagokie diagnostikoa. Baina gaixotasuna ez dela fantasiazko Covid-19 birus delakoa, eta medizina ere ez datzala itu gabeko sasi-txerto horietan. Zeren sasi-txerto hauek garantia gabekoak baitira: batetik, ez dute eraginkortasunaren bermerik, ezta ere kaltegabetasun garantiarik. Hots, potentzialki arriskutsuak dira. Azal bezate hori ere zehazki birologo eta medikuek.

Egoera hau kontutan hartuta, astakeria galanta da umeen eta nerabeen populazioa txertatzea sasi-txerto esperimental arriskutsu hauekin. Zientzian oinarri-oinarrizkoa den printzipioaren izenean besterik gabe: Prebentzio Printzipioa. Umeak eta nerabeak merkatarien eta tratularien hatzaparretatik babestearren.

Mundua eromenak hartua Mundua eromenak hartua Mundua eromenak hartua Mundua eromenak hartua

Gautegiz-Arteaga. Saiakeraegilea eta itzultzailea. Zamora-apaiz kartzelako

55 pentsamendu “Mundua eromenak hartua”-ri buruz

  • Bilobarik gabeko aiton xahar hau gero eta okerrago dago.
    Hala ere iberiera deszifratu duela aldarrikatzen duen batengandik, zer espero liteke?

  • Arranopola! Oraingoz aitona zahar hau sasoi betean daukazu.

    Oraindik dudatan iberiera dezifratu ote dudanenz?
    Atzo bertan itzuli nintzen Iberia OSOKO iberistek Zaragozan urtero egiten dugun Kongresutik, eta han ondo dakite iberiera dezifratzen dudala euskeraren.bidez, 10.000 urtez baino gehiagotan hizkuntza Bera izan zirelako, iberiera desagertu baino lehen.
    Informazioa gehiagorako, eta babo gisara berba egin ez dezazun, ikusi nire EUSKERA DANTZARA! El ibérico según el euskera liburua.ACCI..2020

  • Josu, aurrekoan irakurri nizun txerto onak noiz izango genituen galdetzen zenuela eta “agian Espainiakoa” esaten zenuen, Espainiako CSICen txertoaz. Birusik ez dela hainbatetan esan duzu, ez dela isolatu. Harrigarria! Ni ez naiz aditua, baina txertoa sor al daiteke birusik ez badago? Zerbait jomugan duen txertoa sortzeko, zerbait hori ezagutu beharko da zer den, ez? Orain berriz diozu CDCek sortu zutela birusa, baina bezperan ari zinen esaten birusik ez zela. CDCak birusa sortu badu, birus isolatua izango zuen noizbait CDCak, ez? Gero larrialdi klimatikoa ere sartu duzu poltsa berean… Hedabideetatik interesatzen zaizuna hartzen duzu, zopa egiten duzu eta ezkerreko antisistema diskurtsoarekin bat egiten duen hitzaldia idazten duzu. Birusa?! Hori da gutxienekoa zuretzat, kontua dena aldrebestea da, geroz eta okerrago hobeto, azken juizioa noiz etorriko den desiatzen AEB satan handia noiz eroriko zain. Nire herrian zu bezalakoei “herriko xelebrea” deitzen diogu.

  • Garagarra,
    Pozten nauk gaiari jarraiera ematea, ea gauzak hobeto azaltzen ditudan.

    Ah, ARLOTE SAMARRA izatea, hau da, arlotik at egotea gustuko dut, erretiroa ondo baitoakit.

    Honez gero, ez nagok horren erotuta BIRUSIK ez dela esateko. Birus eta bakterioei esker bizi gaituk, eta Lyn Margulis andereak arras ongi.azaldu zuenez, birus baten eta bakterio baten KOOPERAZIOTIK.sortu zen BIZITZA itsasoan. Beste kontu bat COVID.19 delakoa existitzen ote den. EZETZ.uste dudanez, eta ez dutela ISOLATU EZEIN LABORATEGITAN, horixe azaltzera mugatzen naiz soil.soilik.

  • Baina txerto posible batean sinesten duzu, zure aurreko idatzi batean diozu, “Espainiako txertoa” aipatzen duzu eta. Gaitz hau birusa ez bada, txertoa zeinen aurka egiteko sortu dute? Josu, ez dakit ohartzen zaren baina gauzak ondo lotu gabe uzten dituzu airean. Birusa ez bada bakteria al da? Zeren, zerbait izango da, ez? Eta txertoa beraz bakteriaren aurka ekiteko da? Txertoa sortu behar duenak garbi izan beharko du zeri egin behar dioen aurre, ez?

  • Antton Erkizia 2021-09-01 13:31

    …Espainiako CSICen txertoaz… mintzo zen Josu.
    Ba begira; CSIC-ekoa eta aditua den Margarita Val andereak zer dion txertoaz eta txertoez…

    https://www.noticiasdenavarra.com/actualidad/sociedad/2021/08/31/investigadora-margarita-val-desmiente-bulos/1177380.html

  • Baina gainera, CDCak sortu duela diozu. Sortu, zer? Zuk diozunez, birusik ez dagoelako. Orduan zer sortu du CDCak? Eta sortu badu, CDCak behinik-behin isolatuta izan du sortutako hori, baina zuk diozu ez dela isolatu. Josu, sinesgarria izan nahi baduzu, izan serioagoa. Ondo dago sistemari kaña ematea baina serioagoa izanez. Bestela pailazo bat bihurtzen zara.

  • Iruzkin hauetan ageri diren psikiatra mordoa ez nuen espero! Hara, orain Naberan jauna burutik jota omen dago, oker egoteaz aparte, eromenak jota, seniltasunak… Zeinen merkea den norbaiti ero deitzea bere ideiak gustuko ez izateagatik, taktika hori bera emakumeengana erabili izan da mendeetan zehar eta erabiltzen da egun. Bere osasunaren alde ez diezaiogun utzi espresatzen, a ze nolako taktu gutxi! Naberan eroturik egongo balitz nire ustea da ZuZeun argitaratzea utzi beharko litzaiokeela, daukan balio terapeutikoagatik, eta eroturik ez badago, bere eskubidea delako. Ez dago besterik, aski da gustatzen ez zaiguna zentsuratzeko nahi infantil honekin.

  • Argi utzi dut gaixotasuna badagoela, nire ustez, baina Ez prezeski COVID.19 delakoa.
    Baita, gaixotasunaren zergatiaz planteatzea etzaila komeni SISTEMaren inteligentziari, arrazoi askogatik. Gaurko BERRIAaren baztertxo batean ageri denez, Kondonen eginiko ikerketa baten arabera, DIETA zerikusia du gaixotasuna honekin. Pentsa. Jendea dogmatik kanpo pentsatzen hasten bada, zelako katastrofea sasi.txertoen merkatarientzat eta haien mertzenarioentzat.
    CSIC txertoaz, nik ulertu dudanez, pneumoniaren birusaren eragina neutralizantes du helburu. Beraz, preventivo egokia izan daiteke, protolozko frogak gainditzen baditu.
    Inongo frogarik gainditu gabe merkaturatu direnak PLIZER eta konpainia dirá. Gainera, ez DUTE ITUrik (COVID.19, existitzen EZ den birus delako hori dutelako itutzat.
    Beraz, porrota besterik ezin itxaron SASI.TXERTO ARRISKUTSU horien aldetik.
    Eta nire osasun mentalaz arduratuta zaudetenok, hobe zeunontzako psikijiatra on baten bila hasten bazarete.

  • Amorrugarria da zuzentzaile erdaldun madarikjatua!!!;

  • Beraz, ondo ulertu badut, COVID19 birusa ez da existitzen baina bai pneumonia eragiten duen birus bat. Horrela da? Eta pneumonia eragiten duen birus hau berria da edo lehendik ere geure artean genuen?

  • Badakizu zeuk beste naizela lego, eta irakurtzen dudanetik berba egiten dudala.
    Birologo batzuek diotenez, birusek EZ GAITUZTE GAIXOTZEN, baizik eta geuk pozoitzen ditugun birusak, gerauen gorputza pozoitzen dugunean, hamaika arrazoiren kariaz.
    Ikuspegi hau Kopernikanoa da. Egun, mediku gehienen leloa badakigu zein den. Gaixotasun baten aurrean, berehala esanen dizuten: bIRUS bat da.
    Zer sinetsi oinezkook? Bada, eritziak kontrastatzen jarraitu, dogmen aurrean JARRERA KRITIKOAREKIN

  • Jaten dugunak eragina duela esan duzu eta askotan aipatzen duzu pozoitzen ari garela, naturari kalte egitean naturak bueltan ekartzen duela… Eta hori guztiarekin ados nago. Inork ezin du ukatu natura gaizki tratatzen dugunik, eta horrek noski, gero buelta dakar. Eta janaria geroz eta kimikatuagoa eta pozoitsuagoa dugula ere erabat ados. Baina ni eta beste guztiak gaude ados horretaz. Baina zure jarrerak, garai batean apaizek botatzen zituzten sermoien antza du. Haiek ere, izurrite bat iristen zenean Jainkoaren zigorra zela esaten zuten, jendea pekatu bideetan zebilelako eta bihotzberritzeko eskatzen zuten. Zuk eta beste askok ere antzera egiten duzue, alde bakarra jainkoa ez duzuela aipatzen. Hau da nolabait esaten duzuena: “bai, ari zarete birusa dela bat eta beste, asko sinesten duzue txertoetan eta farmazeutiketan, baina bizimodua aldatzen ez baduzue, natura zaintzen hasten ez bazarete, bizimodu osasuntsuagoa egiten hasten ez bazarete, etorriko dira gaitz gehiago ere, eta hiltzera kondenatuta zaudete”. Bi diskurtsoak berdinak dira, Josu. Ez esan ezetz. Apokalipsia irudikatzen duzu: klima aldaketa, gaitza… Elizak ere hori egiten zuen, ikusten zuen txar guztia zaku berean sartu eta jendearen gainera bota are gehiago zanpatzeko. Eta kontua da zure sermoiarekin ados gaudela, baina une honetan, inori ez diola graziarik egiten sermoi hori entzun beharrak. Eta une honetan, COVID19 existitu ala ez, jendea hiltzen ari da eta beraz zerbait ari da gertatzen birusa existitu ala ez. Eta beraz, neurriak hartu beharra daude (musukoa, berrogeialdiak…) eta txertoa etab. Zergatik? Jende gehiago hiltzea ez dugulako nahi. Gero, zure soluzioak, epe luzekoak, hor ere zerbait egin beharra dago, noski baietz. Baina zu soluzio handietan jartzen duzu fokua eta unean uneko soluzioak gutxietsi egiten dituzu. Eta hor, arrokeria handia nabari da.

  • Nire “sermoiak” gorabehera, apokslipsiak Bere bidea egingo du..urrun nago apaizkerietatik (bi urtez izan nintzen apaiz eta bi urteotan Katolizismoaren eta Vatikanoren aurka guerra dexente egin genuen )
    Uste okerra duzu nire jarreraz.
    Nagusikeriaren kontra inor badago, neu ere berarekin, eta ekintza xumeenetan ere. Hori bai, neure konbentzimenduekin. Ez dogmen menpe. Ni baino hamaika aldiz apaizago direnak dakuskik inguruan, eta ni baino FEDE handiagoz dabiltzan hainbat, beren buruak kolonizatuta.

  • Hau Valentziako su artifizialen amaierako apteosia bezalakoa da: abiada hartu, eta koheteak noranahi, munizioa agortu arte. Haiek behintzat, zerbait distratsua egiten saiatzen dira. Honelakotestu inkoherenteek (txatalak hartu eta nahieran josi), ez dute distirarik. Okerrago: desestabilizazioa eta manipulazioa bilatzen dute. Iritziak kontrastatzea ondo dago, manipulatzea, ez.

  • Azaldu zeurea, orduan,.taldea kontrastatzeko

  • Josu:
    Alarma egoera nork, nola eta zergatik deklaratu de “ilegal”denok dakigu. Eta neuri lotsa eta amorrua ematen dit, besteak beste, zure argudioak horretan oinarritzen dituzula edo Juanjo Alvarezen eanetatik puxka txiki batekin geratzea zure aldarriari itxura emateko. Ez dut neure ikuspegia VOXen lorpen politiko handiena bere egiten duen batekin. Alarma egoera ilegala.. Bejondeigula, bai..

  • Josu:
    Alarma egoera nork, nola eta zergatik deklaratu de “ilegal”denok dakigu. Eta neuri lotsa eta amorrua ematen dit ikusteak besteak beste, zure argudioak horretan oinarritzen dituzula edo Juanjo Alvarezen esanetatik puxka txiki batekin geratzen zarela zure aldarriari itxura emateko. Ez dut neure ikuspegia VOXen lorpen politiko handiena bere egiten duen batekin parez pare jarriko. Alarma egoera ilegala.. Bejondeigula, bai

  • Nor da Juanjo Álvarez? Txilardegirena?
    Barka Bisitari, ew lo okbaina Ez dizut ulertu alarma deiadarraz diozuna.
    Zure ustez ILEGALAK izan zen ala ez?

  • Alarma deidarraren alde, Espainiako parlamentuan eta Frantziako asanbladan zeinek eman zuen botoa, zeunek berretsi zuen, zeinek eman zuen abstentzioa eta zein agertu zen kontra publikoa da. Espainian alarma egoeraren “ez legezkotasuna” (“ilegal” hitza ez da oso zehatza kadi honetan) Konsituzio Auzitegiaren aurrean nork aurkeztu zein eta zein epailek sinatu zuten legez kanpokotzat jotzen duen ebazpena ere guztiz ezaguna da. Frantzian, bestalde, ez da inongo unetan ez legezkotzat jo. Ez dakit Euskal Herriko zein tokitan bizi zaren, baina euskaldun batzuei, Espainiako Auzitegi Konstituzionalak zer dioen bost, ez baitie eragiten. VOXek izan duen lorpen politiko handiena erabiltzen duzu, besteak beste, zure argudioa oinarritzeko. Egin duzun galderagatik, kontziente ez zarela ematen du. Bestetik, Juanjo Álvarez zuzenbideko katedradunari buruz aldetzen didazu. Irakurri zeure testuak. Zeuk aipatzen duzu. Dakidala, Txilardegi handiaren semea, Joseba da; ez, Juanjo. Dena den, nik ez dut haren izenik aipatu…. Enfin…

  • Azken kontu bat, Josu: Konstituzio Auzitegiaren setentzia publikoa da. Gaztelaniaz baldin badakizu, irakurtzea gomendatzen dizut. Batetik, ez du alarma egoeraren eduki osoa baliogabetzen. Zati batean bakarrik babesten ditu VOXek salatutakoak. Bestetik, ez du behin ere “ilegal” hitza aipatzen. Kritikatzen du “alarma egoera” erabili izana, haien ustez, “salbuespen egoera” zenean, erabili beharreko figura juridikoa. Ematen du oso pozik zaudela emaitzarekin. Alegia, zeu ere bat zatozela VOXek aldarrikatutako eta auzitegiak babesturakoarekin. Kurioski, VOX izan ezik, Espainian ez dago alderdi politikorik eroso sentitzen dena sententziarekin (PPko oportunista batzuk kenduta). Euskal Herrian, berriz, BIZITZAkoek etengabe aipatzen dute hau eta EJren azken dekretuaren aurka ere erabili dute (eta irabazi, noski), “askatasuna” babesten ari direla aldarrikatuz. Garesti ordaindu dugu maskaren erabileraren aurka batzuek duten gerra lotsagarria. Zorra hor dago: hurrengoan, salbuespen egoerarekin ordainduko dugu.

  • Bisitari: ez daukazu inongo ziorik esateko maskarak ez erabiltzraren kontura ezer ” garesti” ordaindu duzunik. Ez daukazu datu zehatzik esateko nor hil den bakarrik covidgatik, autopsiak ez baitira egin. Sinetsi zaleok patetikoak zarete, zientzia egiten duzuelakoan. Zure herrian zenbat hil dira covidagatik? Ez dakizu ezta? Beraz harrokeria gutxiago zure iruzkinetan

  • Banoa bai pixkat argitzen, zaila izan arren Bisitariren.hizkera kriptikoarekin.
    Begira, Bisitari, Neri bost axola Diana didana zera da, VOXek Edo inpernuko.deabruak diñoena.
    Barrial esaten dudanarekin NAHIKOA eta sobera dut, betiere urliak eta berendiak.diotenari adi de

  • Banoa bai pixkat argitzen, zaila izan arren Bisitariren.hizkera kriptikoarekin.
    Begira, Bisitari, Neri bost axola Diana didana zera da, VOXek Edo inpernuko.deabruak diñoena.
    Barrial esaten dudanarekin NAHIKOA eta sobera dut, betiere urliak eta berendiak.diotenari adi

  • Antton Erkizia 2021-09-06 10:54

    “Barruak esaten dudanarekin NAHIKOA eta sobera dut…”(Josu)

    Oso begirada motza eta arriskutsua iruditzen zait, Josu. Bai, barruak entzun behar ditugu baino ingurutik esaten zaiguna ere, eta inguruak berak esaten diguna ere bai.
    Ni eta nire barruak…ni, ninilo…Eta gu? Nor gara “gu”, nor da nire/gure bidaide, bidelagun?.
    Larunbatako Irun-Hendaiako elkarteratze horretan, Frantziako bandera franko ageri zen, ez dakit zer dagokiola…Zuk esango didazu? Zer egiten zuten hor, eskubide indibidualak eta kolektiboak eskatzen ziren manifa batean, Frantziako banderak harro aski makilaren puntan?? Ez da izango bada: eskubideak, askatasuna, liberté… Frantzia??

    Madrilen ere manifa izan omen zen larunbatean. Han ere gure jendea nahasita “Policías por la Libertad” eta halako kolektiboekin…
    Esan nahi dudana da: barruak ezik, burua ere (edo gainerakoan, laster aski, txontxongiloak izango gara).

  • Amaittu esaldia, Antton….urliak…

    Bisitari, jakingo duzu ALARMA EGOERA hiruren artean deitu zutela, hots, FARMAZEUTIKEK, OMS eta
    DAVOSko
    EMUNDU.GAILUR.EKONOMIKOAK,.eta hori “legez” egin ahal izateko, legra aldatu zu
    tela astebete Edo bi lehenago.

    Gero,
    VOXek eta espaiako.konstituzioak esan zutena letra txikia da niretzat

  • Josu, oker zabiltza. Alarma egoera ez du OMSek deklaratu, munduko estatuek baizik. Espainiaren kasuan, espainiako kongresuak deklaratu zuen alarma egoera martxoaren 14an. OMSek pandemia deklaratu zuen, martxoaren 11an.
    MOE-k (WHO/OMS) pandemiaren “definizioa” aldatu zuela askotan entzun diet plandemikoei, niki ezin izan dut inoiz konprobatu datu hori egia den edo ez (MOEren pandemien gidalerroa 2009koa da). Zergatik diozu MOEk alarma egoera deklaratu zuela?

  • aLDATU ZUTENA DA, NIK IRAKURRITAKOAREN ARABERA, “PANDEMIA ALDARRIKATZEAREN JURISPRUDENTZIA”.

    Dena den, garratzitsuena da gero gertatu zena: sasi-txertoen historia, eta orain gertatzen dagoena: umeak sasi-txerto horiekin txertatzea.

  • Antton Erkizia 2021-09-08 23:40

    Jorge Lis gizajoak ere zure <b<sasi-txertoa hartu izan balu, agian, oraindik bizirik legoke.
    Damutu omen zen baina beranduxko..

    https://www.leonoticias.com/sociedad/salud/muere-covid-jorge-20210908110427-ntrc.html

  • Antton,
    Jorge Lis ez dakit zergatik hil den (egin ote diote autopsiarik?
    Baina bistan dagoena da Sistemaren propaganda dela.

    Hamaika lagun izango da sasi-txertoa hatzeagatik hil edo ezgai geratu dena, baina horren propagandarik ez dute eginen.

  • Mikel Haranburu 2021-09-09 10:03

    Baina aski litzateke, propaganda egitearren noski, sasi-txertoek hil dituztenen edo ezgai geratu diratekeenen arrebek jendaurrean agertu eta azaltzea, Lis delako horrenak egin duen legez (orain aste batzu agertu baitzen, anaia jadanik eri zela, ez hil den honetan). Agian horiei ere ez diete autopsiarik egin, baina zuk “hamaika lagun” ematen duzu inolako zalantzarik gabe, txertoen biktimatzat…

  • INOLAKO ZALANTZARIK GABE.

    Lehenik, zentzurak zerbategatik
    Ez dutelako uzten alfombra azpian dagoena ikusten.

    Autopsiarik ere ez dutelako egiten, eta hori gabe esan dezake sanitaria batek hain mola BIZITZA SALBATU dutela sasi.txerto hauek? Magoa al da hori baieteko?

    Eta gero, nire inguru hurbilean ikusi ditudan zenbait kasu susmagarri… Jende sano.sanoa zuhaitz handi baten moduan erortzen, txertatu eta hiru egunera.
    Sineskorregia akaso. Biotarik Zein, ordea?
    Pfizer bezalako Mafiei itsua eta beren mertzenarioei sinesten sinesten diona ez?

  • Zuzenketak

    SANITARIO BATEK HAINBAT MILA

    ITSUKI sinesten

  • Mikel Haranburu 2021-09-10 14:07

    Ez dago bueltarik. Sinestedunek Nessie ere bere aintziran bizi dela sinets dezakete, edo Yetia bere mendietan, eta gure aitona zenak ez zuen ametitzen Lurra itzulka dabilela etengabe, harentzat finkoa baitzen… Erreferentzia markoa da behar duguna, fenomenoak interpretatuko baditugu. Eta erreferentzia markoa ezagutzak eta jakintzak ematen digute. ‘Naturaren oreka naturalean’ sinesten dutenek ez dute beste erreferentziarik behar; haientzat aurak, energiaK eta sanazio kuantikoak beti dira posibleak, eta munduko konplot erabatekoa ere bai.
    Planeta retrogradoen garaietara itzuli dira, Lurra beren zentroan dagoelakoan. Eta ziuraski, 2000 efektua gertatuko zela konbentzituta egon ziren, nork abisua haiei pasa ere…

  • Mikel Haranburu 2021-09-10 14:13

    Etxean txertoak hartu ditugu, bi motatakoak, bi markatakoak, nahi bada. Baina ez gara erori ziplo; ia ez dugu sentitu, ez bada bigarran dosia hartutakoan (iragarria zuten bezalaxe), edo ez bada Astra-Zeneca markakoa hartuta (iragarria zegoen bezalaxe). Horraino, dena normal. Inguruan ere, jendea txertatua da, gehien-gehiena; hildakoak, O.K., hots, bat bera ere ez. Eta, horrenbestez, auzoan, herrian, ez digute autopsiarik egin beharrik izan… inori ere ez.

  • Mikel,

    Uste duzu aski kontraste aukera dagoela hain gai larri bat dela?

    Zuk kontatzen duzuna zeharo.sinesten dizut, baina mundua zabalagoa da.

    Gaur bertan Virginiano gobernadoreak datu numérico zehatzak eman ditu sasi.txerto hauen kariaz hildakoei buruz, eta harí ere sinesten diot, zergatik ez BA.

    Piperrik ere sinesten EZ diedanak KONTRASTEA ERAGOZTEN dutenei.
    Hots, gehien.gehienei.
    Kontrasterik gabe EZ DAGOELAKO DEMOKRAZIARIK ez zientziarik

  • Mikel Haranburu 2021-09-11 01:09

    Nik kontatzen dudana kontrajartzen zaio zuk kontatzen duzunari, eta biak ere kasuistika dira. Ez dira datu esanahitsuak. Alabaina, kontraste nahikorik bada, hura egitea dagokionak gauzatu dezan. Uste dut osasungintzan lanean ari direnek, interes handirik ez dutenek -beren soldata jasotzea besterik-, sekulako ahaleginak egin dituztela eta egiten ari direla gaixotasun berri honen aurka. Aipatzen dituzten sintomak eta erien sufrimenduak benetakoak direla, hildakoak ere bai. Familian eta inguruan ditudan osasungintza langileek egia esaten dute, besterik gabe.
    Iazko urtarriletik aitzina argitaratu diren datu guztiak eta munduan eman bilakaera ezin dira esplikatu konplotaren teoriaz. Teoria sinpleagoa behar dugu, planeta retrogradoen kasuan gertatu zen bezala, bestela, ideia eta argumentu ad hoc gehiegi…
    Txertoak eta birusaren egitatea zalantzan jartzen duzu, baina koronabirusak aspaldi dira ezagunak horietaz lan egiten dutenentzat, eta kontraste aski izan dute dudarik gabe, esaterako birusak animalietan aztertzeko eta txertoen bidez haiei nola heldu, berak inaktibatzeko.
    Interesak nonahi? Jakina, animalien osasungintzan dauden bezalaxe…

  • horrebeste “ikertu” baduzu, jakingo duzu CDCaz aparte isolatua izan dela birusa. Baina ze inpiorta dio. ez sinestea huatatzen baduzu, ez diozu inori sinetsiko.
    Isolatu ez omen den birus horren kontra Kubak diru publikoaz txertoa egin badu ere, konplot okzidental neoteoriko bat aipatzen segituko duzu…
    kontrastea eskatzen duzu? ze kontraste? zientifikoa ez, ez baituzu zientzia egiten duten erakunde eta organismoetan sinesten…zientzia aldarrikatu eta “nire inguru hurbilean ikusi ditudan zenbait kasu susmagarri” moduko kontrastea da balio duena? Denok inguru hurbilak edukiko ez bagenitu bezala… covida hartu eta beste mundura joandako batzuk ezagutzen ditut, txertoa hartu ondoren joandakoak ez…

    “Hamaika lagun izango da sasi-txertoa hatzeagatik hil edo ezgai geratu dena, baina horren propagandarik ez dute eginen” … propagandarik ez dela egiten? txertoa jartzen hasi zirenetik egunez egun hedabideetan agertu izan dira auskalo non txertoa hartu ondorengo asteetan izan diren tronbo edo heriotz guztiak, sensazionalismo bila. harremanik balego, aisa aterako luitzateke honezkero. Eta noski, harremena ikerketa zientifikoek eratzen dute, METODO ZIENTIFIKOAN eratutako KONTRASTE, HIPOTESI eta ONDORIOEKIN, ez interneten arratsalde bat pasata bilatutako albisteek edo “nire inguruak” osatutako datu random batzuekin.

  • Ainhoa Artetaren kasua jarraitu duzue?
    – Urte hasieran covid19-agatik kutsatua. Nahikoa ongi pasa bazuen ere, ondorio latzak pairatu zituen: arazoak bronkioetan, eta edema baten ondorioz guripldun eserlekuan…
    – Uztailaren 21ean Instagramera argazki bat igotzen du non bera agertzen den txertoa jasoz.
    – Uztailaren 23an ospitaleratua, ZIUn 10 egunez, “koliko nefriliko” bat dela-eta
    – Iraila honetan bihotzeko bat pairatzen du eta ondoriozko nekrosia dela-eta zenbait hatz ebaki behar izan dizkiote.
    Inolako aurriritzi txepelik gabeko edonork korrelazio bat antzeman dezake (susmoz bada ere) uztailaren 21 eta 23ko gertaeratan, hau da, gizajoa osasunez gaizki egotetik, txertoaren eraginez infernuko ateetaraino heldu dela. Jakina, ez berak, ez medikuek, are gutxiago komunikabideek planteatzen dute zalantza hori. Zergatik? Agendaren kontra doalako, eta berdina gertatzen da beste hainbeste pertsonaia ezagunekin.

    Hona azken egunetako hildakoen zerrenda bat, denak txertatu ostean: Elia Rodriguez (38), Jordi Rebellon (64), Lisa Shaw (44), Karen Hudson Samuels (68), Pedro Obiang (29), Francis Mossman (33)… azken hau, esaterako, txertatu eta 15 egunetara hilik aurkitzen dute. Jakina, ezta iturri bakar batek ere ez du sikiera planteatu ere egin (azalpenik gabeko) heriotz horien eta txertoaren arteko korrelazioa. Berdin-berdina gertatu da beste hainbeste pertsonaia ezagunekin azken hilabeteetan (zeinak ez ditudan aipatu denboraren ekonomiagatik), pentsa zer ez ote den gertatzen titularretan agertzeko horren ezagunak ez diren milaka eta milaka anonimorekin!!

    Beraz, zertan funtsatzen duzue kontrako irizpidea goiko iruzkingilearen moduko lobotomizatuek? Alegia, komunikabide nagusienak, gobernuen (euren finantzari nagusien) irizpideen kontra, sentsazionalismo hutsagatik omen, tematuak daudela txertoaren ondoriozko kalte eta hildakoak azaleratzen? GEZUR PUTA BAT DA HORI.

    Bestetik, txertoen eraginkortasunak balizko ondorio horiek justifikatzen ote ditu? Carlos III Osasun Institutik ateratako datu ofizialen arabera, abuztuko lehen bi asteetan 927 pertsona hil omen dira covid19-agatik, 2020ko abuztuko lehen bi asteetan 156 hil ziren bitartean (kutsuatu-kopuruen korrelazioa beretsua izan da: 92.215 vs 17.828). Aurreko udako txertatuen portzentaia %5etik beitikoa zen bitartean, aurtengo txertatuen kopurua %70koa da. MoMo-a erreparatuz, ikus dezakegu nola 2020eko abuztuan gehiegizko hildakoen kopurua (sobremortandad) %10,5ean kokatzen zela eta nola 2021eko abuztuan %15,8ra igo dela. Kopuruetara eramanaz: aurtengo abuztuan aurrekoan baino 2677 pertsona gehiago hil dira espainiar estatuan, eta ezberdintasun nagusi bakarra honakoa da: biztanlegoaren %70a txertatua dagoela, eta iaz ia inor ez.
    Israel eta Britainia Handiko datuak ere norantza berean doaz, gainontzeko herrialdeetakoak ez ditut kontrolatzen.

    Nire iritzia? Negu (eta udazken) gorri bat datorrela denontzat, baina batez ere txertoaren defendatzaile porrokatzaileentzat (aka zuzeuko txertojale fanatikoak), deabruari arima saldu osasuna salbatzearren, eta orain arimarik eta osasunik gabe geratuko….

  • Nire aldetik aski utzi dut beti ez nagoela txerto ororen kontra, baizik sasi.txerto hauen kontra.
    Eta mafien kontra, zentsuraren kontra.
    BADA nire ustez KONTRASTE FALTA HEDABIDEetan.
    Ez da NAHIKOA zirkulu txikia batek Bere kontura informazioa izatea.
    Informazioa eta ezagutza ez.da izan behar gutxiengo baten aukera.

    Ah, eta ez naiz atzo goizean Internetek esan dueraz Ari. Hau hasi eta batera hasi nintzen artikuluak idazten. Martxoan “Kukuak makur Jo digu” idatzi eta gero, dozena bat artikulu baino gehiago atera ditut pandemiari eta pLandemiari buruz.
    Nire hipotesia, hasiera batean ez zen izan konplotista, baizit BIOSFERAREN TOXIKOTASUNA KAPITALISMOAREN EREDU JASANEZINAREN KARIAZ, baina orain ikusten dut konplotetik nik uste baino gehiago egon dela eta DAGOELA.

  • Antton Erkizia 2021-09-11 14:58

    Hara hemen Jeremias berria, Sodoma eta Gomorra datorkigula oihuka…Honatx Egurra</b igerlearen profezia biblikoa: “Negu (eta udazken) gorri bat dator denontzat, baina batez ere txertoaren defendatzaile porrokatzaileentzat (aka zuzeuko txertojale fanatikoak)…

    Baina…aizu, egurketari, gu (“lobotomizatuok“) ez gara txertoaren defendatzaile porrokatzaileak”. Zuek zerate txertoaren aurkari porrokatzaileak (eta batzuren batzuk, irainka –bee, bee.).

    Irainka eta manipulatu asmotan? Lobotomizatuak egongo gara baina ez gara ergelak.

  • Ez dakit denok ere aberiaren bat.daukagun lobuluetan.
    Dale “txerto.kontrakoez” eta abar

    Ni ez behintzat txerto.kontrako, baizik eta Pfizer eta txaputxero.hauen SASI.TXERTO pozoitsu.hauen.kontrako.

    ASTRAZENEKAren kontua, marrazoen arteko borroka intestinoak dirá.

  • Egurra, asmatzen hasita, Artetaren bihotzekoa eta heriotza zergatik da txertoaren ondorio eta ez Gurpil aulkira eman ziuen Covidarena (baina existitzen da)??
    Eta txertatu ondorengo X hildako famoso jartzen dizkidazu… Beno, nik txertatu aurreko askoz gehiago jar nitzake, kontua bada datu random batzuk jartzea. Zenbat pertsonaia famatu hil da txertatzen hasi aurreko asteetan, besterik gabe hala tokatzen zitzaielako? Nire etxe aldamenekoa txertatzea tokatzen zitzaion aurreko astean tronbosi bat sortu jo eta beste mundura joan zen. Zuk besapetik ateratako post-txertoen zerrendaren pareko pre-txertoen zerrenda superzienrtfikoan sartuko dut heriotza hori.

  • Antton Erkizia 2021-09-11 20:19

    Ez naiz isilik geratuko.
    “Hona azken egunetako hildakoen zerrenda bat, denak txertatu ostean: Elia Rodriguez (38), Jordi Rebellon (64), Lisa Shaw (44), Karen Hudson Samuels (68), Pedro Obiang (29), Francis Mossman (33)…” (Egurrak esana, duela sei ordu, hildakoen izen-abizenak emanaz.
    Kuriosidade hutsez, begira hasten naiz eta…
    –Francis Mossman…bere familiak esan duenez, suizidatu egin da 33 urteko gaztea.
    –Pedro Obiang, izen horrekin hildakorik ez dut ikusi (gaixotu den jokalaria, bai)
    –Karen Hudson, burukoak eman zion, txertoa hartu biharamunean. Autopsia egin zioten…baina ez dut irakurri inun zein izan den heriotza eragin diona.
    –Jordi Rebellon…inun ez du esaten txertoa hartu zuenik ere, eta hartzekotan, aspalditxo hartuko zuen.
    –Elia Rodriguez, etxean izandako istripu batengatik hil zen…”Libertad Digitaleko” kazetaria izanik, zergatik izkutatuko zuten, Pedro Sanchez-en gobernuari egurra emateko aitzakia ona eskutan izanik?

    Ez da serioa batzuren jokabidea; gizartearen prekarizazioak eta militarizazioak alternatiba on bat merezi du. Baina “hau” ez da serioa.

  • Gaitzaren aurrean altrnatibaSERIO Bat biilatzeko tertulia askeak ahalbide ditzakeen Foro Askeak behar dirá, eta EZ DAGO HALAKORIK (Edo kataratak dauzkat)

    PANTAILA HANDI KOLORE BARREKOAN MONOTEMA:
    Covid.bitxoa eta sasi.txerto magikoak.
    Agintariei ez zaie interesatzen ZERGATIEZ berba egitea.

    Essngo didazue honela ALTERNATIBA SERIORIK AURKI daitekeen

  • Mikel Haranburu 2021-09-11 21:34

    Egurra, txertoa hartu ostean hiltzeak ez dio ezer kausari buruz. Beste iruzkingileek adierazi dute klarki asko.
    “Bestetik, txertoen eraginkortasunak balizko ondorio horiek justifikatzen ote ditu?”
    Galdera hori oso da maltzurra, baina erantzuna erraza: ez, ez ditu justifikatzen. Ez lituzke justifikatuko balizkoak ez balira ere. Baina, ahal dugunok behintzat egunero lantokira joateak eta lanean ederki aritzeak, justifikatzen al ditu hildako langileen heriotzak? Bada, gauza bera.
    Eta esango didazu lan egitea behar-beharrezkoa dugula, bizitzeko. Bai, eta begira zer uste dudan nik txertoei eta sasi-txertoei buruz:
    Pandemiaren aurka, non gizaki asko hiltzen den eta jende askok eragin kaltegarriak jasaten dituen, gobernuek ekin beharra dute, txertoak fabrikatuz eta beste modu batzuez. Gobernuen betebeharra da osasunaren gaineko ardura, eta birus honen aurkako txertorik lortzeko ahaleginik egin ez balute, guztiok ariko ginen kontu hartzen.
    Berdin dio birusa laboratorioan sortu zuten, zen ala zitzaigun. Kontua da munduan barrena hedatu dela (direla; aldakiak nonahi) eta kalte handia egiten duela. Konspirazio edo konplot teoriak, sor ditzakezue dozenaka, baina ez dituzte esplikatuko munduan INORI ERE komeni ez zaion birus baten pandemiaren sortzea eta gainerakoak. Ez baituzue argitzen nori fabore egiten dion ekonomiaren etenaldi bortitzak, edo osasungintzan gastaturiko dirutza itzelak xahutzeak, edo jendearen gogoan familiakoak hiltzea eta ezin agur esatea dakartzan ezinegonak, edo beharbada urte askotarako, betirako ez bada, geratuko diren kalteek…
    A, hori bai, afera baldin bada Bill Gatesek bost edo sei mila milioi pertsonaren gaineko kontrola egin nahi duela, orduan isiltzen naiz…

  • Mikel, nik uste Sentimenduei eta borondateari buruz ados garela.
    Zientifikotasunari daagokionez, oinezkook ireakurtzen dugunetik egiten dugu hitz.

    Nire partetik, zera utzi nahi dut Argi,

    Noski KOROABIRUS asko dela, geuk pozoittzrn ditugun birusak, lehenik pozoitua “dugun” BIOSFERAREN kariaz.
    Baina ni bederen, beti Ari naiz CIVID.19a delako KOROABIRUS HORRI buruz.

    Eta noski txertoak eta bestelakoa sendagaiak behar ditugula, baina ni behintzat SASI.TXERTO BADAEZPADAKO HAUEI buruz ari naiz beti.
    Uste dut nahiko Argi uzten dudala euskera dakien ororentzat.

  • Mikel Haranburu 2021-09-13 10:52

    Bai, noski, koronabirus HAU, baina hori bera da “isolatu” omen ez dutena, (ezagutzen diren) beste birus guztiekin gertatu ez dena, eta txerto HAU, teknika berriak darabiltzana, eta, jakina, negozio itzelgarria izatekoa zenetz, dirutzak, denbora, lan indarra sekulan baino gehiago baliatu direna. Txertoaren eraginkortasuna zalantzan jar daiteke; dudarik gabe, fabrikatzaileen porrota kristorena izanen litzateke oso baxua suertatzen bada. Eta lasterketa zoroa abiatu zuten zeinek lortu lehenengo eta zeinek gehiago saldu. Baina beste gauza bat da pozointzat hartzea, jakin gabe zer sustantziek edo elementuek laguntzen duten txertoaren zati aktiboa.
    Bestalde, birusak ez dira ‘pozoitu daitezkeen animaliak edo izaki bizidunak’ . Birusak izaki bitxiak dira, eboluzioan nola sortu diren eta zein izan den beren ‘eginbeharra’ (halakorik izan badute) izaki bizidunengan, oraindik hipotesi puntuan dago. Orohar, ARN zatiak dira (ARNa ADNa baino garrantzitsuagoa izan bide da eboluzioan, esan dezagun), lipido geruza batez bilduak. Nola pozoindu genitzakeen ez dut ikusten.
    Gaineratu dezagun gauza bat; bai birusaren aldetik, eta bai txertoaren aldetik, biak ere kaltegarriak izanez gero, inork ere ez zukeen jakingo pandemia zenbat luzatuko den, zer ondorioak dakartzakeen, gizateria zenbatetan murriztu lezakeen. Honez gero bada jendea kronikoki eraginak pairatzen hasia dena, COVID19 iraunkorra. Horrek luzaro zenbateko kaltea ekarriko duen, inork ez daki. Ez eta Miguel Bosék ere…

  • Birusak ez dirá gauza biziak, ez, baina bai GAUZAK, guk toxikatu.genitzakeen gauzakiak.

    Sasi.txerto hauen osagaiak EZAGUNAK dirá, eta ez daukate itxuraz onik

  • Ez daukate ITXURA ONIK.

    eta pinutik ezin sagarrik espero.
    Ea…

  • Mikel Haranburu 2021-09-13 15:13

    Txertoen osagaiak ezagunak? Euskarri kimikoak? Mekanismoak? Kaleko jendeak behintzat ez datzagu, nahiz eta txertoa hartzearen aurka batzuk erraz agertzen diren.
    Aspirinak ere itxura onik ez lezake eduki, baina buruko mina kentzen du eta odolaren jarioa errazten du. Pozoina? Baditu urteak, eta hala ere bizi-itxaropena urtetan gora doa…
    Toxikoa zer den ere… zikuta hortxe dugu, eta landareak zientoka kaltegarri direnak, hilgarriak…
    Txertoan merkurio egoteak zenbateko arriskua duen… larunbateko txitxarroak zeukana baino gehiago ote dauka?

  • Mikel Haranburu 2021-09-13 20:38

    “Datzagu” jarri dut, baina “dazaguzkigu” idatzi behar nukeen

  • Arrazoi.duzu,.euskarri kimikoak dituzte, kantitate oso txikian baina BEREZ txit pozoitsuak. Eta arazo.bat SORTU da, publikoak jakitea komeni ez.dena (beraz,, ez duena jakingo), ustez injekzioaren gunera soilik mugatzekoak ziren.gaiok hezrreraino iristen Ari direla.

    Mikel, hori, gero eta bizi.esperantza gehiago dugulakoa,.ez da egia leku.zenbaiten. Batez ere hiri handietako guneetan.
    Bretainia Handian, kasu, bizi.itxaropenaren kurba, oro har, beheranzko joera.hartuta dago a
    aspaldtxoan.
    Ezin.besterik espero hainbat elikagai prozesatu kontsumitzen denean. Zibilizazioko Gaixotasunaren kariaz, minbizi, diabetes, loditasun pernizios, kolesterol…

Utzi erantzuna

Zure e-posta helbidea ez da argitaratuko. Beharrezko eremuak * markatuta daude