Bizitzaren bizioa

Arrain abisalak
Asteburuaren burua. Igandea.

Euskotren geltokiak nire etxeko balkoira du begiratzen amenazuz. “Etorri beharko haiz Oier… etorri beharko! Ezin duk ihes egin.” Eta nik minutuak kontatzen ditut, ez baitut gogo handirik astea hasteko.
Batzuetan nahiago dut arrain abisalak bezalakoa izan, men egin bizitza honen erritmoari eta ilunetan egotera ohituratu. Zorionez, bi aldiz gehiago pentsatu eta oraindik hamaika arrazoi geratzen zaizkidala nabari dezaket. Arrazoiak oparitzen dizkidatela nire txalupa ttikian ozeano zabala ezagutzen jarraitzeko. Ur-bizkorretan jarraitzeko, aurrerantz.
“Ohitura da bizioaren abizena” idatzi zuen behin batek. Bizitzako ohiturekin, bizitza den bizioarekin jarraitu behar dut aste honetan ere.

Oier Aranzabal

ZuZeuko erredakzioko koordinatzailea. Ekaitza bainuontzi batean.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude