Dementziatik babesten gaituena

MzU0Mg==Hezkuntza, Unibertsitate eta Ikerketa Sailak abian jarri duen agenda zientifikoa, Zientziategiaren berri iritsi zait eta portadan horrelako titulua “Dementziatik babesten du hezkuntzak” irakurri dut.

Oso interesgarria iruditu zait gaia, nahiz eta oso garbi ez ikusi zer esan nahi duen: hezitzaileak babestuta gaudela? heziketa jasotzeak alzheimerretik saihesten duela? Hezkuntza Sailak zoroengandik babesten gaituela?

Ikusi dut azpititulua eta pixka bat ulertu dut: “Ikerketa bateko emaitzek aditzera eman dutenez, zenbat eta denbora gehiago eman hezkuntza jasotzen, hainbat eta babes gehiago omen dauka burmuinak dementziaren ondorioen kontra.”

Ikerketa hitzak linka dauka Eroski Consumer aldizkarira, baina han ez dut aurkitu aipatutakoaren aztarnarik; gero begiratu dut BBC-n -hori baita sarreran aipatzen den iturria- eta alzheimerraren inguruan nahikoa  irakurri ondoren, hezkuntza luzea izatearen onuraren berririk ez; gehien-gehienez puzzleek eta gurutzegramek dementzia atzeratzen dutela jakin dut.

Zapuztuta geratu naiz, hezkuntzaren garrantzia zientzia-datuekin azpimarratu nahi eta ezin.

Bukaeran lortu dut kontsolamendua, Artritisaren proteinak alzheimerrarekiko babesa direla jakin dudanean. Lasaitu ederra; bihartik aurrera goizeko artikulazioko minak “egun on!” atseginez agurtuko ditut.

Irudia | Zaharraren eskua | jamelah | Creative Commons By SA
Alzheimerra, dementzia, zahartzaroa
Arantza San Sebastian

ITSASGORAN - Irakaslea ofizioz, Idazlea afizioz

Utzi erantzuna

Zure e-posta helbidea ez da argitaratuko. Beharrezko eremuak * markatuta daude