Txirrindularitza podiumetako azafatak (inkesta)

Txirrindularitza podiumetako azafatak (inkesta)
.
Urrezko Danborrarekin aurten (ere) izandako aferaren harira, zuk nor sarituko zenukeen galdetu genizun joan den astean, irakurle. Eta bizi dugun jendartearen ispilu, ez agintari ez artista, kirolariak izan dire gure bikotekako zerrendan bozkatuenak; Richard Oribe eta Maialen Chorraut.
.
Galdetegi berri batekin gatoz orain.
.
Txirrindularitza podiumetako azafatak (inkesta)
Muak eta muak Mikel Landari, Trentinoko podiumean.
.
“Azafatak podiumetan, ohitura ala sexismoa”, irakurri dugu Marca espainiar kirol egunkariko lerroburu batean, bi gauzak batera izaterik ez balego legez, alegia, ohitura sexista.

Australiako Down Under Tour birari erreparatzen zion notiziak, aurten lehen aldiz ez baitituzte emakume (ederrak) jarri txirrindulariei, garaikurrarekin batera, podiumean musu parea emateko. Erabakiak eztabaida piztu du, ohiturak orain arte bezala uztearen edo `garai berrietara´ egokitzearen aldekoen artean.

Gurera ere heldu da afera, eta azafatei buruz iritzia ematen lehenetarikoa izan da Mikel Landa txirrindulari arabarra:  “Soberan daude. Objetua gisa erabiliak dira [emakumeak], gutxietsiak”, adierazi dio Kirolexpres hedabideari (bertatik hartu dugu argazkia).

Alta, txirrindularitza munduan denak ez datoz bat Landarekin; bira handietako arduradunen esanetan, datorren denboraldira begira, ez omen dago australiar ereduari jarraitu eta aldaketarik egiteko asmorik. Gauzak horrela, Euskal Herriko txirrindularitza zale asko dira, aldaketa horiek gauza daitezen, presioa egiten hasteko unea dela iritzi diotenak.

.

Zure ustez, txirrindularitzako podiumetan:

  • Neska lirainek musuak ematen jarraitu beharko lukete, orain arte bezala.
  • Nahikoa da azafaten artean neskak eta mutilak jartzearekin.
  • Podiumetan, txirrindulariak baino ez, soberan daude beste guztiak.
  • Agintarien ardura da sariak banatzea, izugarri maite duten lana.
  • Tokian tokiko txirrindulari elkarteetako gaztetxoek ilusioz banatuko lituzkete sariak.

.

Txirrindularitza podiumetako azafatak
azafatak, ohiturak, sexismoa, txirrindularitza
ZuZeu

ZuZeuko erredakzioko kazetariak eta editoreak gara.

2 pentsamendu “Txirrindularitza podiumetako azafatak (inkesta)”-ri buruz

Utzi erantzuna

Zure e-posta helbidea ez da argitaratuko. Beharrezko eremuak * markatuta daude