Kosovo: II urtea
- Biztanleak: 2.200.000 biztanle ditu. Euskal Herriak baino gutxiago eta EAEk baino apur bat gehiago.
- Gobernua: NBEn protektoratua izaten jarraitzen duen errepublika bat da. Fatmir Seijdiu da presidentea.
- Populazioaren banaketa: Bi milioi horien %83 jatorri albaniarrekoa da, %8 serbiarra den bitartean. Bestelako gutxiengoek ere garrantzia dute herriaren soziologian, gorani eta ijitoek batez ere.
- Iparraldeko autonomia:Iparraldean kokatzen da serbiar jatorriko jendea. Han gehiengoa dira, eta 2008ko ekainetik, Serbiako gobernuaren aterkipean, Kosovo eta Metohijako asanblada autonomoki gobernatzen du. Kosovoko gobernuak ez du autonomia hori onartzen ordea.
- Kosovo, Serbiaren sehaska. Plano sinbolikoak paper garrantzitsua jokatzen du auzi honetan. Serbiaren sehaska historikoa izan da Kosovo.
- Ekonomia: Euroaren eraginpean dago. Europako lurralderik pobreenetako bat da. Langabezia tasa%40-50ekoa da eta industri sarea oso ahula du. Atzerrian dauden etorkinen bidalketek eta kanpo laguntzak ekonomia orekatzen laguntzen die.
- Kirola: Eskubaloiko eta ping-pongeko federazio ofizialak ditu. Baina ez batzar olinpikoak ez UEFAk ez ditu onartu eta beraz ezin dute Olinpiar Jokoetan eta UEFAren nazioarteko txapelketetan aritu.
- Erlijioa: Kosovoarren %92 musulmana da. Gainerako %7 kristau ortodoxoak dira.
- Nekazaritza eta kutsadura: Nekazaritza eta abeltzantzarako lur oso emanakorrak izan arren, lehengaiak ateratzeko egindako meatze lanek eta horrek sortutako kutsadurak asko kaltetu ditu.
- NBEren indarrak (MINUK): 1999ko gerla amaitu eta Kosovok bere independentzia aldarrikatu duen arren, zenbait eremuk MINUKen, Nazio Batuen Erakundearen Behin-behineko administrazioaren mende jarraitzen dute. Hala nola, defentsa, barne segurtasuna eta Kosovoaren iparraldeko eremuei dagozkien kontuak, adibidez.
Irudia | Indepentzia ospatzen, NYeko Times Squaren | Angela N | Creative Commons By SA
Irudia | Kosovoko independentziaren aldeko manifestazioa | MrSco | Creative Commons By SA
Irudia | Kosovoko independentziaren aldeko manifestazioa | MrSco | Creative Commons By SA