Bide Ertzeanek une gozoan jarraitzen duela erakusten duen diskoa da Don Inorrez. Aurreko lanen aldean, detaileetan ikus litezke taldearen bilakaera eta aurrerapausoak. Alabaina, Bide Ertzeanen musikaren ezaugarri nagusiak gordetzen ditu lan berriak: kantuen egituren soiltasuna, moldaketa dotorez janzteko kezka, melodiaren garrantzia hitzak zaintzeko ardura…  

Boskotearen kantu ederrak, hala nola, soul baladak (Ez nau inork espero), folk kutsuko pieza biluziak  (Zatoz zoragarria, Zure ausentzia), vals-ak (Bost egun eman) edota pop kantuak (Zurekin dantzatu nahi nuke)… zuzenean (abenduaren 16an Donostiako Viktoria Eugenia antzokian iluntzeko 8retan) entzun nahi badituzu, badakizu, idatzi hona, ZuZeura. Lau sarreren zozketa abenduaren 7an egingo dugu. Animatu eta gozatu!