Kopa gorriak

Kopa gorriak

Zenbat kopa gorri ikusi ote ditugun gure bizitzetan zehar; elizan kaliza edateko urre kolorekoak eta gorriak direnak, kandela txikiek giroa goxatzeko balio dutenak, kristal gorrizkoak, ardoz beteak… Baina ez, ez dut gaurkoan horietaz hitz egin nahi. Beste kopa gorri baten inguruan hitz egin nahiko nuke gaur; hilekoaren kopaz hain zuzen ere. Badira hilabete batzuk horrelako kopa bat nire bizitzara heldu zela, baina kontuak kontu, duela gutxira arte ez dut probatzeko aukerarik izan.

Kopa gorriakLagun batzuen gomendioz erosi nuen kopa eta baita gastua murriztearren ere; emakumeok urtean zientoka euro gastatu behar izaten baitugu bestela. Gainera, askozaz kutsadura gutxiago sortuko nuela pentsatzea ere plus bat zen.

Kontua da, kopa erabilita ohartu naizela lehen ez nekiela hilerokoa zer zen. Lehen, banekiela azalpen zientifikoa, banekiela nolako kolorea zuen… baina gutxi gehiago. Orain, ikusi dut zer den hilerokoa; hainbeste urte eta gero ohartu naiz zer gertatzen den gure barruan; nolako konsistentzia duen, nolako tenperatura…

Beraz, gaurkoan, koparen aldeko hautua egitea gomendatzen dizuet emakume guztiei; bai osasunagatik, bai ingurugiroagatik, bai gastuagatik eta baita erosotasunagatik ere. Eta gainera, zuen gorputza ezagutzen lagunduko dizuelako; zuen barnea zein hilero-hilero zuengandik sortzen den horixe ezagutzen!

Kopa gorriak

Maddi Etxeberria

Sentipenak borborka, hitzak borborka. // Emakumearen kurbarik ederrena, bere irribarrea da. EGIN IRRI!

Utzi erantzuna

Zure e-posta helbidea ez da argitaratuko. Beharrezko eremuak * markatuta daude