Gasteizko udaltzaingoa, Elebide, eta euskaldunon hizkuntza exkubidetxoak

Elebide, Gasteizko udaltzaingoa, eta euskaldunon hizkuntza exkubidetxoak

Elebide, Gasteizko udaltzaingoa, eta euskaldunon hizkuntza exkubidetxoakGasteiztar euskaldun temati-saiatu bati isuna jarri zion kapitaleko udaltzain batek, españolez, gure “bertoko” hizkuntza inposatuetako batean. Euskaldunak, euskaraz artatua izateko eskubidea zeukala aldarrikatu arren, ordu bete baino gehiago itxaron eta gero, alde egin behar izan zuen handik, bere erdarazko isun eta hizkuntz “eskubide” eta guzti.

Irailean izan zen hori. Hurrengo egunean salaketa jarri zuen Elebiden.

ELEBIDEk, urrian, kexa helarazi zion (euskaraz, bertoko hizkuntza zapalduan) Gasteizko Udaltzaingoari. GASTEIZKO UDALTZAINGOAK EZ zuenez erantzunik ematen, Elebidek berriro idatzi zien (euskaraz) abenduaren 12an.

Gasteizko udaltzaingoak abenduaren 26an erantzun zion Elebideri, españolez, esanez, bertzeak bertze eta hitzez hitz: “que el Servicio de Policia Local de Vitoria-Gasteiz ha informado a los Oficiales responsables de Turno de que las lenguas oficiales en la Comunidad Vasca son el euskera y el español, por lo que cuando un ciudadano desee ser atendido en euskera se debe cumplir su derecho”.

Elebidek udaltzaingoaren erantzuna bidali dio gasteiztar euskaldun (oraindik) saiatuari, eta galdetu dio ea erantzun horrekin “asetuta” geratu den, espedientea itxi ahal izateko (!).

Izan ere, Elebidek ez baitauka eskumenik edo ahalmenik, euskaldunon hizkuntza eskubideak urratzen direlarik, horretaz ohartarazteaz gain, beste ezer egiteko. Elebide ez delako “hizkuntza eskubideak bermatzeko zerbitzua” bere burua horrela iragartzen badu ere, hizkuntza eskubideen urraketen gaineko kexak jasotzeko eta jakinarazteko zerbitzu bat baino; postari moduko bat, funtsean.

Gertakaria oso esanguratsua iruditu zait, oso ondo islatzen baitu, propaganda instituzionalak propaganda eta diskurtso politikoki zuzenak gezur, euskaldunon lekua zein den Basque Country zabaleko hiri eta herririk gehienetan, bertoko polizien jarrera zein izaten den, eta erakunde publiko nagusien ahalmena (eta ardura) nolakoak diren.

Eta hemendik aurrera, zer?

.

Ondoko loturan, jatorrizko kontakizuna

Elebide, Gasteizko udaltzaingoa, eta euskaldunon hizkuntza exkubidetxoak
Elebide, Gasteiz, hizkuntz eskubideak, hizkuntz gutxituak, hizkuntz politika, Udaltzaingoa

Zer duzu buruan “Gasteizko udaltzaingoa, Elebide, eta euskaldunon hizkuntza exkubidetxoak”-ri buruz

  • Bai, hala da, koadrila zatarra hemengo udaltzainena.
    Ni ere saiatu nintzen baten isuna eta garabia ordaintzeko euskaraz eta hura barregura haiena … Kotxea berreskuratzeko azkenean espainolez.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude