Zenbat konplexu (Angel Erro)

Zenbat konplexu

Angel Erroren Berriako zutabea, herenegun argitaratua.


Zenbat konplexuZenbat konplexu, etorri zait burura erraustegiari Gipuzkoako Ingurumen Gunea izena, gaztelaniaz Complejo Medioambiental de Gipuzkoa, jarri behar diotela irakurri dudanean. Zenbat konplexu gauzei bere izenez ez deitzeko. Maketako argazkian erraustegiak berdexka du sabaia, ondoko mendiekin bat egiteko, integratuago edo; berdera aldatu dute Gipuzkoako armarria ere diputazioko webgunean, beste gauza bati begiratzeko sartu naizenean egiaztatu berri dudanez; gogoan dut aurtengo martxoan Markel Olano diputatu nagusiak eta Jose Ignacio Asensio ingurumen diputatuak Gipuzkoako hondakinentzako eredu berria aurkeztu zutela Donostiako kale zaborrontzidun baten argazki guztiz berdetu bat atzean zutela (argazkiaren gainean, hitz handitan, Gipuzkoako Ingurumen Gunea — Complejo Medioambiental de Gipuzkoa). Zenbat konplexu.

Pantonek bere katalogoan nahiko lukeen berde leherketa honek argi adierazten du ez direla alferrik lau urte —legealdi oso bat— «alferrik» igaro. Orain erraustegia eraikitzeaz gain (zenbat eraikin, zenbat konplexu), aukera ekologikoena badelako ustekizuna ere behar dute eraiki eta horretarako porlanak berdea behar du. Gipuzkoako gehiengoak nahi omen duena egiteko bada, zenbat konplexu.

Zenbat konplexu
angel erro, EAJ, erraustegia, Gipuzkoa, hondakinak, ignacio asensio, Markel Olano, Zenbat konplexu
Salabardoa

Sarean, han eta hemen argitaratzen direnak harrapatzen ditut, gure interesekoak direlakoan.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude