Grebari buruzko informazio guztia, grebaorokorra.info-n

sarean090519Bihar, egun guztian zehar, grebari buruzko informazioa jarraitzeko aukera izango da grebaorokorra.info webgunean. Internet zale eta herritar talde batek sortutako webgunea da, herritarrek sortutako informazioa herritarrei helarazteko. Modu horretan, norberak bere inguruan gertatzen dena kontatu ahal izango du. Nahi duen bezala eta momentuan bertan. Testuekin, bideoekin, argazkiekin, twitter bidez… Baliabide horiek guztiak batzen ditu webguneak.

Nola parte hartu?

  • Testuak: Webgunearen eskuineko aldean, goian, ‘argitaratu’ izeneko botoa sakatu. Bertan, norberak nahi duena idatz dezake.
  • Bideoak: Youtube webgunean igotako azken bideoak webguneko telebistan agertzen dira. Horietako batzuk, gainera, egingo dituzten informatiboetan erabiliko dituzte.
  • Argazkiak: Flickr webgunean jarritako azken argazkiak, webgunearen ezkerreko aldeko goialdean agertzen dira zuzenean.
  • Twitter: Twitterren #grebaorokorra etiketa erabilita idatzitako mezuak webgunearen eskuineko aldean agertzen dira.
  • Loturak: Bildu erabiliz eta albiste edo loturak ‘grebaorokorra’ bezala etiketatuz, jendeak bidalitakoa automatikoki erakutsiko da webguneko ‘Nabarmen’ atalean. Zerbait interesgarria ikustean, elkarbanatzeko aukera ematen du horrek.

Finean, GOerreportari izatea da proposatzen dena. Greba Orokorreko erreportari, alegia. Erreportari sarea handitzen doa eta gero eta gehiago izan, hobe.

Oraindik ez dakizula zer egin dezakezun?

Hemen topatuko dituzu ideia batzuk, greba orokorra interneten bultzatzeko. Modu errezean dago azalduta. Posta zerrendan ere eman dezakezu izena, dudarik izanez gero.

Azkenik, oso garrantzitsua da ‘grebaorokorra’ etiketa erabiltzea. Batetik, bilaketak errazago egiteko. Eta bestetik, grebaorokorra etiketa duten mezuak, argazkiak, bideoak… zuzenean grebaorokorra.info webgunean agertzeko.

Animatu eta izan zaitez GOerreportari! Herritarrengandik herritarrentzat.

greba, grebaorokorra, m21

Nagore Vega. Kazetaria. Kazetaritzaren jardunaz arduratuta. Oso Internet zalea.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude