Zalantzak

• Zergatik diote “Defentsa ministerioa” egiazki “Eraso ministerioa” bada?

• Euskal presoak lotura politiko gabeak badira, zergatik daude sailkatuta haiei buruzko albisteak “politika” sailean?

• Cillit Bang? KH-7? Zein produktu baliatu zuen poliziak azkenengo tortura saioan isurarazitako odola ezkutatzeko?

• Eroskin erosten al du Ertzaintzak bere komisaldegietako zorua garbitzeko lixiba?

• Euskaldunak diogun bezain jator eta on bagara, zergatik ez dute gainontzeko kulturek euskaldun bihurtu nahi?

• Euskararekiko grina berezirik sentitzen ez duten herritarrak euskaldunen artean eroso sentiaraztea al da orain arteko euskal politikaren lorpenik handiena?

• Telebistako albistegiak ikusita izan ote duzu noizbait Ciudad Rodrigo Ezpeize-Ündüreine baino gertuago dagoen sentipena?

• Noiz izan zen hankarteari zerbait galdetu zenion azken aldia?

• Mezuak elkartrukatzerakoan zergatik igarri zintudan iheska bezala, oporrak nola joan zitzaizkizun aurrez aurre galdetu nizunean begirada piztu bazitzaizun?

• Perilla kerosenoz busti behar al dut zure muxu lotsati batek txinparta jarri eta bion ahoak sutan leher daitezen?

• Eta hi.. lerro hauek idazten habilen idazle hori… ordenagailu aurrean biluzik hagoela ari al haiz zalantza hauek guztiak aireratzen?

Zalantzak