Antzoki Zaharra bezalako antzoki ttikiak maite ditu Nick Lowek: “Ingalaterran halako gutxi ditugu, lehen zeuden lekuan etxebizitza handiak daude eraikita”, dio abesti eta abesti artean ikusleoi begirada kendu gabe. Goxotasuna da abesten duenean. Mikrofonoari belarrira abestu eta hitz bakoitzari doinuaren eta tonuaren neurrirako jantzia egiten dion horietakoa. Zenak ez du denarekin zer ikusi handirik. Dena da eman zuena Donostian larunbatean. Lehen abestitik sortu zuen giroa zail da azaltzen, eta akaso hobe duzue zeuen kabuz ikusi eta entzun.