Henry Bengoa Inventarium

 

Maiatzaren 31an, 20’30tan, Hendaiako Varietés antzokian jokatu da Henry Bengoa Inventarium. Jatorrizko hartan ibili ziren Bernardo Atxaga eta Joxemari Iturralde igoko dira oholtzara 25 urteren buruan, eta Xabier Strubell-ek egingo ditu musika aldetiko laguntzak oraingoan.

 

Henry Bengoa Inventarium
(Ikuskizun poetikoa)

25 urte
Bernardo Atxaga egilearekin batera, 1987ko maiatzean , Ruper Ordorika eta Joxemari Iturralde agertu ziren oholtza gainera Henry Bengoa Inventarium ikuskizun poetikoa jendaurrean jokatzera. De la Casa bi anaia musikariak ere laguntzaile izan zituzten. Handik hona 25 urte betetzen dira oraintxe eta urtehurren horrexen aitzakiarekin, Hendaiako MUGATI euskaltzale taldeak berpiztu egin nahi du orduko ikuskizun huraxe bera.

Noiz eta non
Maiatzaren 31an, 20’30tan, Hendaiako Varietés antzokian jokatu da Henry Bengoa Inventarium. Jatorrizko hartan ibili ziren Bernardo Atxaga eta Joxemari Iturralde igoko dira oholtzara 25 urteren buruan, eta Xabier Strubell-ek egingo ditu musika aldetiko laguntzak oraingoan.

Zer da HBI?
Jendaurrean irakurtzeko pentsaturik sortu zen poesia ekitaldi hura, aitzindaria izan zen aurrez-aurreko emankizun literarioei dagokienean, gurean ezagutzen ez zen ohitura bati bideak zabalduz.  Baina hori ez da, hala ere, lan honek daukan baliorik handiena: nekez aurkituko da euskal letretan eta ingurukoetan, Henry Bengoa Inventarium-ek dakarren edertasun eta gozamenik. Behingoagatik,  poesiaren bidez jabetzen gara kontakizun oso batez, narratibitate aparteko baten testigu gara, aurrez-aurreko eskainaldian berebiziko indarra hartzen duten hitzen menera geratzen garelarik ikusentzuleok.

Sinopsia
Henry Bengoa laguna, Hanburgora joana da, baina ez du aspaldi gutunik bidaltzen zer moduz dagoen esateko. Eta hala, haren patuaz kezkaturik, bere bila abiatzeako deliberoa hartu dute bere lagunek. Eta han doaz, Europa zeharkatu eta Hanburgoko strasse batean lagunaren gela aurkitu arteko bidaian. Eta han, lagunak utzitako hondarren inbentarioa eginez batera, Henry Bengoaren ibileren berreraiketa harrigarri baten lekuko da ikusentzulea, literaruraren oihartzun gozoen besoetan.

ZuZeuko erredakzioko kazetariak eta editoreak gara.

Zer duzu buruan “Henry Bengoa Inventarium”-ri buruz